Bæjarráð Hornafjarðar

201612030 - Bekkir á gönguleið fyrir eldri borgara.
Bæjarráð felur bæjarstjóra að koma verkinu í framkvæmd.
Fundargerð samþykkt.

Farið yfir drög að útboðsgögnum. Bæjarráð felur starfsmönnum að fara yfir þau atriði sem út af standa í útboðslýsingu. Bæjarráð samþykkir að setja verkið í útboð.

Farið yfir drög að leigusamningi fyrir bráðabirgðahúsnæði leikskólanna á meðan á framkvæmdum stendur. Meirihluti bæjarráðs samþykkir að leigja bráðabirgðahúsnæði frá 1. apríl 2017 í samræmi við framlögð drög. Ásgerður K. Gylfadóttir sat hjá.

Ásgerður vék af fundi undir þessum lið. Kristján tók sæti á fundinum undir þessum lið.
Kristján greindi frá að hann greiði atkvæði gegn útboði á nýjum leikskóla og lagði fram eftirfarandi bókun:
"Bæjarfulltrúar Framsóknarflokksins hafa ítrekað lýst þeirri skoðun sinni að fresta beri framkvæmdum við stækkun Lönguhóla. Réttara sé að byrja á því að sameina leikskólana í núverandi húsnæði og skoða byggingu á nýjum leikskóla á nýjum stað."
Meirihluti bæjarráðs bendir á að núna loksins stendur til að bjóða út framkvæmdina við leikskólann á Kirkjubraut 47. Þetta mál hefur átt sér langan aðdraganda og hefur verið eitt stærsta mál kjörtímabilsins. Málið hefur fengið mikla og vandaða umfjöllun að mati meirihlutans. Nægir að nefna í því samhengi vegferðina frá kosningum, skoðanakönnun meðal starfsmanna og foreldra, samstarfshóp hagsmunaaðila, ráðgjafa.
Á bæjarstjórnarfundi nr. 224, 10. mars 2016 þá voru 5 fulltrúar sammála þessari vegferð, tveir sátu hjá.
Meirihluti bæjarráðs samþykkir að farið verði í útboð samkvæmt fyrirliggjandi gögnum enda er framkvæmdin hluti af samþykktri fjárhagsáætlun ársins.

Bæjarráð samþykkir hafnarreglugerð og vísar henni í lögformlegt ferli.

Bæjarráð samþykkir framlagðan samning.

Lagt fram til kynningar.

Lagt fram til kynningar.

Bæjarráð tilnefnir skipulagsstjóra sem fulltrúa sveitarfélagsins á fundinn.

Fundargerð nr. 516 lögð fram til kynningar.