Bæjarstjórn Hornafjarðar

Þórhildur Magnúsdóttir tók til máls undir 1.lið og tók undir bókun bæjarráðs.
Sagði N1 hafi ákveðið að loka bensínafgreiðslstöð í Hestgerði, las upp samskipti bæjarstjóra. Sagði að félagið hafi hagsmuni eigenda og félagsins að leiðarljósi. Þórhildur sagði að síðastliðinn ágúsmánuður hafi veirð sá söluhæsti í Hestgerði.
Sæmundur tók einnig til máls undir 1. lið sagði það skoðun meirihlutans að fella beri út úr deiliskipulagstillögunni fyrir HSSA fyrirhugaðar lóðir undir einbýlishús við Júllatún. Að öllu öðru leyti yrði skipulagstillagan óbreytt.
Björn Ingi tók einnig til máls undir 1. lið sagði að íbúar væru mjög óánægðir og það gætu skapast vandamál í framtíðinni ef íbúar í dreifbýli þurfi að geyma eldsneyti við hvern bæ, hann mun áfram þrýsta á stjórnendur N1.
Ásgerður K. Gylfadóttir tók til máls undir 1.lið deiliskipulag HSSA sagði skiptar skoðanir um deiliskipulagstillöguna, komið hafi fram ánægja meðal íbúa með þéttingu byggðar á deiliskipulagsreitnumm hafi verið ánægðir með að íbúabyggð sé á deiliskipulagsreitnum en Hóteleigendur eru ekki sáttir. Sagði minnihlutann ekki sáttan við tillögu að breytingu um að taka út lóðir á deiliskipulagsreitnum.
Sæmundur sagði deiliskipulagstillagan fjallaði um deiliskipulag við HSSA það hafi verið gerðar athugasemdir við lóðirnar ekki byggingareit HSSA, sagði að ef kærur komi muni það lengja ferli málsins.
Fundargerð samþykkt.

Forseti óskaði þeim sem fengu umhverfisviðurkenningu til hamingju.
Björn Ingi tók til máls undir 2. lið fór yfir sögu málefna fatlaðra í sveitarfélaginu, 2010 gerðu ríki og sveitarfélög samkomulag um tilfærslu þjónustu við fatlaða. Gert var ráð fyrir að þjónustan myndi flytjast yfir til sveitarfélaga 1. janúar 2011 sem og hún gerði. Þar kom fram að félagsþjónusta sveitarfélagsins hefur staðið sig vel frá 1997 þegar hún tók yfir málefni fatlaðra. Félagsþjónustan hefur tekist á við margar áskoranir og fengið einstaklinga með mikla þjónustuþörf í þjónustu sína í gegnum árin en ávallt leyst það vel af hendi. Þjónustan er notendamiðuð og persónuleg. Yfirfærslan fól í sér að skipta landinu upp í þjónustusvæði sem hvert um sig þurfti að hafa lágmark 8.000 íbúa. Þó var heimild um undanþágu frá íbúafjölda í lögunum á grundvelli landfræðilegra aðstæðna eins og sveitarfélagið Hornafjörður fékk. Núna stendur yfir endurmat á yfirfærslunni í heild sinni og eitt af þeim atriðum sem verða undir í því endurmati eru undanþágurnar sem veittar voru vegna lágmarks íbúafjölda. Stefnt er að því endurmatið ljúki á þessu ári.
Sú mikla reynsla og þekking sem Sveitarfélagið Hornafjörður og starfsfólk þess hefur af þessum málaflokki ásamt landfræðilegri legu sveitarfélagsins eru mikil rök fyrir áframhaldandi undanþágu varðandi þjónustusvæði.
Ásgerður tók til máls undir 1. lið umhverfis-og skipulagsnefnd tók undir hamingju óskir til þeirra sem fengu umhverfisviðurkenninguna. Gerði að umtalsefni tilgang með umhverfisviðurkenningu samkvæmt samþykkt, tilgangur viðurkennignarinnar er "vekja íbúa til umhugsunar um gildi náttúru og umhverfis fyrir samfélag og atvinnulíf í sveitarfélaginu Hornafirði og hvetja þá til að sýna því tilhlýðilega virðingu með sjálfbæra þróun að leiðarljósi". Ásgerður benti á að Sveitarfélagið þurfi að bæta sig að koma skilaboðum út til íbúa með markvissum hætti. Lagði til að hannað yrði umhverfisviðurkenningamerki til að gefa þeim sem fá viðurkenningu. Einnig lagði hún til að upplýsingar um þá sem hafa fengið viðurkenningu á síðustu ár eigi að vera á heimasíðu Sveitarfélagsins.
Einnig sagði hún að sveitarfélagið yrði að standa vörð um málefni fatlaðra, það væri mikil þekking til og nærþjónustan mjög góð, annað væri afturför gegn markmið yfirfærslu málaflokksins til sveitarfélagsins.
Fundargerð samþykkt.

