Bæjarráð Hornafjarðar

Farið yfir fundargerð.
Í fundargerð er rætt um að halda ungmennaþing í nóvember 2017. Einnig rætt um FABLAB og samstarf við Nýsköpunarmiðstöð. Starfsmönnum falið að fara yfir málin og ræða við Nýsköpunarmiðstöð með þróun og samstarf í huga. Bæjarráð telur mikilvægt að ástand sparkvallar við íþróttahús verði skoðað.
Fundargerð samþykkt.

Farið yfir fundargerð.
Fundargerð samþykkt.

Farið yfir stöðu lífrænna gáma í sveitarfélaginu. Umgegni um gámana er oft á tíðum ábótavant auk þess sem erfitt er að finna þeim varanlega staðsetningu. Bæjarráð leggur til að bændum verði sent bréf þar sem farið verður yfir hvað heimilt er að setja í lífræna gáma og ef umgengni um þá batnar ekki neyðist sveitarfélagið til að fjarlægja gámana. Bæjarráð stefnir á að halda fundi í sveitum þar sem þessi og fleiri mál verða rædd.

Farið yfir erindi frá Hlyn Pálmasyni sem barst með tölvupósti 29. janúar. Hlynur óskar eftir að kaupa húsið til afnota í menningarlegum tilgangi og hlúa þannig að list og menningu á staðnum. Einnig er gert ráð fyrir að búseta verði í húsinu að einhverju leyti.
Bæjarráði finnst hugmyndin á margan hátt áhugaverð og spennandi til eflingar list og menningu á svæðinu. En á möguleikum á framkvæmd hennar eru nokkrir annmarkar. Ekki hefur farið fram skipulagsvinna á svæðinu og er hún forsenda þess að bæjarráð sé tilbúið að selja húsið. En húsið var keypt til þess að mögulegt væri að skipuleggja svæðið með framtíðar notkun í huga án þess að aðrir hagsmunaaðila en sveitarfélagið ættu hlut að máli. Fara þarf í skoðun á svæðinu og vinna aðalskipulag og deiliskipulag áður en hægt er að opna á þann möguleika að selja húsið.
Bæjarráð hefur áður fjallað um málið og er enn þeirrar skoðunar að ekki er fært að selja húsið án þess að það fari í opið söluferli og að undangenginni skipulagsvinnu á svæðinu.
Bæjarráð hefur áður lýst yfir áhuga á stuðningi við verkefnið án þess að eignaraðild að húsinu fylgi þar með.
Bæjarráð er ekki tilbúið að selja húsið að svo stöddu og því er erindi um samstarf hafnað.

Bæjarráð gerir ekki athugasemd við útgáfu leyfis.

Bæjarráð gerir ekki athugasemd við útgáfu leyfis.

Erindi frá Atvinnuvega- og nýsköpunarráðuneyti dagsett 14. febrúar. Þar er óskað eftir upplýsingum um stöðu og áhrif fiskeldis í sveitarfélaginu. Bæjarráð felur starfsmönnum að svara erindinu.

Bæjarráð gerir ekki athugasemdir við birtingu gagna og felur umhverfisfulltrúa sveitarfélagsins að svara erindinu.

Fundargerðir lagðar fram til kynningar.

Fundargerð lögð fram til kynningar.