Bæjarráð Hornafjarðar
1154. fundur
3. desember 2024
kl.
10:00
-
11:45
í ráðhúsi
Nefndarmenn
Eyrún Fríða Árnadóttir
formaður
Gauti Árnason
varaformaður
Ásgerður Kristín Gylfadóttir
aðalmaður
Starfsmenn
Sigurjón Andrésson
bæjarstjóri
Arndís Lára Kolbrúnardóttir
stjórnsýslu- og upplýsingafulltrúi
Fundargerð ritaði:
Arndís Lára Kolbrúnardóttir
Stjórnsýslu- og upplýsingafulltrúi
Dagskrá
1.
Atvinnu- og menningarmálanefnd - 69
Fundargerð atvinnu- og menningarmálanefndar númer 69 lögð fram.
Lagt fram til kynningar.
2.
Hafnarstjórn Hornafjarðar - 270
Fundargerð hafnarstjórn Hornafjarðar númer 270 lögð fram.
Lagt fram til kynningar.
3.
Umsókn um lóð - Hafnarbraut 60A
Staðarfjall ehf. sækir formlega um úthlutun lóðar á Hafnarbraut 60A þar gerður hafði verið samningur um lóðarvilyrði.
Bæjarráð samþykkir samhljóða úthlutun lóðar við Hafnarbraut 60A. Málinu vísað til afgreiðslu bæjarstjórnar.
4.
Framkvæmd - Hagahverfi (ÍB5), innviðauppbygging, undirbúningur
Frekari gögn varðandi innviðauppbyggingu í Hagahverfi lögð fram.
Ákveðið er að hefja innviðaframkvæmdir á áfanga 3 samkvæmt mynd.
Starfsmönnum mannvirkjasviðs falið að vinna áfram í málinu.
Samþykkt samhljóða.
Starfsmönnum mannvirkjasviðs falið að vinna áfram í málinu.
Samþykkt samhljóða.
5.
Fjárhagsáætlun 2025
Uppfærð fjárhagsáætlun lögð fram.
Lögð fram til kynningar.
6.
European City Facility
Íslenskum sveitarfélögum stendur nú til boða að sækja um styrk í svokallað European City Facility verkefni sem fjármagnað er af LIFE áætlun ESB. Styrkirnir eru veittir til verkefna sem miða að því að þróa fjárfestingaáætlanir í þágu orkuskipta og aukinnar orkunýtingar. Upphæð styrkja er u.þ.b. 9 milljónir króna (60.000 Evra), auk þess sem styrkþegar fá sérhæfðan stuðning sérfræðinga við verkefnið. Styrknum er ætlað að styðja við gerð fjárfestingaáætlunar á sviði orkuskipta, orkunýtni og loftslagsmála sem er sérsniðin eftir hverjum umsækjenda. Styrkþegar geta ráðist í ýmsar aðgerðir en skilyrði er að þær þjóni því að miða að þróun fjárfestingaáætlunar á sviði orkuskipta og nýtni.Nánari upplýsingar má finna hér: https://www.samband.is/european-city-facility & https://www.eucityfacility.eu/home.html. Skilafrestur umsókna er 18. desember 2024.
Lagt fram til kynningar.
7.
Læknaskortur á Hornafirði
Sveitarfélaginu barst erindi frá Heilbrigðisstofnun Suðurlands um að óska eftir beitingu ívilnun samkvæmt 28. gr. laga nr. 60/2020 um menntasjóð námsmanna til þess að bregðast við mönnunarvanda á heilbrigðisstofnun Suðurlands á Hornafirði. Erindið var sent 16. október. Svar barst frá Háskóla-, iðnaðar- og nýsköpunarráðuneytinu þann 25. nóvember. Lagt fram til upplýsinga
Bæjarráð fagnar því að ferlið sé hafið og að Byggðastofnun í samráði við samband íslenskra sveitarfélaga muni vinna skýrslu um viðvarandi læknaskort í sveitarfélaginu. Bæjarráð vonast eftir því að ákvörðun verði tekin í málinu sem fyrst.
