Atvinnu- og menningarmálanefnd

Atvinnu- og menningarmálanefnd þakkar Ragnhildi fyrir góða yfirferð á verkefninu. Ljóst er að mikil fjölgun ferðamanna hefur verið í Austur-Skaftafellssýslu á undanförnum árum og gefur spálíkan Ferðamálastofu til kynna að svo verði áfram á komandi árum. Umræður sköpuðust um mikilvægi slíkra upplýsinga fyrir Sveitarfélagið Hornafjörð, einkum og sér í lagi varðandi fyrirhugaða endurskoðun á aðalskipulagi. Atvinnu- og menningarmálanefnd telur mikilvægt að boðað verði til íbúaþings til að auka aðkomu íbúa vegna þróunar ferðamennskusamfélagsins.

Nefndin fór yfir umsóknir í atvinnu- og rannsóknarsjóð 2023. Úthlutun A-hluta úr atvinnu- og rannsóknarsjóði samþykkt samhljóða. Úthlutun B-hluta úr atvinnu- og rannsóknarsjóði samþykkt samhljóða. Starfsmanni falið að upplýsa umsækjendur um niðurstöðu nefndar. Styrkjum verður úthlutað við hátíðlega athöfn samhliða afhendingu menningarverðlauna og annarra styrkja sveitarfélagsins þann 10. mars nk.

Nefndarmenn fóru yfir styrkja úthlutanir og voru sammála um úthlutun styrkja úr sjóðnum.
Nefndarmenn fóru yfir tilnefningar til menningarverðlauna sem borist hafa, en umsóknarfrestur rennur út 15. febrúar.
Atvinnu- og menningarmálanefnd þakkar innsendar umsóknir og tilnefningar til menningarverðlauna.

Áætlað er að halda menningarhátíð sveitarfélagsins 10. mars 2023.

Unnið er að skipulagningu Humarhátíðar, hátíðin verður 30 ára í ár og ákveðið hefur verið að auglýsa eftir aðilum sem vilja taka að sér utanumhald með hátíðinni.
Nefndin hefur unnið að því að móta ramma utan um hátíðina og hyggst leggja lokahönd á það fyrir næsta fund.
Mikilvægt er að sem flestir í nærsamfélaginu leggji hönd á plóg varðandi hátíðina og nefndin óskar sérstaklega eftir aðkomu ungmenna- og öldungaráðs.
Áfram er unnið að málinu.

Nefndin hefur ákveðið að prófa vefútgáfu Skaftfellings á heimasíðu Menningarmiðstöðvarinnar. Með því móti er komið til móts við umhverfissjónarmið og vonandi hraðari útgáfu efnis.