Bæjarráð Hornafjarðar

Fundargerð velferðarnefndar númer 49 lögð fram.

Alþingi samþykkti á liðnu ári ný heildarlög um Jöfnunarsjóð sveitarfélaga. Meðal þeirra breytinga sem ný lög fela í sér er að framlög sjóðsins vegna málefna fatlaðs fólks skuli reiknuð á grundvelli samræmds mats á stuðningsþörf (SIS) á landsvísu. Óvissa hefur verið með heimild sveitarfélaganna til þess að gera SIS-mat að skilyrði fyrir veitingu þjónustu. Nú hefur félags- og húsnæðisráðuneytið aflað lögfræðiálits og álitsgerð um málið lögð fyrir velferðarnefnd.Málið hefur áður verið til umfjöllunar á 49. fundi velferðarnefndar sveitarfélagsins sem vísaði því til frekari umræðu í bæjarráði.

Lögð eru fram gögn vegna tilboðs í hljóð og mynd í Sindrabæ.Kostnaðaráætlun verkefnisins hljóðaði upp á 30.960.639 kr.Eitt tilboð barst í verkið frá Atendi sem hljóðaði upp á 33.344.908 kr. og var 107.70% af kostnaðaráætlun.

Óskað hefur verið eftir því að aðalfundur félags slökkviliðsstjóra verðu haldin á Höfn árið 2027. Minnisblað slökkviliðsstjóra lagt fram ásamt dagskrá frá aðalfundi félagi slökkviliðsstjóra frá árinu 2022 sem haldin var á Húsavík.

Samþykkt um kjör fulltrúa sveitarfélagsins vegna funda og ráðstefna lögð fram til umræðu.

Eignaskiptayfirlýsing vegna Fornustekka reiðskemmu ásamt minnisblaði sviðsstjóra fræðslu og frístundasviðs um málið lagt fram.

Húsnæðisáætlun 2026 lögð fram.

Íbúaráð hafa öll fjallað um mótun og fyrirkomulag íbúaráðanna, framlagt er minnisblað um samantekt á umræðum og tillögur að aðgerðum.

Samkór Hornafjarðar sækir um rekstrarstyrk að upphæð 300.000 kr.

Erindi frá Sýslumanninum á Suðurlandi þar sem óskað er eftir umsögn við útgáfu á tækifærisleyfi fyrir áfengisveitingar á Sjómannadagsball.

Erindi frá Sýslumanninum á Suðurlandi þar sem óskað er eftir umsögn vegna leyfis til reksturs veitingastaðar í flokki II-A veitingahús, hámarksfjöldi gesta 170 manns. Slökkviliðið fellst á að leyfi verði veitt miðað við 70 manns.

47. fundargerð stýrihóps um íþróttamannvirki lögð fram.

Tillögur Sveitarfélagsins um sérstök skilyrði fyrir úthlutun byggðakvóta til fiskiskipa á fiskveiðiárinu 2025/2026 var skilað til innviðaráðuneytisins þann 12.02.2026. Málið hefur verið tekið til efnislegrar meðferðar og fallist á umbeðnar tillögur Sveitarfélagsins. Bréf frá ráðuneytinu um niðurstöðuna lagt fram.

Orkídea óskar eftir þátttöku Sveitarfélagsins Hornafjarðar í evrópska rannsóknar- og þróunarverkefninu ACCELERATE, sem styrkt er af Horizon Europe áætlun Evrópusambandsins. Markmið verkefnisins er að þróa og prófa aðferðir sem auka aðlögunargetu samfélaga gagnvart loftslagsbreytingum í samstarfi stjórnvalda, atvinnulífs, fræðasamfélags og íbúa.Á Suðurlandi leiða Orkídea og Samtök sunnlenskra sveitarfélaga (SASS) verkefnið í samstarfi við þátttökusveitarfélög. Hlutverk sveitarfélagsins myndi m.a. felast í þátttöku í vinnustofum og samráði, miðlun upplýsinga og þátttöku í prófun lausna sem þróaðar verða innan verkefnisins. Þátttakan felur ekki í sér beinar fjárhagslegar skuldbindingar fyrir sveitarfélagið.

Drög að nýjum sveitarstjórnarlögum hafa verið lögð fram á Alþingi og eru nú til umfjöllunar hjá umhverfis- og samgöngunefnd. Nefndin hefur kallað eftir umsögnum um frumvarpið og er umsagnarfrestur til 20. mars nk.

Fundargerð Nýheima þekkingarseturs númer 157 lögð fram.

Fundargerð 994. fundar stjórnar Sambandsins frá 3. mars 2026 lögð fram.

Sviðsstjóri stjórnsýslusviðs leggur fram drög að umsögn um frumvarp til laga um breytingu á lögum um varnir gegn snjóflóðum og skriðuföllum og Vegagerðin, framkvæmdastofnun samgöngumála (markmið, nýting eigna, framkvæmdaumsjón).