Bæjarráð Hornafjarðar

Fundargerð umhverfis- og skipulagsnefndar númer 113 lögð fram.

Fundargerð Hafnarstjórnar númer 283 lögð fram.

Fundargerð fræðslu- og frístundanefndar númer 135 lögð fram.

Minnisblað sviðsstjóra fræðslu- og frístundasviðs vegna fyrirspurnar um búningsklefa fyrir börn með sérþarfir lagt fram.

Sviðsstjóri stjórnsýslu- og fjármálasviðs leggur fram drög að styrktarsamningi við Rannsóknarsetur Háskóla Íslands ásamt leigusamningi um skrifstofurými.

Óskað er samþykkis bæjarráðs til að hefja útboðsferli vegna endurbóta á Fiskhól - gatnagerð og lagnir. Lagt er fram minnisblað sviðsstjóra umhverfis- og framkvæmdasviðs vegna kostnaðaráætlunar.

Óskað er samþykkis bæjarráðs til að hefja útboðsferli vegna endurbóta á Silfurbraut - gatnagerð og lagnir. Lagt er fram minnisblað sviðsstjóra umhverfis- og framkvæmdasviðs vegna kostnaðaráætlunar.

Sveitarfélagið hefur leitað tilboða í verkið Framkvæmd Hafnarskóli Endurbætur þak.Kostnaðaráætlun verkefnisins er 12.533.000 kr.Tvö tilboð bárust í verkið:Mikael ehf. að upphæð 26.945.660 kr. eða 215% af kostnaðaráætlunBeinlínis ehf. að upphæð 9.796.709 kr. eða 78,17% af kostnaðaráætlun

Innsent erindi frá Skinney Þinganes um umferðaröryggi á bryggjusvæði við löndun. Lagt er til að sett verði upp einfaldar lokanir á svæðinu á meðan að löndun stendur yfir, að tryggt verði að aðgengi fyrir viðbragðsaðila sé óhindrað og að útfærsla verði unnin í nánu samráði við sveitarfélagið og aðra hlutaðeigandi aðila.

Stjórn Kornfélags Austur- Skaftfellinga hyggist auka hlutafjár félagsins úr 2,5 milljónum í allt að 10 milljónir með það í huga að endurnýja þreskivél félagsins. Óskað er eftir því að sveitarfélagið kaupi hlutafé í félaginu fyrir allt að 6 milljónir króna.

Lögð er fram lokaskýrsla um stjórnsýsluskoðun KPMG vegna ársins 2025.

Óskað er eftir um heimild til kaupa á eignaumsjónarkerfi til þess að halda utan um framkvæmdir og viðhald á fasteignum. Gert er ráð fyrir að heildarkostnaður sveitarfélagsins við innleiðingu fyrsta fasa verði um 2,8 milljónir með vsk. og síðan er mánaðargjald að upphæð 167.400 m. vsk. Fjárhagslegt mat lagt fram.

FAS, í samstarfi við lögreglu og slökkvilið á Hornafirði, hyggst standa fyrir forvarnadegi fyrir unga ökumenn þann 5. maí 2026. Markmið verkefnisins er að efla vitund um umferðaröryggi, draga úr áhættuhegðun í akstri og auka þekkingu á réttum viðbrögðum við neyðartilvikum.Verkefnið beinist að nemendum í 10. bekk grunnskóla og nemendum FAS og felur í sér bæði fræðslu og verklegar æfingar sem veita raunhæfa innsýn í afleiðingar umferðarslysa og mikilvægi ábyrgrar hegðunar í umferðinni.Óskað er eftir styrk frá sveitarfélaginu að upphæð 230.000 kr til að standa undir hluta kostnaðar verkefnisins, með það að markmiði að stuðla að auknu öryggi í umferðinni og efla forvarnir meðal ungs fólks.

Umhverfis- og framkvæmdasvið óskaði eftir heimild til að ráða sumarstarfsmann til starfa á komandi sumri. Fjármálastjóri hefur yfirfarið launaáætlun sviðsins ásamt verktakakostnaði og í ljós breytinga á starfsmannamálum innan sviðsins á árinu er svigrúm til ráðningar innan gildandi fjárhagsáætlunar.

Lögð er fram tillaga fjármálastjóra um tilhögun síðasta funda fastanefnda á yfirstandandi kjörtímabili.

Fjárhagslegt mat vegna beiðni um aukið fjárframlag vegna uppfærðrar kostnaðaráætlunar fyrir framkvæmdir við eldhús í Hofgarði lagt fram.

Fjárhagslegt mat vegna beiðni um aukið fjárframlag til kaupa á tankbifreið lagt fram.

Fundargerðir stýrihóps um nýtt íþróttahús númer 48 og 49 lagðar fram.

Boðað hefur verið til samráðsfundar/vinnustofu á vegum Innviðaráðuneytisins og Byggðastofnunar, í samstarfi við SASS, vegna endurskoðunar byggðaáætlunar. Fundurinn fer fram á Teams þann 21. apríl nk.Tilgangur fundarins er að kynna fyrstu drög að endurskoðaðri byggðaáætlun, með sérstakri áherslu á aðgerðaáætlun hennar, og skapa vettvang fyrir skoðanaskipti. Athugasemdir og ábendingar sem fram koma munu nýtast við áframhaldandi vinnu, m.a. við gerð hvítbókar sem sett verður í samráðsgátt stjórnvalda.Óskað er eftir að sveitarfélögin sendi amk tvo fulltrúa á fundinn til þess að taka þátt í þessar vinnu. Einnig er mikilvægt að fulltrúar ungmennaráða sveitarfélaganna taki þátt í fundinum.

Fundargerð stjórnar Nýheima þekkingarseturs númer 158 og fundargerð ársfundar lagðar fram.

Umhverfis- og samgöngunefnd Alþingis sendir til umsagnar 582. mál - Einföldun regluverks og aukin skilvirkni eftirlits með hollustuháttum og mengunarvörnum (einföldun eftirlits)Frestur til að senda inn umsögn er til og með 16. apríl nk.

Fyrir liggja drög að stefnu um opinbera þjónustu, sem unnin hefur verið af fjármála- og efnahagsráðuneytinu í samstarfi við Samband íslenskra sveitarfélaga. Stefnan tekur til þjónustu bæði ríkis og sveitarfélaga og leggur áherslu á aukna samræmingu þjónustu þvert á stjórnsýslustig, með það að markmiði að efla gæði, aðgengi og hagkvæmni.Stefnan byggir á niðurstöðum fyrra samráðs og er ætlað að leysa af hólmi gildandi stefnu um stafræna þjónustu frá árinu 2021. Samhliða er áfram lögð megináhersla á stafrænar lausnir, með hliðsjón af mikilvægi fjölbreyttra samskiptaleiða.Næsta skref er gerð aðgerðaáætlunar sem fylgja mun stefnunni, og er óskað eftir ábendingum frá sveitarfélögum þar að lútandi.

Atvinnuveganefnd Alþingis sendir til umsagnar 568. mál - Stofnun atvinnuvegannaFrestur til að senda inn umsögn er til og með 15. apríl nk.

Lagt er til að fundur bæjarstjórnar sem áætlaður er 7. maí verði færður til 12. maí nk.