Atvinnu- og menningarmálanefnd

Árið 2021 var unnin kostnaðaráætlun fyrir miklar endurbætur á húsinu þar sem átti að laga það og umhverfi þess. Sú kostnaðaráætlun hljóðaði upp á 320 milljónir króna. Skv. verðlagsreiknivél Hagstofunnar væri sá kostnaður um 400 m.kr á verðlagi dagsins í dag.

Sveitarfélagið Hornafjörður er í miklum innviðafjárfestingum í dag á meðan Mikligarður stendur nánast tómur og húsinu er ekki sýndur sá sómi sem það á skilið. Sökum mikilla framkvæmda sem í gangi eru og eru framundan er erfitt að sjá að endurbygging og lagfæringar á Miklagarði rúmist í áætlunum næstu ára. Þess vegna er betra að finna húsinu nýtt hlutverk og nýja eigendur sem gætu kynnt sínar hugmyndir um uppbyggingu Miklagarðs fyrir bæjaryfirvöldum

Á vefnum mun myndasafn safnsins, fundargerðabækur og önnur gögn sem almennur aðgangur að upplýsingum falla undir skv. upplýsingalögum og persónuverndarlögum.

Meðal hlutverka skjalasafns skv. 13. gr. laga er m.a. að taka við og heimta inn skjöl og varðveita þau og önnur gögn frá afhendingarskyldum aðilum sem hafa að geyma upplýsingar sem þýðingu hafa fyrir stjórnsýslu eða hagsmuni og réttindi borgaranna eða hafa sögulegt gildi. Að hafa til reiðu skjöl og önnur gögn safnsins ásamt skrám og upplýsingum um þau fyrir þá sem nota vilja safnið og skapa þeim aðstöðu til þess, þ.m.t. til vísindalegra rannsókna og fræðiiðkana. Með uppsetningu vefsins mun aðgengi að safneign héraðsskjalasafnsins verða auðveldari fyrir þá sem sækja þjónustu til þess.

Nefndin þakkar Degi fyrir kynninguna og fagnar því að vefurinn sé nú kominn upp og aðgengi að gögnum safnsins sé orðið auðveldara.

Starfsmaður héraðsskjalasafninu mun halda áfram að skanna inn efni til að setja á síðuna.

Atvinnu- og menningarmálanefnd lýsir ánægju sinni með styrkinn og uppbyggingu við Múlagljúfur.

Sjá má á ársskýrslu Menningarmiðstöðvarinnar fyrir árið 2023 að mikið og blómlegt starf er unnið á vegum stofnunarinnar í menningarmálum sveitarfélagsins. Þar standa upp úr fjölmargir viðburðir sem voru á dagskrá á árinu, skrásetning menningarminja og miklar endurbætur á Álaleiru þar sem upp voru settar hillur og gengið frá munum.

Nefndarmenn þakka starfsfólki vel unna ársskýrslu og hvetur fólk til að kynna sér hana.

Tölur atvinnuleitenda:

780 = 17
781 = 10
785 = 3

Vegna fyrirhugaðra framkvæmda í ráðhúsinu mun Svavarssafn missa hluta af geymsluplássi sínu í húsinu. Þar af leiðandi mun safnið þurfa aðstöðu til að varðveita listaverkin til frambúðar á öðrum stað sem uppfyllir staðla Safnaráðs um varðveislu málverka sem finna má í „Handbók um varðveislu safnkosts"(seinna bindi) kafla 3.

Unnið hefur verið mikið verk í uppbyggingu á varðveisluhúsnæði fyrir söfn Menningarmiðstöðvarinnar í Álaleiru sl. ár. Þá voru settar upp hillur í hluta hússins og í þær voru settir munir sem áður stóðu til sýnis í Skreiðarskemmu ásamt aðföngum frá Kvískerjum. Við frágang muna skiptir skráning þeirra höfuðmáli og að frágangur þeirra sé skipulagður og vandaður.

Þá hafa starfsmenn stofnunarinnar unnið í að koma viðkvæmustu aðföngum byggðasafnsins fyrir, en ljóst er að mikið verk er fyrir höndum og tilfinnanleg vöntun á geymsluaðstöðu fyrir önnur aðföng safna Menningarmiðstöðvarinnar.

Verið er að vinna að kostnaðaráætlun fyrir framkvæmdir í varðveisluhúsnæðinu svo að rýmið nýtist sem best og óskað er eftir fjármagni í verkefnið.

Skemmtileg og fjölbreytt dagskrá verður í barnastarfi sumarsins og hvetur nefndin foreldra til að kynna sér dagskránna.

Atvinnu og menningarmálanefnd vill sjá líf í húsinu.

Starfsmanni falið að vinna áfram að málinu.

Samgönguhátíðin er samstarfsverkefni sveitarfélagsins og Vegagerðarinnar. Haldið verður upp á afmæli Skeiðarárbrúar og hringvegarins þann 30. ágúst n.k.