Bæjarráð Hornafjarðar

5. liður í fundargerð fjallar um fjölgun barna á skólaaldri í Öræfum. Bæjarráð fagnar þeirri þróun og þeim áskorunum sem því fylgir.
Fundargerð samþykkt.

Bæjarráð hefur verulegar áhyggjur af boðuðu verkfalli sjúkraliða 4. apríl nk. og hvetur samningsaðila til að ná sáttum svo komast megi hjá verkfalli.
Fundargerð samþykkt.

Matthildi falið að finna hentugan fundartíma. Bæjarráð leggur áherslu á að hægt verði að funda með fulltrúum sjúkratrygginga og velferðarráðuneytis í sömu ferð.

Matthildur fór yfir áherslupunkta við gerð nýs samnings um rekstur heilbrigðis- og öldrunarþjónustu. Bæjarráð leggur áherslu á að samningaviðræður hefjist sem fyrst og verði lokið fyrir ágústlok 2016.

Bæjarráð leggur mikla áherslu á að tryggður verði rekstur sláturhúss á svæðinu. Undanfarin ár hefur verið lögð mikil vinna í matarframleiðslu úr héraði, ná fram upprunatengingum og sérstöðu á mat af svæðinu. Ein af grunnstoðum þess að svo megi áfram vera er að rekið sé sláturhús í sveitarfélaginu.
Bæjarstjóra falið að upplýsa atvinnumálanefnd um málið.

Bæjarráð gerir athugasemd við hversu skammur tími er gefin til að skila inn umsókn í verkefnið Ísland ljóstengt. Opnað var fyrir umsóknir 15. mars og skilafrestur er til 23. mars. Erfitt getur verið að ná saman nauðsynlegum fylgiskjölum þar sem helmingur tímans er í dymbilviku og margir nýta hana til frítöku. Bæjarstjóra falið að senda inn umsókn.

Tekjuáætlun lögð fram í samræmi við óskir bæjarráðs í tengslum við deiliskipulagsgerð.

Bæjarráð gerir ekki athugasemd við útgáfu leyfisins.

Bæjarráð óskar eftir að unnin verði áætlun um að breyta skólahúsnæði við Hrollaugsstaði í íbúðir til útleigu þar af verður ein fyrir dagforeldri. Kostnaðaráætlanir við þessar framkvæmdir komi inn vinnu við fjárhagsáætlun fyrir árið 2017. Bæjarráð samþykkir að framlengja leigu á Hrollaugsstöðum við núverandi leigutaka til 1. október 2016, tíminn fram að því verði nýttur til hönnunar og undirbúnings.
Starfsmönnum falið að ganga frá samningi í samræmi við umræður á fundinum.

Lagt fram til kynningar, kjörnir fulltrúar á landsing Sambandsins fara fyrir hönd sveitarfélagsins.

Lagt fram bréf frá Sambandi íslenskra sveitarfélaga þar sem sveitarsjórnarmönnum er boðið upp á námsferð til Svíþjóðar 29. ágúst til 1. september nk. til að kynna sér íbúalýðræði í sænskum sveitarfélögum, en þau
standa mjög framarlega á því sviði í Evrópu og þótt víðar væri leitað. Í Svíþjóð er áherslan á að samþætta íbúasamráð inn í ákvörðunartökuferla og beita réttum
aðferðum til að ná til rétts hóps íbúa.
Bæjarráð samþykkir að þrír bæjarfulltrúar auk eins starfsmanns fari í umrædda námsferð.

Fundargerðin lögð fram til kynningar.