8.
Ályktun frá Skólastjórafélagi Austurlands
Ályktun barst frá Skólastjórafélagi Austurlands vegna kjaradeilu kennara og er hún svo hljóðandi:Skólastjórafélag Austurlands skorar á sveitarstjórnir á Austurlandi að beita sér fyrir lausn í kjaradeilu Kennarasambands Íslands og Sambandi íslenskra sveitarfélaga og íslenska ríkisins. Mikilvægt er að sveitarstjórnir, sem bera ábyrgð á að framfylgja grunnskólalögum á Íslandi, liðki fyrir viðræðum með því að leggja áherslu á að fjárfesta í kennurum.
Bæjarráð fagnar því að verkföllum hafi verið frestað og vonar að samningsaðilar nái saman fyrir lok janúar næstkomandi.
9.
Ársþing SASS 2024
Samanteknar ályktanir ársþings SASS 2024 lagðar fram.
Lagt fram til kynningar.
10.
Alþjóðlegur minningardagur Sameinuðu þjóðanna um fórnarlömb umferðarslysa
Þakkarbréf til þátttakenda í minningardegi um fórnarlömb umferðarslysa sem haldinn var sunnudaginn 17. nóvember síðastliðinn lagt fram.
Lagt fram til kynningar.
11.
Fundargerðir - Samband íslenskra sveitarfélaga 2024
fundargerðir númer 956, 957 og 958. fundar stjórnar Sambandsins lagðar fram
Lagt fram til kynningar.
12.
Vegur á milli Nesja og Hafnar - Hringtorg
Náttúrufræðistofnun og skipulagsstofnun telja að nýtt hringtorg sé líklegt til þess að hafa í för með sér umtalsverð umhverfisáhrif og þarf framkvæmdin því að fara í gegnum mat á umhverfisáhrifum.
Þann 4. október 2024 sendi Vegagerðin tilkynningu á Skipulagsstofnun vegna fyrirhugaðra breytinga á vegtengingum við hringveginn um Hornafjörð, samkvæmt 19. gr. laga um umhverfismat framkvæmda og áætlana, sbr. lið 10.08 og 13.02 í 1. viðauka laganna.
Skipulagsstofnun leitaði umsagna Sveitarfélagsins Hornafjarðar, Heilbrigðiseftirlits Austurlands, Minjastofnunar Íslands, Náttúrufræðistofnunar og Umhverfisstofnunar.
Fimmtudaginn 28. nóvember 2024 barst niðurstaða Skipulagsstofnunar að framkvæmdin, gerð hringtorgs, sé háð mati á umhverfisáhrifum.
Bæjarráð lýsir furðu sinni á niðurstöðu Skipulagsstofnunar.
Í ákvörðun stofnunarinnar kemur fram að samkvæmt lögum ber að forðast röskun vistkerfa sem njóta sérstakrar verndar nema brýna nauðsyn beri til og ljóst að aðrir kostir séu ekki fyrir hendi. Lögð er áhersla á að einungis mjög ríkir hagsmunir geti réttlætt röskun og þá fyrst og fremst brýnir almannahagsmunir. Það er augljóst í þessu tilfelli að um brýna almannahagsmuni er að ræða þegar umferðaröryggi er annars vegar.
Í svörum Vegagerðarinnar kemur fram að í matsskyldufyrirspurn sé farið yfir forsendur fyrir breytingum á framkvæmdinni. Fyrirséð er að umferð muni aukast á þessum kafla á næstu árum, umfram það sem gert hafi verið ráð fyrir í upphaflegu umhverfismati framkvæmdar. Miðað við fyrirhugaða uppbyggingu á svæðinu sé ljóst að norður/suður straumar mun verða enn meira ráðandi. Í T-gatnamótalausninni þurfa þessir straumar að þvera mjög hraða umferð (90 km/klst) hringvegarins, keyra stutta vegalengd og þvera svo aftur hringvegarumferðina. Með hringtorgi væri umferðarhraði mun hægari og öruggari og mun því draga verulega úr hættu á alvarlegum slysum.
