Bæjarráð Hornafjarðar

Farið yfir fundargerð vallarstjórnar Sindravalla og viðhaldsáætlun. Framtíðarskipulag skólastarfs í Hofgarði rætt ásamt starfsmannamálum í leik- og grunnskólum sveitarfélagsins. Fundargerð samþykkt.

Farið yfir fundargerð. Upplýsingaskiltamál í sveitarfélaginu rædd. Fundargerð samþykkt.

Vísað í umfjöllun í lið 4. Fundargerð samþykkt.

Rætt um flokkun sorps og magnið sem sent er til urðunar í Lóni með tilliti til samnings þar um. Einnig rætt um fyrirkomulag sorphirðu í sveitunum. Farið yfir niðurstöðu útboðs sorphirðu og urðunar. Lægsta boð kom frá Íslenska gámafélaginu en velja þarf á milli leiðar A og B samkvæmt útboðsgögnum. Farið yfir kosti og galla leiðanna. Starfsmönnum falið að vinna áfram að málinu.

Matís hefur sagt upp húsaleigusamningi að Álaleiru 1 þar sem matarsmiðjan hefur verið til húsa. Staðsetning smiðjunnar er til umfjöllunar í atvinnumálanefnd. Á síðustu árum hefur sambúð matarsmiðju og geymslu menningarminja oft verið til umræðu og ekki talin heppileg auk þess sem skortur er á geymsluhúsnæði hjá sveitarfélaginu. Bæjarráð er þeirrar skoðunar að Álaleiran verði nýtt sem geymsluhúsnæði þegar matarsmiðjan fer þaðan. Páll Róbert sat hjá við afgreiðslu málsins.

Farið yfir erindi frá Vatnajökulsþjóðgarði um að leigja efri hæð skólahúsnæðisins í Hrollaugsstöðum. Á fyrrnefndum fundi með íbúum Suðursveitar og Mýra kom fram hugmynd um að auglýsa herbergin til leigu fyrir starfsfólk ferðaþjónustuaðila á svæðinu. Bæjarráð telur slíka hugmynd kalla á umtalsvert meira utanumhald og breytingar á húsnæðinu en til stendur að gera. Bæjarstjóra falið að ræða við Vatnajökulsþjóðgarð um tímabundna leigu á skólahúsnæðinu. Samhljómur var á milli bæjarráðs og íbúa á áðurnefndum fundi að nýta félagsheimilið undir samkomur og viðburði fyrir íbúa.

Bæjarráð vísar erindinu til skipulagsnefndar og umhverfisnefndar.

Lagt fram til kynningar.

Lagt fram til kynningar.