Bæjarráð Hornafjarðar

Árdís fór yfir fundargerðina.
Fundargerð samþykkt.

Umræður um áætlaða viðhaldsdýpkun í sumar. Klára þarf lögn fráveitulagna áður en hægt verður að fara í dýpkunarframkvæmdir.
Vignir og Björn Ingi greindu frá ferð þeirra á Ocean Business Southamton 2017. Þar var aðili sem er að þróa og selja radarbúnað sem staðsettur er í landi. Slíkur búnaður mælir umhverfishreyfingar og gæti veitt mikilvægar upplýsingar um dýpi á Grynnslum. Gögn hafa verið send til skoðunar og greiningar hjá viðkomandi aðila.
Fundargerð samþykkt.

Móttekið erindi frá foreldrum barna í leik- og grunnskóla í Öræfum þar sem kallað er eftir stefnu bæjaryfirvalda um málefni Öræfa í heild hvað varðar skólamál, húsnæðismál og almenna samfélagsþróun.

Bæjarráð þakkar innsent erindi. Þeir þættir sem nú þegar eru komnir í farveg eru eftirfarandi:
Auglýst hefur verið eftir starfsfólki við leik- og grunnskólann í Hofgarði og lítur mönnun þar vel út fyrir næsta skólaár.
Varðandi húsnæðismál hefur verið unnið deiliskipulag fyrir íbúðabyggð við Hofgarð, nánar tiltekið í Borgartúni. Sveitarfélagið hefur fengið úthlutað einni lóð og stefnir að byggingu á henni.
Jafnframt stefnir bæjarráð að því að halda opinn íbúafund í Hofgarði fyrir sumarleyfi.

Ragnhildur fór yfir stöðuna.

Rætt um líkan við útreikning kennslustundafjölda Grunnskóla Hornafjarðar fyrir næsta skólaár, mönnun skólans og verkefni sem skólinn sinnir rædd í tengslum við það.

Bæjarráð samþykkir að kaupa mörk og felur forstöðumanni íþróttamannvirkja að afla tilboða. Kostnaður af þessu verður tekinn af óráðstöfuðu í samráði við fjármálastjóra.

Eitt tilboð barst í verkið ásamt einu frávikstilboði frá Mikael ehf. Kostnaðaráætlun gerði ráð fyrir 138.337.272 kr. í verkið. Aðaltilboð er kr. 201.280.221 (45% yfir kostn.áætlun) og frávikstilboð kr. 192.938.538 (39% yfir kostn.áætlun).
Bæjarráð telur tilboðin vera hátt yfir kostnaðaráætlun og felur starfsmönnum að ræða við tilboðsgjafa.

Bæjarráð tekur undir áhyggjur málsaðila um aðgengi og umhverfi við Heppuveg 2a og felur starfsmönnum að koma með tillögur til úrbóta.

Bæjarráð samþykkir framlengingu úthlutunar um þrjá mánuði þar sem byggingaráform hafa verið staðfest.

Bæjarráð vísar erindinu til félagsmálastjóra og felur honum að koma með tillögu að umsögn.

Bæjarráð felur bæjarstjóra að afla lögfræðiálits á niðurstöðu dómsins.

Tekin fyrir kæra Íslenska gámafélagsins á útboð á sorphirðu og urðun. Kæran snýr að stöðvun á útboðsferlinu og að frávikstilboðum í verkið verði hafnað.

Í útboðsgögnum er bent á ÍST30 staðal (Almennir útboðs- og samningsskilmálar um verkframkvæmdir). Samkvæmt gr. 1.2.9 um frávikstilboð segir: Tilboð sem leysir þarfir kaupandans á annan hátt en gert er ráð fyrir í tæknilegri lýsingu útboðsgagna og uppfyllir jafnframt lágmarkskröfur þeirra.

Þrjú frávikstilboð bárust í verkið frá Funa ehf. Þar sem þau uppfylla ekki skilmála útboðsgagna varðandi alla verkþætti og geta þau ekki talist gild frávikstilboð og hafa ekki verið til skoðunar.

Bæjarráð ætlar ekki að nýta forkaupsrétt og felur bæjarstjóra að tilkynna það.

Lagt fram til kynningar.