Bæjarráð Hornafjarðar

Fundargerð velferðarnefndar númer 40 lögð fram.

Fundargerð stýrihóps um nýtt íþróttahús númer 31. lögð fram.

Núverandi samningur við Vigdísarholt um innkaup á mat fyrir starfsemi velferðarsviðs rennur út 1.6.2025. í 5. gr. samningsins er möguleiki á framlengingu til tveggja ára. Taka þarf afstöðu til hvort framlengja skuli samninginn eða leita til aðila um tilboð.Málið var tekið fyrir á 40. fundi velferðarnefndar sem lagði til að samningurinn yrði framlengdur til tveggja ára skv. 5. gr. hans og vísaði málinu áfram til frekari umræðu í bæjarráði.

Gæða- og eftirlitsstofnun velferðarmála kom með ábendingar um úrbætur á nýjum reglum Sveitarfélagsins Hornafjarðar um notendasamninga sem samþykktar voru á 327. fundi bæjarstjórnar þann 17. október 2024. Ábendingarnar snérust fyrst og fremst að því að orðalag í reglunum félli ekki nógu vel að 28. gr. félagsþjónustulaga nr. 40/1991.Málið var tekið fyrir á 40. fundi velferðarnefndar sem gerði ekki athugasemd við drög að breytingum á reglunum og vísaði þeim áfram til umfjöllunar í bæjarráði.

Sviðsstjóri velferðarsviðs leggur fram tillögðu að tímalínu um vinnslu framtíðarsýnar fyrir málefni aldraðra í Sveitarfélaginu Hornafirði fyrir árin 2026-2034 og minnisblað um framkvæmd þess.Málið var tekið fyrir á 40. fundi velferðarnefndar þar sem lagt var til að Tinna Rut Sigurðardóttir og Íris Heiður Jóhannsdóttir sitja í vinnuhóp fyrir hönd velferðarnefndar. Í hópnum mun einnig sitja Ásgerður Gylfadóttir, formaður öldungaráðs. Fyrir hönd Félags eldri Hornfirðinga sitja Ari Jónsson og Guðbjörg Jónsdóttir og þá mun Kolbrún Rós Björgvinsdóttir hjúkrunarfræðingur sitja fyrir hönd HSU/heimahjúkrun. Málinu vísað til bæjarráðs til umfjöllunar og samþykktar.

Barnvæn sveitarfélög er verkefni sem styður sveitarfélög við að innleiða Barnasáttmála Sameinuðu þjóðanna í alla sína stjórnsýslu og starfsemi og hefur UNICEF á Íslandi umsjón og eftirlit með verkefninu. Undanfarin 4 ár hefur Sveitarfélagið Hornafjörður unnið að innleiðingu verkefnisins undir dyggri handleiðslu verkefnastjóra sem haldið hafa utan um það, nú síðast Emil Morávek en einnig hefur ungmennaráð átt mikinn þátt í innleiðingu ásamt stýrihóp um innleiðingu. Nú er loksins komið að því að Sveitarfélagið fær viðurkenningu sem Barnvænt sveitarfélag. Af því tilefni verður blásið til sérstakrar athafnar í Nýheimum þann 4. apríl með nemendum og starfsmönnum leik-, grunn-, og framhaldsskóla, Tónskólanum og fleiri aðilum.

Fundargerð stjórnar Nýheima þekkingarseturs númer 153 lögð fram.

Umsagnarbeiðni frá Sýslumanninum á Suðurlandi vegna umsóknar um tækifærisleyfi vegna árshátíðar Sveitarfélagsins Hornafjarðar í íþróttahúsinu á Höfn.

Á fundi ungmennaráðs þann 10.03.2025 var bæjarráði boðið í umræður við ungmennaráð. Rætt var um mikilvæg málefni tengd sveitarfélaginu, þar á meðal starfsemi félagsmiðstöðvar, samfélagsmiðstöð, hugmyndir um leikvelli og útisvæðið við Hrossabitahaga. Jafnframt var fjallað um Barnvænt sveitarfélag, framhaldsskólann og heimsókn forseta Íslands. Ungmennaráð leggur til að kynning á framangreindum málefnum verði tekin til umræðu í bæjarráði og vísar kynningunni þangað og þakkar þeim kærlega fyrir komuna og samtalið. Ungmennaráð væntir þess að fá svör um málefni sem rædd voru á fundinum á næsta fundi ungmennaráðs, mánudaginn 7. apríl.

Óskað er eftir umræðu í bæjarráði um þjónustukönnun á umhverfis og skipulagssviði og mannvirkjasviði.

Fundargerð um opnun tilboða í framkvæmdir á ráðhúsi lögð fram.