Bæjarráð Hornafjarðar

Lögð fram tillaga eftir auglýsingu að deiliskipulagi fyrir miðsvæði: Víkurbraut 1 og 5, Álaugarveg 2 og Heppuveg 5 og 7. Samhliða eru lagðar fram breytingar á skipulagsmörkum aðliggjandi svæða:Deiliskipulag fyrir hafnarsvæðið við Krossey frá 2014.Deiliskipulag við Víkurbraut, Höfn-Knattleikjahús frá 2008.Deiliskipulag Hafnarvíkur-Heppa-Höfn frá 2012.Tillögurnar voru auglýstar frá 22. maí með athugasemdarfresti til 3. júlí 2024. Umsagnir bárust frá RARIK og Minjastofnun Íslands.

Erindi frá Gunnari Gunnlaugssyni fyrir hönd Mikaels ehf. vegna tafa á framkvæmdum við Vesturbraut 6, en þann 1.ágúst 2024 rann út frestur til að gera húsið fokhelt. Lóðinni var úthlutað 13.01.2022 og hefur bæjarráð framlengt frest til að hefja framkvæmdir einu sinni þann 27.04.2023. Fresturinn var veittur til 1. ágúst 2023.

Lagðar eru fram tillögur um breytingu á úthlutunarreglum lóða í sveitarfélaginu. Helstu breytingar fela í sér að skilgreina: lágmarkstíma sem lóðir skulu vera lausar áður en þeim er úthlutað, skilyrði um að í lóðarumsókn komi fram tímaáætlun framkvæmda, viðbót við ákvæði um tímamörk framkvæmda um frágang lóðar, hámark samanlagða framlengingu fresta, skýrari heimildir til álagningu dagsekta og ákvæði um lóðarvilyrði.

Minnisblöð bæjarstjóra um stöðu málsins lögð fram.

Beiðni um styrk til að halda Beint frá býli daginn 18. ágúst 2025 á Háhóli í Nesjum. Dagurinn verður haldinn hátíðlegur á sjö stöðum á landinu. Markaðsstemning með vörum og kynningu á starfsemi félagsmanna Beint frá býli og Samtaka smáframleiðenda.Óskað er eftir styrk að fjárhæð 150.000 kr. til að halda viðburðinn.

Lagt er fram bréf frá Samtökum heilbrigðiseftirlitssvæða á Íslandi vegna skipunar stýrihóps á vegum Umhverfis-, orku- og loftslagsráðuneytisins og Matvælaráðuneytisins til að undirbúa áformaðar breytingar á fyrirkomulagi heilbrigðiseftirlits. Hugmyndir að breyttu fyrirkomulagi heilbrigðiseftirlits eru viðamiklar og munu hafa töluverð áhrif á sveitarfélögin, gangi þær eftir.

Erindi frá Sýslumanninum á Suðurlandi þar sem óskað er eftir umsögn vegna beiðni um tækifærisleyfi. Tilefni skemmtanahalds er einkasamkvæmi fyrir 300 gesti í Viking Village að Horni.

Greinargerð frá Eiríki og Hjalta Egilssonum vegna vatnavaxta í Laxá og Hoffellsá lögð fram til kynningar.

Minnisblað bæjarstjóra um stöðuna á fjármálasviði, verkaskiptingu og fleira lagt fram en fjármálastjóri sveitarfélagsins er komin í fæðingarorlof. Í minnisblaðinu er gerð grein fyrir verkaskiptingu á fjármálasviði næstu mánuði.

Ósk frá eigendum Kyljuholts um samstarf vegna uppsetningu hreinsivirkis. Kyljuholt liggur að landi sveitarfélagsins Holt þar sem búið er að skipuleggja svæði fyrir 2 þriggja íbúða raðhús og 6 einbýlishús. Hugmyndin felur í sér uppsetningu hreinsivirkis í landi Kyljuholts og sameina fráveitu á svæðinu.

