Bæjarráð Hornafjarðar

Lóðarhafar mættu á fund bæjarráðs og gerðu grein fyrir stöðu verkefnisins. Rætt um fjölda bílastæða við lóð og möguleika á að fella út byggingareit B2 til að koma fyrir frekari bílastæðum. Lóðarhafar tóku jákvætt í þessa hugmynd. Einnig var rætt um möguleika á að byggja umrædda byggingu á annarri lóð innan sveitarfélagsins. Lóðarhafar töldu sig hafa fjárfest mikið í núverandi staðsetningu. Lánsloforð miðast við þessa staðsetningu og því ekki fýsilegur kostur að breyta því.
Fram kom á fundinum að enn á eftir að skila inn nauðsynlegum teikningum og greinargerð svo framkvæmdir geti hafist. Bæjarráð ítrekar að þær teikningar og greinargerð þurfi að berast fyrir lok dags 25. október 2017 þar sem veittur frestur til að hefja framkvæmdir er þegar liðinn.

Jón Kristján fór yfir fundargerðina. Rætt um framtíðarplön fyrir Víkurbraut 24.
Fundargerð samþykkt.

Farið yfir samantekt starfsmanna um ástand skipsins. Ljóst er að ástandið er mjög slæmt og mikill fúi kominn í skrokk skipsins. Búið er að fjarlægja stiga og loka stærstu götum. Bæjarráð bendir á að skipið er ekki öruggt til umgengni í núverandi ástandi. Málinu er vísað til menningarmálanefndar til frekari skoðunar.

Björn Ingi fór yfir verklýsingu á útboði 2. áfanga uppbyggingar fráveitu á Höfn. Áætluð verklok verða fyrir lok maí 2018. Bæjarráð heimilar að bjóða verkið út.

Björn Ingi fór yfir verklýsingu á fráveitu í Nesjum. Áætluð verklok verða fyrir lok maí 2018. Bæjarráð heimilar að bjóða verkið út.
Rætt um samstarfsverkefni íbúa hverfisins og sveitarfélagsins sem hugmynd kom að á bæjarstjórnarfundi 12. október sl. Verkefnið verður sett á framkvæmdaáætlun 2018 og stefnt að því að það hefjist með vorinu 2018. Bæjarráð leggur til að stofnaður verði hópur starfsmanna og íbúa í Nesjahverfi sem vinni hugmyndir að verkefninu.

Björn Ingi fór yfir stöðu mála. Greindi frá að unnið er að samantekt á tjóninu í heild í sýslunni. Samantektin verður kynnt í bæjarráði þegar hún er tilbúin.
Bæjarráð leggur áherslu á að bæta þurfi það mikla tjón sem ljóst er að varð við náttúruhamfarirnar í september sl. og telur ekki eðlilegt að sveitarfélagið eða íbúar beri ein það tjón.

Bæjarstjóri fór yfir vinnu sem í gangi er vegna landsmótsflata og tillögur að svæði á Leirunni fyrir íþróttaiðkun.

Bæjarráð þakkar erindið og bendir á að í tengslum við fjárhagsáætlunargerð fyrir árið 2018 verður auglýst eftir styrkumsóknum til bæjarráðs og menningarmálanefndar. Bæjarráð hvetur umsækjanda að sækja um þegar auglýsing birtist.

Bæjarráð telur hugmyndina áhugaverða. Einhverjar steypueiningar eru í notkun. Bæjarstjóra falið að fara betur yfir málið og svara erindinu.

Bæjarráð tilnefnir Lovísu R. Bjarnadóttur, Hjördísi Skírnisdóttur og Friðrik Jónas Friðriksson.

Bæjarstjóri fer með atkvæði sveitarfélagsins.

Lagt fram til kynningar.