Bæjarráð Hornafjarðar

Ellert fór yfir fundargerðina, umræður um Skógeyjarsvæðið sem er í ofbeit.
Fundargerð samþykkt.

Rúnar fór yfir fundargerðina. Umræður um lausar lóðir.
Fundargerð samþykkt.

Kristján spurði um stöðu mála við Hornafjarðarós, vísað í 13. lið fundargerðarinnar.
Fundargerð samþykkt.

Ásta fór yfir viðauka 1 helstu breytingar sem gerðar hafa verið.
Bæjarráð vísar viðauka 1 við fjárhagsáætlun 2015 til bæjarstjórnar.

Ásta fór yfir stöðu sveitarsjóðs sem er í samræmi við fjárhagsáætlun.

Bæjarstjóra falið að ganga frá málinu.

Bæjarráð samþykkir að fella niður fasteignagjöld fyrir árið 2015.

Starfsmönnum falið að ganga frá starfsmannastefnunni.

Erindi lagt fram frá Humarhöfninni ehf. ósk um lóð.
Bæjarráð samþykkir að úthluta umsækjanda lóðinni.

Bæjarráð Sveitarfélagsins Hornafjarðar gerir þá skýlausu kröfu um að innanlandsflugvöllur verði áfram í Vatnsmýrinni. Engu að síður gerir bæjarráð athugasemd við það að sett verði lög sem færir skipulagsvaldið frá sveitarfélögum til ríkisins.

Lögð fram til kynningar.
Bæjarráð vísar árskýrslunni til umhverfisnefndar.

Í drögum að lagabreytingum er lagt til að náttúrumyndanir og vindorka séu felldar undir leyfisveitingarhlutverki ráðherra auk vatns- og jarðhitaréttinda, náma og jarðefna.
Bæjarráð telur að þessi breyting feli í sér tilfærslu á deiliskipulagsvald frá sveitarfélögum yfir til ríkisins. Mögulegt er að ná fram tilætluðum árangri með framsetningu stefnu og aukis samráðs um þessa þætti.

Bæjarstjóri upplýsti um fund sem hann átti með Innanríkisráðherra á fimmtudag í síðust viku. Þar fór BIJ yfir alvarleik málsins og þá stöðu sem upp er komin. Ráðherra sagðist myndir funda með Hreini Haraldssyni forstjóra Vegagerðarinnar og Sigurði Á. Grétarssyni hjá siglingarsvið Vegagerðarinnar strax á mánudag semsagt í dag og fara yfir hvað mögulegt er að gera í stöðunni. Ekki var annað að skilja en ráðherra skildi mikilvægi þess að tryggja fjármuni til aðgerða nú þegar og einnig í rannsóknarverkefni tengdum Grynnslunum og innsiglingunni um Hornafjarðarós.
Bæjarráð tekur undir bókun Hafnarstjórnar frá fundi 5. maí þar sem þungum áhyggjum er líst á stöðu mála og ítrekar að nauðsynlegt er að tryggja fjármuni til úrbóta strax.

"Hafnarstjórn hefur þungar áhyggjur af því alvarlega ástandi sem skapast hefur á Grynnslum og í innsiglingu um Hornafjarðarós. Nú er komin upp sú staða að takmarka þarf djúpristu skipa sem sigla inn til Hafnar í Hornafirði. Dýpið á Grynnslunum hefur minnkað um 2 metra á undanförnum 5 mánuðum og eru þetta um 200.000 rúmmetrar sem safnast hafa upp á þessum tíma. Líkur eru á þetta ástand verði viðvarandi næstu mánuði. Hafnarstjórn bendir á að þetta ástand skapar mikla óvissu um skipaumferð um innsiglinguna. Hafnarstjórn telur mikilvægt að stjórnvöld tryggi fjármuni til samgönguyfirvalda svo gera megi úrbætur strax. Þetta ástand setur sjávarútveg og aðra flutninga til og frá Hornafirði í uppnám. Því er framtíð heils byggðarlags undir í þessu máli."

Bæjarráð tilnefnir:
Björn Inga Jónsson, Þórhildi Ástu Magnúsdóttur og Hugrúnu Hörpu Reynisdóttur.

Engar hafa borist.