Bæjarráð Hornafjarðar

Íbúakosningin hefst 19. júní og stendur til og með 10. júlí. Opnunartími íbúakosningarinnar verður frá 09:00-12:00 og 13:00-15:00 á fyrstu hæð í Ráðhúsi.

Sveitarfélagið Hornafjörður, Háskólafélag Suðurlands, Nýheimar Þekkingarsetur og Samtök Sunnlenskra sveitarfélaga gerir með sér samkomulag um rekstur frumkvöðlaseturs á Höfn. Sveitarfélagið mun annast reksturinn í samstarfi við Háskólafélagið.

Erindi frá Golfklúbbi Hornafjarðar þar sem óskað er eftir að sveitarfélagið annist malbikun á bílaplani við Golfvöllinn. Einnig er óskað eftir viðræðum um frágang á göngustígnum við golfskálann.

Erindi frá Stefáni Helga Helgasyni þar sem óskað er eftir smölun ágangsfé úr heimalandi í samræmi við 33. gr. laga nr. 6/1986.

Erindi frá Sigrúnu Sigurgeirsdóttur þar sem fram kemur að netöryggi í Öræfum er ekki öruggt þegar rafmagnsleysi verður í Öræfum.

Aðalstjórn Ungmennafélagsins Sindra óskar eftir frekari stuðningi við rekstur félagsins og jafnframt einskiptis stuðningi til að mæta þeim útgjöldum sem aðalstjórn hefur lagt út fyrir meistaraflokka félagsins.

Erindi frá Sýslumanninum á Suðurlandi þar sem óskað er eftir umsögn um tækifærisleyfis til áfengisveitinga í tjaldi á hátíðarsvæði Humarhátíðar.

Erindi frá Sýslumanninum á Suðurlandi þar sem óskað er eftir umsögn vegna tækifærisleyfi fyrir ungmennaball í Sindrabæ.

Erindi frá Jóni Þór Sigurðssyni þar sem óskað er eftir frest á framkvæmdum á lóðinni Hagaleiru 3.

Erindi frá Jóni Guðmanni Péturssyni, Kristínu Magnúsdóttur, Ívari Ingimarssyni og Lilju S. Jónsdóttur þar sem fram koma athugasemdir við álit og leiðbeiningar Sambands íslenskra sveitarfélaga til sveitarfélaga vegna álits Umboðsmanns og úrskurðar dómsmálaráðuneytisins vegna ágangsfjár.

Erindi frá Marina Travel þar sem óskað er eftir framlengingu á frest til framkvæmda á lóðunum Sandeyri 2-7.

Björgunarfélag Hornafjarðar sótti um byggingarheimild til að byggja björgunarmiðstöð á Álaleiru 6 samkvæmt framlögðum teikningum. Fyrirhuguð staðsetning er í samræmi við aðalskipulag þar sem svæðið er skilgreint sem athafnasvæði. Ekki er í gildi deiliskipulag fyrir svæðið. Grenndarkynning fór fram frá 25. apríl til 23. maí engar athugasemdir bárust.

Umsókn Ásgerðar Haraldsdóttur og Birgis Sigurðssonar um heimild til að setja sólskála garðmegin við íbúð að Silfurbraut 15. Samþykki eigenda raðhúsalengjunnar liggja fyrir, en ekki er til gildandi deiliskipulag fyrir svæði.

Umsókn Suðurhúsa ehf. um byggingarheimild fyrir starfsmannabúðir að Reynivöllum samkvæmt meðfylgjandi uppdráttum til þriggja ára, vegna byggingar hótels. Ekki er til gildandi deiliskipulag en samkvæmt aðalskipulagi er um að ræða landbúnaðarsvæði.

Umsókn Þingvangs ehf. um heimild til að staðsetja starfsmannabúðir að Hnappavöllum 1 vegna framkvæmda sem fyrirhugaðar eru í Skaftafelli 3A til 3C. Ekki er til gildandi deiliskipulag fyrir svæði en samkvæmt aðalskipulagi er um að ræða landbúnaðarsvæði. Samþykki landeiganda liggur fyrir. Erindið var grenndarkynnt skv. 1. mgr. 44. gr. skipulagslaga nr. 123/2010 frá 11. maí með athugasemdarfresti til 8. júní 2023. Ein athugasemd barst.

Endurskoðaðar reglur um gáma, báta og aðra lausafjármuni í sveitarfélaginu lagðar fram. Markmið reglnanna er að tryggja að öllum öryggis- og hollustukröfum sem tilheyra lausafjármunum sé fylgt, að brunavarnir séu fullnægjandi, og að lausafjármunir skapi ekki óþægindi fyrir nágranna

Umsókn Friðrik Friðriksson f.h. Suðureigna ehf. um breytingu á Aðalskipulagi Sveitarfélagsins Hornafjarðar. Breytingin nær til lóðarinnar Hjáleigu (L233485) í Öræfum sem er nú skráð sem landbúnaðarland en óskað er eftir að verði íbúðarsvæði til samræmis við framlögð drög að deiliskipulagi.

Deiliskipulag fyrir skóla- og íþróttasvæði á Höfn er tekið fyrir að nýju ásamt athugasemdum Skipulagsstofnunar eftir yfirferð skipulagsgagna. Skipulagið var auglýst 13. apríl 2022. Athugasemdarfrestur var til 25. maí en var síðan framlengdur til 5. júní. Ekki náðist að ljúka ferli deiliskipulagsins í samræmi við 1. mgr. 42. gr. skipulagslaga nr. 123/2010. Samhliða deiliskipulaginu eru gerðar breytingar á afmörkun þriggja aðliggjandi skipulaga í samræmi við umsögn Skipulagsstofnunar: Íbúðarsvæðis á Leiru, miðbæjarskipulags og skipulags knattleikjahúss við Víkurbraut. Nýtt skipulag mun taka yfir hluta þessara skipulaga og eru skipulagsmörk samræmd og skilmálar endurskoðaðir.

Tillaga að óverulegri breytingu á deiliskipulagi, breytingin felur í sér breytingu á skipulagsmörkum deiliskipulags miðbæjar vegna skipulags aðliggjandi svæðis.

Erindi frá Sýslumanninum á Suðurlandi þar sem óskað er eftir umsögn við reksrarleyfi í flokki II B stærra gistiheimili.