Atvinnumálanefnd

Atvinnumálanefnd er sammála um að sú hugmynd sem lögð er fram felur í sér mikla nýsköpun í ferðaþjónustu á svæðinu.

Spurningar vöknuðu um hvort verkefni af slíkri stærðargráðu feli í sér samfélagslegan ábata og verði til þess fallið að styrkja innviði samfélagsins til frambúðar. Einnig sköpuðust umræður um umhverfi svæðisins og nýtingu þess. Starfsmanni falið að afla frekari gagna.

Atvinnumálanefnd tekur undir þá bókun umhverfisnefndar að mannvirkið falli sem best að umhverfi sínu því hér er um stórbrotið landssvæði að ræða. Nefndin fagnar úrbótum á afhendingu rafmagns í Öræfum, enda er það mikilvæg forsenda uppbyggingar atvinnu og jákvæðrar byggðaþróunar.

Starfsmaður kynnir tillögur um markaðs- og kynningarmál sveitarfélagsins. Nefndin er einhuga um mikilvægi slíks átaks og felur starfsmanni að vinna áfram að slíkri áætlun.

Starfsmaður kynnti hugmyndir BEIT Productions um gerð kynningarmyndbands um svæðið. Nefndinni lýst vel á hugmyndina og bendir á samstarfsmöguleika við ferðaþjónustuaðila á svæðinu.

Atvinnumálanefnd telur slíka tónlistarhátíð glæða svæðið lífi bæði fyrir bæjarbúa og gesti. Vísar hún málinu til afgreiðslu menningarmálanefndar.

Starfsmaður upplýsir nefndina stöðu verkefnisins. Ráðning verkefnastjóra stendur yfir, en verða tvær slíkar stöður á Suðurlandi.