Bæjarráð Hornafjarðar

Fundargerð Hafnarstjórnar númer 281 lögð fram.

Fundargerð atvinnu- og menningarmálanefndar númer 84 lögð fram.

Erindisbréf fyrir ritnefnd Skaftfellings lagt fram.

Eftir umfjöllun í bæjarráði um málefni héraðsfréttablaðsins Eystrahorns er ljóst að sveitarfélagið þarf að marka skýra afstöðu varðandi héraðsfréttamiðilinn Eystrahorn og ritstjórnarlegt sjálfstæði þar sem sveitarfélagið á lénið og hefur greitt fyrir hýsingu út árið 2026.Minnisblað forstöðumanns Menningarmiðstöðvar ásamt drögum af samningi lagt fram.

Drög að umsögn um samgönguáætlun lögð fram.Umsagnarfrestur er til og með 9. febrúar næstkomandi.

Fengin var frestur til þess að skila óskum um sérreglur um byggðakvóta til 13. febrúar. Ósk sveitarfélgsins um sérreglur lagt fram .

Lagt fram erindi frá Vegagerðinni þar sem óskað er eftir samþykki Hafnarstjórnar Hornafjarðarhafnar til að ganga til samninga við lægstbjóðanda í útboði vegna dýpkunar á Grynnslunum 2026 til 2028.Verkefnið felur í sér dýpkun að meðaltali rúmlega 650.000 m³ á ári yfir tímabilið, samtals tæplega 2 milljónir m³. Hafnarstjórn leggur áherslu á mikilvægi þess að höfnin, sem er önnur lífæð samfélagsins og lykilinnviður fyrir atvinnulíf og byggð, njóti loks raunverulegs fyrirsjáanleika varðandi dýpkun. Í samstarfi við Vegagerðina og sérfræðinga, meðal annars DHI, hefur verið unnið að ítarlegum greiningum sem sýna að sandburður á svæðinu er kerfisbundinn og að hefðbundin dýpkun er í eðli sínu bráðabirgðalausn sem undirstrikar mikilvægi áframhaldandi faglegs samtals og rannsókna um varanlegri lausnir.Hafnarstjórn samþykkti að gengið yrði til samninga við lægstbjóðanda, Boskalis Westminister Limited, í samræmi við niðurstöðu útboðsins og tillögu Vegagerðarinnar.

Lögð er fram fjárhagsáætlun Hornafjarðarhafnar fyrir árið 2026.

Gjaldskrá Hornafjarðarhafnar lögð fram. Hækkun á gjaldskrá nemur 5% og hækkun á launalið gjaldskrár er 7%. Framvegis verður gjaldskrá bundin vísitölu neysluverðs og skal hún endurreiknuð árlega 1. janúar í samræmi við breytingar á vísitölunni.

Búfjársamþykktt Sveitarfélagsins hefur verið uppfærð og er lögð hér fram til kynningar ásamt minnisblaði, umsögn bændasamtakanna og eldri samþykkt til samanburðar.

Útboðsgögn vegna útboðs fyrir jarðframkvæmdir í Hagahverfi, eða nánar tiltekið Kletthaga og Lambhaga lögð fram.

Útboðsgögn vegna örútboðs á tæknimálum í Sindrabæ lögð fram.

Í samráðsgátt stjórnvalda hefur verið birt frumvarp til laga undir formerkjum um einföldun eftirlits með hollustuháttum og mengunarvörnum (sjá mál nr. S-3/2026: Frumvarp til laga um breytingu á ýmsum lögum vegna einföldunar regluverks og aukinnar skilvirkni eftirlits með hollustuháttum og mengunarvörnum https://island.is/samradsgatt/mal/4150). Frumvarpið miðar að því að leggja niður heilbrigðisnefndir sveitarfélaga og flutning á opinberu eftirliti með starfs- og skráningarskyldri atvinnustarfsemi yfir til stofnana ríkisins

Velferðarnefnd Alþingis sendir til umsagnar 312. mál - Atvinnuleysistryggingar og vinnumarkaðsaðgerðir (stytting bótatímabils o.fl.)Umsagnir skal senda í gegnum umsagnagátt Alþingis.Frestur til að senda inn umsögn er til og með 11. febrúar nk.

Velferðarnefnd Alþingis sendir til umsagnar 305. mál - Framkvæmd öryggisráðstafana samkvæmt dómsúrlausnUmsagnir skal senda í gegnum umsagnagátt Alþingis.Frestur til að senda inn umsögn er til og með 11. febrúar nk.

Umhverfis- og samgöngunefnd Alþingis sendir til umsagnar 307. mál - Breyting á þingsályktun nr. 24/152 um áætlun og vernd og orkunýtingu landssvæðaUmsagnir skal senda í gegnum umsagnagátt Alþingis.Frestur til að senda inn umsögn er til og með 11. febrúar nk.

Innviðaráðuneytið kynnir til samráðs mál nr. 15/2026 - "Drög að frumvarpi til laga um leiðarmerki og öryggi siglinga".Umsagnarfrestur er til og með 08.02.2026.

Fundargerð stjórn Sambands íslenskra sveitarfélag númer 922 lögð fram.

Á fundi atvinnu- og menningarmálanefndar var eftirfarandi bókun gerð:Atvinnu- og menningarmálanefnd lýsir miklum vonbrigðum yfir þessari ákvörðun stjórnar SASS og skömmum fyrirvara breytinganna, sérstaklega með tilliti til þeirra sem höfðu áform um að sækja um styrki á vormánuðum vegna sumar- og haust verkefna. Fyrirséð er að þessi ákvörðun muni valda neikvæðum áhrifum á framgang mikilvægra verkefna á Suðurlandi.Uppbyggingarsjóður er mikilvægur stuðningur við atvinnuþróun og menningarstarf á svæðinu. Nefndin telur æskilegt að breytingar af þessu tagi séu kynntar með lengri fyrirvara, þannig að umsækjendur hafi svigrúm til að aðlaga áætlanir sínar að nýju fyrirkomulagi.Nefndin skorar því á stjórn SASS að fresta fyrirhuguðum breytingum þannig að tvær úthlutanir verði í ár, en nýtt fyrirkomulag verði tekið í gagnið árið 2027.