Bæjarráð Hornafjarðar

Fulltrúar ungmennaráðs boðuðu forföll vegna veikinda. Bæjarráð samþykkir ósk ungmennaráðs um áheyrnarfulltrúa í nefndum sveitarfélagsins samkvæmt fyrirmynd frá Seltjarnarnesi. Fulltrúar ungmennaráðs munu mæta á fund bæjarráðs 22. febrúar þar sem farið verður nánar í fyrirkomulagið.

Bæjarráð samþykkir áframhaldandi aðild að rammasamningum ríkisins árið 2016.

Björn Ingi fór yfir stöðu verkefnisins. Upplýsti um fund með mögulegum fjárfestum sem fram fór sl. föstudag. Bæjarstjóra falið að vinna áfram að málinu.

Bæjarráð samþykkir úthlutun lóðar að Heppuvegi 2 b.

Bæjarráð samþykkir úthlutun lóðar að Heppuvegi 2 c.

Bæjarráð samþykkir úthlutun lóðar að Heppuvegi 3.

Bæjarráð Sveitarfélagsins Hornafjarðar skorar á ríkisstjórn Íslands og borgarstjórn Reykjavíkur að tryggja óskerta starfsemi Reykjavíkurflugvallar og tryggja þar með öryggishagsmuni íbúa landsbyggðanna, a.m.k. þangað til jafngóð eða betri lausn finnst. Það er með öllu ólíðandi að dregið verði úr öryggi sjúklinga og slasaðra sem þurfa að komast með hraði á Landspítalann þar sem staðsett er sérhæfð þjónusta s.s. hjartaþræðingar, heila- og taugaskurðlækningar og vökudeild.
Árið 2015 voru 58 einstaklingar fluttir í sjúkraflugi frá Hornafjarðarflugvelli.
Því miður er óraunhæft að ætla að í náinni framtíð skapist þær aðstæður í íslenskri heilbrigðisþjónustu að ekki verði þörf á að koma mörgum af erfiðustu tilfellunum sem koma upp á landsbyggðunum á Landspítalann við Hringbraut.
Mikilvægt er að aðgengi íbúa landsbyggðanna að öflugustu heilbrigðisþjónustu landsmanna sé tryggt.

Bæjarstjóri fór yfir stöðu mála varðandi leyfi til gistingar innan þéttbýlisins. Undanfarin ár hefur þróunin verið í þá átt að íbúðarhúsnæði er tekið undir ferðaþjónustu í stað uppbyggingar. Þetta er að gerast á sama tíma og eftirspurn eftir húsnæði til leigu hefur farið vaxandi ásamt miklum þrýstingi um að sveitarfélagið byggi íbúðir til útleigu. Það er afstaða bæjarráðs að leyfi til íbúðargistingar í skipulögðu íbúðarhverfi samrýmist ekki aðalskipulagi sveitarfélagsins og getur ekki flokkast sem minniháttar atvinnustarfsemi. Bæjarráð felur starfsmönnum að upplýsa núverandi leyfishafa um þessa afstöðu.

Fundargerðin lögð fram til kynningar.

Fundargerðin lögð fram til kynningar. Bæjarráð gerir athugasemd við hversu seint fundargerðir stjórnar SASS koma fram.

Lagt fram til kynningar.

Fundargerðin lögð fram til kynningar.