Bæjarráð Hornafjarðar
1195. fundur
4. nóvember 2025
kl.
10:00
-
11:35
í ráðhúsi
Nefndarmenn
Guðrún Stefanía Vopnfjörð Ingólfsdóttir
1. varamaður
Gauti Árnason
varaformaður
Ásgerður Kristín Gylfadóttir
aðalmaður
Starfsmenn
Sigurjón Andrésson
bæjarstjóri
Arndís Lára Kolbrúnardóttir
stjórnsýslu- og upplýsingafulltrúi
Fundargerð ritaði:
Arndís Lára Kolbrúnardóttir
Stjórnsýslu- og upplýsingafulltrúi
Dagskrá
1.
Hafnarstjórn Hornafjarðar - 279
Fundargerð Hafnarstjórnar númer 279 lögð fram.
Lagt fram til kynningar.
2.
Fjárhagsáætlun 2026
Álagningarreglur og útreikninga miðað við 7% og 10% lækkun á fasteignaskatti lagðar fram.
Fjármálastjóra falið að vinna málið áfram í samræmi við umræður á fundinum.
3.
Fundargerðir Sambands íslenskra sveitarfélaga 2025
Fundargerð 987. fundar stjórnar Sambandsins frá 21. október 2025 lögð fram.
Lagt fram til kynningar.
4.
Laun kjörinna fulltrúa og nefndarmanna
Leiðréttur launakostnaður formanna nefndar og ráða lagður fram.
Launafulltrúa falið að vinna málið áfram.
5.
Umsögn um útgáfu tækifærisleyfis- Dansleikur í Sindrabæ
Erindi frá Sýslumanni á Suðurlandi dagsett 29. október. Beiðni um umsögn vega útgáfu tækifærisleyfis vegna ungmennadansleiks í Sindrabæ.
Bæjarráð gefur jákvæða umsögn um útgáfu tækifærisleyfis.
6.
Framlög til stjórnmálaflokka
Minnisblað sviðsstjóra stjórnsýslusviðs vegna fyrirspurnar bæjarráðs um framlög til stjórnmálaflokka lagt fram.
Þegar fjárframlög fyrir síðasta ár voru greidd var það gert eftir bestu vitund bæði sveitarfélagsins og framboðanna sem þáðu fjárframlögin. Eftir fjölmiðlaumfjöllun síðasta árs hefur Kex framboð yfirfarið skráningu sína sem stjórnmálasamtök en enn er beðið eftir staðfestingu fyrirtækjaskrár á því að félagið uppfylli skilyrði til fjárframlags frá sveitarfélaginu. Ekki er gerð krafa á endurgreiðslu að svo komnu máli þar sem skráningin er í farvegi.
7.
Framkvæmd - Hagahverfi (ÍB5), innviðauppbygging, undirbúningur
Athugasemdir bárust frá Rósaberg ehf. vegna upplýsinga í fundargerð bæjarráðs nr. 1193 varðandi verðfyrirspurn.
Upphæð sem barst frá starfsmanni Rósabergs ehf. var ekki formlega staðfest. Sviðsstjóra umhverfis- og framkvæmdasviðs falið að fara yfir verklag og hafa samband við málsaðila.
8.
Framkvæmdasjóður ferðamannastaða 2025
Umsókn í framkvæmdasjóð ferðamannastaða vegna Leiðarhöfða lögð fram.
Lagt fram til kynningar.
9.
Starfshópur um húsnæðismál Grunnskóla Hornafjarðar
Starfshópur um húsnæðismál Grunnskóla Hornafjarðar fór þann 6. og 7. október síðastliðinn og skoðaði sex skóla. Hópurinn hefur sett saman stutta greinargerð um ferðina sem er lögð fram.
Lagt fram til kynningar.