Örn Eriksen óskar eftir heimild sveitarfélagsins fyrir framsali á lóðaréttindum á lóð að Ægissíðu 42. Samþykki þarft samkvæmt 9.gr. lóðarleigusamnings.

Góð framkvæmd ehf. óskar eftir framlengingu á lóðarúthlutun og upphafi framkvæmda á lóðum J og K í Útbæ, vegna breytinga á skipulagi lóðanna. Lóðarhafi hefur lögð fram tímaáætlun framkvæmda en arkitekt hans gerir ráð fyrir því að umsókn um byggingarleyfi berist í október.

Góð framkvæmd ehf. óskar eftir framlengingu á lóðarúthlutun og upphafi framkvæmda á lóðum J og K í Útbæ, vegna breytinga á skipulagi lóðanna. Lóðarhafi hefur lögð fram tímaáætlun framkvæmda en arkitekt hans gerir ráð fyrir því að umsókn um byggingarleyfi berist í október.

Umsókn frá Fallastakkanöf ehf. um lóð á Silfurbraut 44.

Umsókn frá Fallastakkanöf ehf. um lóð á Silfurbraut 46.

Umsókn frá Fallastakkanöf ehf. um lóð á Sandbakkavegi 5.

Lárus Páll Pálsson sækir um framlengingu á fresti til að hefja framkvæmdir á lóð við Hagatún 16.

Háskóla,- iðnaðar- og nýsköpunarráðuneyti hefur kynnt áform um að klára ljósleiðaravæðingu landsins. Opinbert markmið stjórnvalda um aðgengi að ljósleiðara hefur verið að allir þéttbýlisstaðir og byggðakjarnar á landinu nái a.m.k. 80% hlutfalli tengdra lögheimila fyrir árslok 2028. Því stendur sveitarfélaginu til boða að fá 80.000 kr. styrk til að kosta jarðvinnu við að tengja hvert styrkhæft heimilisfang fyrir árslok 2026. Sú upphæð jafngildir áætluðum meðaltals jarðvinnukostnaði fyrir hvert heimilisfang og er jafnframt sambærileg upphæð og fjarskiptafyrirtæki setja upp sem tengigjald fyrir lögheimili í þéttbýli á markaðsforsendum.Fjöldi styrkhæfra staðfanga í Sveitarfélaginu Hornafirði eru 312 með um 415 heimilum.

Þau leiðu mistök áttu sér stað í gögnum sem fylgdu viðauka 5 fyrir síðasta fund bæjarráðs að við skoðun á áhrifum viðaukans var því miður ekki tekið tillit til fyrri viðauka ársins 2024. Fyrir þessum fundi liggur því leiðréttur viðauki og eru áhrif hans eftirfarandi:Í viðauka 5 er gert ráð fyrir:- styrk í menningarmál að fjárhæð 5 millj. kr.- styrk vegna samgönguhátíðar að fjárhæð 1 millj. kr. - kaupum á ærslabelg að fjárhæð 2,7 millj. kr. - rýmiklefa undir listaverk keyptur og eignfærður að fjárhæð 3 millj.

Verndarvængur sem er styrktarfélag langveikra barna hér í Hornafirði leitast eftir því að eiga samstarf við sveitarfélagið. Tilgangur félagsins er að grípa fjölskyldur barna sem veikjast alvarlega eða þegar óvænt áföll dynja yfir fjölskyldur og einstaklinga á svæðinu.Félagið vill kanna hvort Sveitarfélagið Hornafjörður sé reiðubúið til samtals um stofnframlag líkt og mörg fyrirtæki og einstaklingar á svæðinu hafa þegar samþykkt. Ef samþykki fyrir samtali um slíkt er til staðar óska forsvarsmenn Verndarvængs eftir því að koma fyrir bæjarráð síðar og gera nánar grein fyrir erindinu og þeim fjárhæðum sem um væntingar eru til.

Verk- og tímaáætlun fyrir vinnu við fjárhagsáætlun sveitarfélagsins fyirir árið 2025 er nú klár.