Bæjarráð Hornafjarðar

Fundargerð atvinnu- og menningarmálanefndar frá fundi nefndarinnar númer 65 lögð fram til kynningar.

Fundargerð Hafnarstjórnar frá fundi númer 266 lögð fram til kynningar.

Fundargerð umhverfis- og skipulagsnefndar frá fundi nefndarinnar númer 82 lögð fram til kynningar.

Fundargerð fræðslu- og frístundanefndar frá fundi nefndarinnar númer 114 lögð fram til kynningar.

Erindi frá sýslumanninum á Suðurlandi það sem óskað er eftir umsögn um útgáfu rekstrarleyfis fyrir gististað í flokki IV, Hótel Jökulsárlón Á Reynivöllum.

Bæjarráð fól sviðsstjóra fræðslu- og frístundasviðs að taka samtalið við rekstraraðila um framlengingu á fyrri samning. Rekstraraðili er reiðubúinn að framlengja samningnum. Bréf um tillögur rekstraraðila lagt fram.

Jafnréttisstofa vekur athygli á ábyrgð og hlutverki sveitarfélaga til að brúa bilið sem myndast þegar foreldrar hafa fullnýtt fæðingarorlofsrétt sinn og þangað til barn fær dvöl á leikskóla og hvetur jafnframt sveitarfélög til að vera vakandi gagnvart stöðu jafnréttismála á hverjum tíma og gæta sérstaklega að mögulegum afleiðingum.

Tillaga að deiliskipulagi verslunar- og þjónustusvæðis við innkomu á Höfn, austan við Hafnarbraut lögð fram til staðfestingar. Markmið með deiliskipulaginu er að móta nýtt svæði fyrir stærri verslanir og aðra rýmisfreka verslunar- og þjónustustarfsemi á Höfn. Íbúafjölgun og vaxandi fjöldi ferðamanna hefur skapað forsendur fyrir meiri verslun og þjónustu. Gert er ráð fyrir þremur lóðum undir verslunar- og þjónustustarfsemi á skipulagssvæðinu. Lagður er grunnur að vönduðum frágangi byggðar og umhverfis innan skipulagssvæðisins. Tillaga að deiliskipulaginu var auglýst með athugasemdarfresti frá 8. apríl til 24. maí 2024.

Tillaga að nýju deiliskipulagi fyrir Hagahverfi, sem hefur vinnuheitið ÍB5, sem er staðsett við hlið tjaldsvæðis lögð fram til staðfestingar. Megintilgangur með deiliskipulaginu er að móta hverfi með vistvænum áherslum í samræmi við markmið aðalskipulags Hornafjarðar. Með uppbyggingunni er verið að koma til móts við íbúðaskort í þéttbýlinu á Höfn þar sem íbúum hefur fjölgað hratt undanfarin ár. Á svæðinu er gert ráð fyrir sérbýli, einbýlishúsum, parhúsum og raðhúsum ásamt fjölbýlishúsum á 2-3 hæðum auk kjallara. Alls er gert ráð fyrir um 200 íbúðareiningum á svæðinu. Tillaga að deiliskipulaginu var auglýst með athugasemdarfresti frá 8. apríl til 24. maí 2024.

Bæjarstjórn samþykkti þann 8. febrúar 2024 að auglýsa tillögu að breytingu á gildandi aðalskipulagi. Fyrirhuguð breyting á aðalskipulagi felur í sér að skilmálar breytast á svæði VÞ44 sem nær bæði til Skaftafells III og IV. Byggingarheimildir skv. aðalskipulagi eru fullnýttar á Skaftafelli III. Breytingin felur í sér að skilmálar breytast þannig að sambærileg uppbygging geti einnig átt sér stað á landi Skaftafells IV og verður því um tvöföldun á uppbyggingu að ræða. Tillagan var auglýst með athugasemdarfresti frá 15. apríl til 27. maí 2024.

Bæjarstjórn Sveitarfélagsins Hornafjarðar samþykkti þann 8. febrúar 2024 að auglýsa tillögu að breytingu deiliskipulags Skaftafells III og IV. Í breytingunni felst að byggingarheimildir aukast úr 35 gisti- og þjónustuhúsum í 70 hús með samtals 70 gistirýmum sem jafngildir 140 gistirúmum. Tillagan var auglýst með athugasemdarfresti frá 15. apríl til 27. maí 2024.Viðbrögð umsækjenda og ásýndarmyndir af svæðinu lagðar fram.

Skipulagslýsing lögð fram til kynningar samkvæmt 30. grein og 40.grein skipulagslaga númer 123/2010. Umhverfis- og skipulagsnefnd leggur áherslu á að í matsfyrirspurn verði reifaðir þeir valkostir sem skoðaðir voru í ferlinu, þar með talið áhrif á innviði og samfélag.

Hæsta tilboðið sem barst vegna sölu á rörunum var frá Rósaberg ehf. upp á 32.000 kr./m. Óskað er eftir heimild til að taka tilboðinu.

Óskað er eftir að bæjarráð samþykki skilmála lóðarleigusamnings og undirritun hans í framhaldinu eða komi með tillögur að breytingum.

Beiðni um endurupptöku máls eða afturköllun ákvörðunar umhverfis- og skipulagsnefndar vegna synjunar á veitingu byggingarleyfis við Horn 1 þar sem deiliskipulag liggur ekki fyrir. Sé ekki fallist á framangreint er óskað eftir heimild til að vinna að gerð deiliskipulags.

Aðsent erindi: Samningur vegna uppreksturs í Kollumúla, Lónsöræfum. Óskað er eftir heimild bæjarráðs til að fara með fé á milli fjallskiladeilda.

Skil á leyfi vegna götu- og torgsölu. Minnisblað atvinnu- og ferðamálafulltrúa lagt fram.

Unnið er að uppsetningu skiltis við innkomuna í Sveitarfélagið. Frekari gögn lögð fram.

Héðinn Sigurðsson tannlæknir hyggst hætta starfsemi í Hornafirði næsta vor. Minnisblað sviðsstjóra stjórnsýslusviðs vegna málsins lagt fram.

Húsnæðis- og mannvirkjastofnun auglýsir eftir umsóknum um stofnframlög til byggingar eða kaupa á almennum íbúðum. Lagt fram til kynningar.

Óskað var eftir umsögnum frá sveitarfélögum á Austurlandi vegna tillögu um að Hamarsvirkjun verði sett í verndunarflokk.

Erindi frá Sýslumanninum á Suðurlandi þar sem óskað er eftir umsögn við útgáfu á tækifærisleyfi fyrir áfengisveitingar á Humarhátíð.

Erindi frá Sýslumanninum á Suðurlandi þar sem óskað er eftir umsögn við útgáfu á tækifærisleyfi fyrir ungmennadansleik á Humarhátíð.