Björn Ingi tók til máls greindi frá heimsókn Akstursíþróttafélagsins ASK til bæjarráðs. Farið var yfir þá stöðu sem komin er upp vegna deiliskipulags við Drápskletta. Fara verður í miklar og kostnaðarsamar aðgerðir til að uppfylla kröfur um hljóðvist svo að brautin fáist samþykkt sem lögleg keppnisbraut. Sagði að nú sé verið að skoða aðra staði þar sem hægt væri að koma fyrir mótorkrossbraut án þess að þurfa að fara í miklar hljóðvarnir en kostnaður við þær muni hlaupa á tugum milljóna.
Einnig ræddi hann fundargerð Almannavarnarnefndar.
Gunnhildur tók til máls undir 1 lið 1þakkaði fyrir gott málþing um Grynnslin og málefni Hafnarinnar, sagði að tryggja verði fé til áframhaldandi rannsókna. Mikilvægt sé að tryggja öryggi sjófarenda. Einnig óskaði hún Skinney Þingnes til hamingju með viðurkenninguna sem að þeir fengi á sjávarútvegsýningunni 2014. En í umsögn dómnefndar segir m.a.
?framúrskarandi framlag til sjávarútvegs, fyrir ötula uppbyggingu glæsilegs sjávarútvegsfyrirtækis sem er burðarásin í byggðarlagi sínu?.
Björn Ingi tók einnig til máls undir 1. lið 1 sagði kosnaður við rannsóknir töluverðan, mikilvægt sé að tryggja fé í rannsóknir til margra ára.
Fundargerð samþykkt.

