Bæjarráð Hornafjarðar

Björn Imsland greindi frá opnun útboða í þak á Lönguhólum, endurnýjun þakjárns og þakrenna. Þrjú tilboð bárust kostnaðaráætlun er 5.363.000 krónur. Bjartur í sumarhúsum ehf 53% yfir kostnaðaráætlun H.Christiansen ehf 12% yfir kostnaðaráætlun og Þingvað ehf 97% af kostnaðaráætlun. Gengið verður til samninga við Þingvað ehf. verklok eru áætluð fyrir lok sumarfrís í leikskólanum.

Vala Garðardóttir mætti á fundinn og fór yfir framvindu málsins. Ýmsir möguleikar eru í stöðunni þegar kemur að fjármögnun verkefnisins. Ræddur áhugi mögulegra fjárfesta í uppbyggingu á Miklagarði og Jökulheimum.

Útrunninn er umsóknarfrestur sem bæjarráð gaf í auglýsingu eftir áhugasömum aðilum til að taka Netaloftið í fóstur. Ein umsókn barst og uppfyllir hún öll skilyrði auglýsingar.
Bæjarstjóra falið að gera drög að samningi.

Erindi frá íbúum í Suðursveit um hvatningu til eflingar byggðar og þjónustu í sveitinni.
Bæjarráð vísar erindinu til meðferðar hjá fræðslu- og tómstundarnefnd til að fara yfir hvaða möguleikar eru til að koma til móts við óskir íbúa.
Bæjarstjóra falið að kanna útfærslu á leiguíbúðum í heimavistarhúsnæði að Hrollaugsstöðum.

Bæjarráð gerir ekki athugasemdir við útgáfu tækifærisleyfis.

Bæjarráð gerir ekki athugasemdir við útgáfu rekstrarleyfis.

Lögð fram drög að samningi um nýtingarleyfi við Fjallsárlón.
Bæjarráð felur bæjarstjóra að senda drög á samningsaðila og forsætisráðuneytið með þeim breytingum sem ræddar voru á fundinum.

Lagt fram fundarplan bæjarráðs og bæjarstjórnar fyrir sumarið 2015.
Bæjarráð samþykkir framlagt fundarplan.

Lögð fram kostnaðaráætlun frá undirbúningshóp vegna hátíðarhalda 19.júní, 100 ára kosningarafmæli.
Bæjarráð samþykkir að veita 500 þkr. styrk í verkefnið sem tekinn verður af risnu og ferðakostnaði bæjarstjórnar.

Lagt fram til kynningar.