Atvinnumálanefnd

Lögð fram drög að erindisbréf nefndarinnar. Umræður sköpuðust um punkta erindisbréfsins. Atvinnumálanefnd samþykkir erindisbréfið með þeim breytingum sem fram komu á fundinum.Atvinnumálanefnd fór yfir fundartíma nefndar og ákveðið að nefndin fundi síðasta miðvikudag í mánuði klukkan 17:00

Tillögur að landskipulagsstefnu lögð fram. Atvinnumálnefnd vill benda á að 60 km. skilgreining á vinnusóknarsvæði er þröng skilgreining. Innan sveitarfélagsins er mikil uppbygging í ferðaþjónustu og aukning starfa í nágrenni Hafnar sem falla utan þessarar skilgreiningar um vinnusóknarsvæði.

Matslýsing vegna kerfisáætlunar 2015-2024 og gangaöflun. í lýsingunni eru nefndir þrír framkvæmdarkostir. Kostur B er styrking á núverandi megin flutningskerfi og er því vænlegasti kostur fyrir sveitarfélagið að sá framkvæmdarkostur verði fyrir valinu.

Ragnheiður fór yfir þá vinnu sem hefur verið í gangi undanfarið. samskipti við Þórarinn hjá SASS sem verið hefur ráðgjafi í þessum málum til þessa. Tillaga er um að skipta málaflokkum stefnunnar upp í 7 kafla og að í vinnunni verði byggt á miklu samstarfi við atvinnulífið. Atvinnumálanefnd er sammála um að fá Þórarinn á næsta fund nefndarinnar til að fara yfir hugmyndir og framhaldið í þessari vinnu.

Lagðar fram tölur um atvinnuleysi í sveitarfélaginu í lok árs 2014. Alls voru 24 á atvinnuleysisskrá í desember 18 karlar og 6 konur. Atvinnuleysi á Suðurlandi var 2,8% í desember 2014 og 3,4% á landinu öllu. Á sama tíma í Sveitarfélaginu Hornafirði var það 2%.