Atvinnu- og menningarmálanefnd

Elvar og Hilmar kynntu áform um Hepputorg í húsnæði sem áður hýsti sláturhúsið. Þar er fyrirhugað að leigja út rými fyrir atvinnu- og menningarstarfsemi. Brugghús og veitingastarfsemi er meðal þess sem félagið hyggst reka í húsinu. Atvinnu- og menningarmálanefnd fagnar frumkvæði og metnaði nýrra eigenda.

Fyrirhugað er að dómnefnd ljúki störfum sínum nú á næstu dögum, og er áætlað að fulltrúar frá þátttökuteymunum fimm sem tóku þátt kynni sínar tillögur í Nýheimum þann 6. apríl nk. Þá mun vinningsteyminu einnig verða veitt verðlaun við hátíðlega athöfn.

Staða á atvinnuleysisskrá í Sveitarfélaginu Hornafirði er eftirfarandi:

780= 29
781= 6
785= 4

Nefndin lýsti ánægju sinni með að umhverfisstefna skuli vera í ferli.

Áætlað er að breyta opnunartíma Svavarssafns. Nú er opnunartími safnsins 09:00 - 12:00 og 12:45 - 15:00 virka daga en við breytingarnar mun safnið verði opið frá 09:00 - 12:00 og 12:45 - 17:00 virka daga. Yfir sumartímann hefur safnið verið opið frá 09:00 - 12:00 og 12:45 - 15:00 virka daga en 13:00 - 17:00 um helgar en með breyttum opnunartíma verður safnið opið frá 09:00 12:00 og 12:45 - 18:00 virka daga og 13:00 - 17:00 um helgar.

Atvinnu- og menningarmálanefnd fagnar samstarfi við Vatnajökulsþjóðgarð í kjölfar viljayfirlýsingar. Farið var yfir nýjustu tillögur að skipulagi fyrir Miklagarð þar sem gert er ráð fyrir aðstöðu fyrir starfsfólk, nýrri jöklasýningu ásamt útleigubili.

Erindi barst fjölmenningarráði þar sem foreldri af erlendum uppruna óskar eftir aðstöðu fyrir foreldra til að koma saman með börnin sín. Nefndin fagnar frumkvæði að erindinu.
Eyrún Helga Ævarsdóttir, forstöðumaður Menningarmiðstöðvarinnar leggur til að foreldrar ásamt fjölmenningarfulltrúa og starfsmanni Menningarmiðstöðvarinnar ákveði í sameiningu daga til að hittast á bókasafninu þar sem sérstök áhersla verið lögð á fjölmenningu.