Bæjarráð Hornafjarðar

Samkvæmt reglum sveitarfélagsins um tómstundastyrk er honum úthlutað til barna og ráðstöfunarréttur hans er hjá foreldrum/forráðamönnum. Því er ekki hægt að framselja styrkinn til einstakra félaga. Þann 1. janúar 2018 verður Nora kerfið komið í fulla virkni og þar geta foreldrar ráðstafað styrknum á rafrænan hátt. Bæjarráð fagnar frumkvæði UMF Sindra að hvetja íbúa til að nýta tómstundastyrkinn með dreifibréfi á mörgum tungumálum. Bæjarráð bendir einnig á að þýða má lykilhugtök í Nora kerfinu til að auðvelda notkun.

Lagt fram til kynningar.

Erindi lagt fram frá Rögnvaldi Ólafssyni um uppsetningu á mælitækjum við Jökulsárlón sem mæla dvalartíma ferðamanna á svæðinu. Gögnin munu nýtast til greiningar og skipulagsvinnu í sveitarfélaginu. Að auki gætu gögnin nýst fleiri aðilum eins og Vegagerðinni og Vatnajökulsþjóðgarði. Bæjarráð er jákvætt fyrir kostnaðarþátttöku að fjárhæð 525 þkr. vegna uppsetningar í samræmi við framlagt erindi sem tekið verður af óráðstöfuðu. Bæjarráð felur bæjarstjóra og málsaðila að afla frekari fjárstyrkja til verkefnisins.

Bæjarráð heimilar sölu á tækjum í Áhaldahúsi sem ekki eru lengur í notkun. Bæjarráð heimilar kaup á skotbómulyftara ef söluverðmæti tækja dugir til.

Þar sem bæjarráð hefur nýlega úthlutað afnotarétti til loka september 2018 og í ljósi staðsetningar lóðar óskar bæjarráð eftir samtali við umsækjendur. Bæjarstjóra falið að boða umsækjendur á fund bæjarráðs nk. mánudag.

Farið yfir drög að framkvæmdaáætlun 2018. Unnið verður áfram að forgangsröðun verkefna.

Lögð fram tillaga að endurnýjun á samningi við KPMG um endurskoðun á reikningum sveitarfélagsisns og tengdra aðila næstu fimm ár. Núgildandi samningur gildir í eitt ár til viðbótar með framlengingarákvæði til tveggja ára. Bæjarráð samþykkir að endurnýja samning við KPMG.

Bæjarráð þakkar erindið. Í framkvæmdaáætlun sveitarfélagsins 2018 eru áform um byggingu íbúðarhúsnæðis í Öræfum fyrir starfsmenn leik- og grunnskólans í Hofgarði.

Bæjarráð óskar eftir að Árni Helgason hjá Cato lögmönnum geri drög að svari til Samkeppniseftirlitsins.

Bæjarráð heimilar framsal á samningi í samræmi við 9. grein samnings en bendir á að gildistími samnings er til 1. desember 2018 skv. 6. grein samningsins.

Starfsmönnum falið að kalla eftir formlegu tilboði. Tímasetning námskeiðs væri í byrjun árs 2018.

Lagt fram til upplýsinga. Bæjarstjóri upplýsti að starfsmenn vinni að úrbótum.

Bæjarráð heimilar afnot af Hofgarði og útisvæði dagana 8.-10. júní 2018.

Lagt fram til kynningar.