Jafnframt er erfitt og mjög kostnaðarsamt að leysa umferð annarra vegfaranda (gangandi/hjólandi/ríðandi) í T-gatnamótalausninni, en í hringtorgslausn ætti að vera hægt að tryggja þessum vegfarendum nokkuð örugga leið.
Enn fremur er ljóst að ekki er hægt að gera gatnamót á þessu svæði án þess að skerða vistgerðir sem hafa hátt eða mjög hátt verndargildi. En því verður að halda til haga að framkvæmd tveggja T-gatnamóta skerða einnig samsvarandi vistgerðir á svæðum sem má vernda í staðinn.
Ekki verður séð að mat á umhverfisáhrifum bæti neinu við þær upplýsingar sem þegar liggja fyrir. Það er alveg ljóst að breyttu fyrirkomulagi vegtenginga verður ekki komið fyrir á öðrum stað.
Bæjarráð felur bæjarstjóra og sviðsstjóra umhverfis- og skipulagssviðs að vinna áfram að málinu enda um brýnt almannahagsmunamál að ræða.
Skipulagsstofnun leitaði umsagna Sveitarfélagsins Hornafjarðar, Heilbrigðiseftirlits Austurlands, Minjastofnunar Íslands, Náttúrufræðistofnunar og Umhverfisstofnunar.
Fimmtudaginn 28. nóvember 2024 barst niðurstaða Skipulagsstofnunar að framkvæmdin, gerð hringtorgs, sé háð mati á umhverfisáhrifum.
Bæjarráð lýsir furðu sinni á niðurstöðu Skipulagsstofnunar.
Í ákvörðun stofnunarinnar kemur fram að samkvæmt lögum ber að forðast röskun vistkerfa sem njóta sérstakrar verndar nema brýna nauðsyn beri til og ljóst að aðrir kostir séu ekki fyrir hendi. Lögð er áhersla á að einungis mjög ríkir hagsmunir geti réttlætt röskun og þá fyrst og fremst brýnir almannahagsmunir. Það er augljóst í þessu tilfelli að um brýna almannahagsmuni er að ræða þegar umferðaröryggi er annars vegar.
Í svörum Vegagerðarinnar kemur fram að í matsskyldufyrirspurn sé farið yfir forsendur fyrir breytingum á framkvæmdinni. Fyrirséð er að umferð muni aukast á þessum kafla á næstu árum, umfram það sem gert hafi verið ráð fyrir í upphaflegu umhverfismati framkvæmdar. Miðað við fyrirhugaða uppbyggingu á svæðinu sé ljóst að norður/suður straumar mun verða enn meira ráðandi. Í T-gatnamótalausninni þurfa þessir straumar að þvera mjög hraða umferð (90 km/klst) hringvegarins, keyra stutta vegalengd og þvera svo aftur hringvegarumferðina. Með hringtorgi væri umferðarhraði mun hægari og öruggari og mun því draga verulega úr hættu á alvarlegum slysum.
Jafnframt er erfitt og mjög kostnaðarsamt að leysa umferð annarra vegfaranda (gangandi/hjólandi/ríðandi) í T-gatnamótalausninni, en í hringtorgslausn ætti að vera hægt að tryggja þessum vegfarendum nokkuð örugga leið.
Enn fremur er ljóst að ekki er hægt að gera gatnamót á þessu svæði án þess að skerða vistgerðir sem hafa hátt eða mjög hátt verndargildi. En því verður að halda til haga að framkvæmd tveggja T-gatnamóta skerða einnig samsvarandi vistgerðir á svæðum sem má vernda í staðinn.
Ekki verður séð að mat á umhverfisáhrifum bæti neinu við þær upplýsingar sem þegar liggja fyrir. Það er alveg ljóst að breyttu fyrirkomulagi vegtenginga verður ekki komið fyrir á öðrum stað.
Bæjarráð felur bæjarstjóra og sviðsstjóra umhverfis- og skipulagssviðs að vinna áfram að málinu enda um brýnt almannahagsmunamál að ræða.