Bæjarstjórn Hornafjarðar

Hjalti fylgdi málinu úr hlaði, gerði hann grein fyrir helstu breytingum á reglunum. Lagði hann til að reglurnar um niðurfellingu fasteignaskatts verði samþykktar. Gerði hann einnig grein fyrir fyrirhuguðum breytingum á Innkaupareglum sveitarfélagsins.
Samþykkt samhljóða.

Ásgerður fylgdi málinu úr hlaði og gerði grein fyrir úttekt á starfsemi Grunnskóla Hornafjarðar, benti Ásgerður á að skýrslan sé unnin af beiðni bæjarráðs.
Björn Ingi fagnaði skýrslunni, taldi hann að næstu skref séu mikilvæg og að þau eigi að stíga í þá átt að bæta skólastarfið.
Árni fjallaði fjallaði um skýrsluna, taldi hann skýrsluna mikilvægt gagn til að vinna með til að bæta skólastarfið.
Ásgerður þakkaði fyrir góðar umræður, gerði hún grein fyrir því að skýrslan er orðin opinber á heimasíðu sveitarfélagsins og þeirri vinnu sem framundan er með úrvinnslu skýrslunnar. Unnin verður umbótaskýrsla sem lögð verður fram til ráðuneytisins. Öll úrvinnsla skýrslunnar verður gerð opinber þegar niðurstöður liggja fyrir svo íbúar geti fylgst með þeim umbótum sem gerðar verða á skóalstarfi Grunnskóla Hornafjarðar.
Hjalti þakkaði fyrir góðar umræður um skýrsluna. Gerði hann einnig grein fyrir þeirri vinnu sem framundan er varðar úrlausn skýrslunnar.
Árni fjallaði um umbótaáætlunina. Velti hann því upp hvort sú áætlun komi til umræðu í skólanefnd og bæjarráði áður en hún verður gerð opinber.
Hjalti greindi frá því að bæjarráð verði að skila skýrslunni frá sér til ráðuneytisins.

Hjalti fylgdi málinu úr hlaði. Lagði hann til að samþykktin fengi formlega meðferð og væri vísað til annarrar umræðu í bæjarstjórn.
Samþykkt samhljóða

Tillaga um breytingu í kjörstjórnum:
Sveinn Rúnar Ragnarsson sem aðalmaður í stað Þorleifs Hjaltasonar í kjörstjórn í Nesjum.
Maríanna Jónsdóttir sem varamaður í stað Gunnhildar Ingimarsdóttir í kjörstjórn í Suðursveit.

Þær hafa engar borist.