Björn Ingi tók til máls undir lið 2 sagði að þegar farði verið í nýbyggingu hjúkrunarheimilis þá sé mikilvægt að sveitarfélagið sé með allt klárt til að hægt sé að hefja framkvæmdir þegar fjármagn fæst til þess. Á þessum bæjarráðsfundi fól bæjarráð stjórn HSSA að fara yfir þær hugmyndir sem unnar hafa verið um nýtt hjúkrunarheimili. Í júní síðastliðnum komu út hjá Velferðarráðuneytinu viðmiðunarreglur um aðbúnað á Hjúkrunarheimilum og fela þær í sér t.d. breytingar á stærðum einkarýma og sameiginlegra rýma. Sveitarfélagið Hornafjörður er í stakk búið til að axla sýnar fjárhagslegu skuldbindingar þegar náðst hefur fjármagn frá ríkinu í gegnum framkvæmdarsjóð aldraðra. Sagði mikilvægt að koma nýju hjúkrunarheimili við HSSA inná framkvæmdaráætlun hjá Velferðarráðuneytinu svo sveitarfélagið eigi möguleika á að sækja um í framkvæmdarsjóð aldraðra og er sú vinna hafin af fullum krafti.
Sú breyting varð nú um mánaðarmótin að HSSA er orðinn hluti af Heilbrigðisstofnun Suðurlands. Nýr forstjóri HSU er Herdís Gunnarsdóttir. Sagðist hann vænta góðs af samvinnu við hana. Þjónustusamningur sem í gildi er um rekstur HSSA gildir út árið 2016. Fullyrt er við sveitarfélagið að breytingin hafi engin áhrif, hins vegar er óákveðið hvað gerist í lok árs 2016 og það verður hlutverk bæjarfulltrúa að tryggja að sú þjónusta sem veitt er á HSSA verði þar áfram
Ásgerður tók einnig til máls undir lið 2 sagði núgildandi þjónustusamning vera mjög góðan og vonaði að nýir stjórnendur sjái að reksturinn er hagkvæmur og góð nærþjónusta er veitt.
Ræddi einnig um byggingu nýs hjúkrunarheimilis sagði að það hafi verið búið að undirbúa það í mörg ár og margir ráðherrar hafi komið að málinu, sagði núverandi ráðherra hafa sagt að enginn fari á uppbyggingarlista ef ekki séu til peningar í Framkvæmdasjóði aldrara. Sagði það áhyggjuefni að upplýsingar sem komi frá ráðuneytinu séu misvísandi og það sé brýnt að fá upplýsingar sem er hægt sé að treysta.
Einnig ræddi hún 6. lið sagði fagnaðarenfi að aðalskipulagið hafi verið staðfest af Skipulagstofnun, saknaði fréttar um málið á heimasíðu sveitarfélagsins, hvatti bæjarstjóra til að gera bragabót á því.
Kristján tók til máls undir 1. lið fagnaði orðum bæjarstjóra að leggja eigi fé í áframhaldandi uppbyggingu Miklagarðs.
Björn Ingi sagði það hafa verið öllum ljóst að áfram ætti að vinna að uppbyggingu Miklagarðs sagði það vera stórt og mikilvægt verkefni.
Fundargerð samþykkt.

Fundargerð lögð fram til kynningar.

Fundargerð lögð fram til kynningar.

Sæmundur greindi frá að eigendur jarðarinnar Skaftafell II óska eftir landskiptum á jörðinni samkvæmt meðfylgjandi uppdrætti.
Lagði til að bæjarstjórn samþykkir landskiptin með með vísan í 13. gr. jarðarlaga nr. 81/2004 og með vísan í 48 gr. Skipulagslaga nr. 123/2010.
Forseti bar tillöguna upp til atkvæða.
Samþykkt samljóða.

Sæmundur greindi frá að sveitarfélagið sækir um framkvæmdaleyfi fyrir efnistöku í Skinney. Efnið verður nýtt í rofvörn við Ósinn og vegagerðar yfir Hornafjarðarfljót.
Eigandi jarðarinnar Forsætis-og efnahagsráðuneytið fyrir hönd Ríkisins hefur samþykkt leyfið með þeim fyrirvara að sveitarfélagið afli allra tilskilinna leyfa og upplýsi eftir atvikum þá sem málið kann að varða. Áætluð efnistaka er 10.000 m3.
Athugun fornleifafræðings hefur farið fram og gefur hún ekki tilefni til annars en að leyfa framkvæmdir.
Lagði til að bæjarstjórn samþykki fremkvæmdaleyfið, skv. 13. gr. skipulagslaga nr. 123/2010 þar sem fyrirhugað efnistökusvæði er á aðalskipulagi 2012-2030.
Forseti bar tillöguna upp til atkvæða.
Samþykkt samhljóða.

Stjórn HSSA
Sæmundur Jón Jónsson verður varamaður í stað S. Guðbjargar Garðarsdóttur
Snorri Snorrason verður aðalmaður í stað Þorkels Óskars Vignissonar
Kristín Hermannsdóttir verður aðalmaður og varaformaður og varamaður Ottó Marvin Gunnarsson verður varmaður.
Félagsmálanefnd

S. Guðbjörg Garðarsdóttir verður varamaður í stað Ásdísar Ólafsdóttur
Sigrún Sveinbjörnsdóttir verður varamaður í stað Guðrúnar Ásu Jóhannsdóttur

Engar fyrirspurnir hafa borist.