Bæjarstjórn Hornafjarðar

2. Atvinnumálanefnd - 30
Ragnheiður greindi frá opnun gönguleiðarinnar "Mýrajöklar". Um var að ræða fjölmenna og ánægjulega samkomu. Einnig greindi hún frá að nefndin væri að skoða gönguapp fyrir sveitarfélagið og sagði um spennandi verkefni væri að ræða. Benti hún á að opið er fyrir umsóknir í Framkvæmdasjóð ferðamannastaða og hvatti áhugasama að koma með tillögur til atvinnu- og ferðamálafulltrúa.
Kristján tók til máls og óskaði eftir upplýsingum um stöðu verkefnis um framtíð Miklagarðs. Einnig óskaði hann eftir upplýsingum um byggðakvótann. Þá ræddi hann malbikunarframkvæmdir og fagnaði því að þær væru hafnar en harmaði slæmt upplýsingaflæði varðandi verkefnið t.d. að það hafi ekki verið auglýst eins og bæjarráð óskaði eftir.
Björn Ingi tók til máls og greindi frá að svæðinu hafi verið úthlutaður kvóti vegna 2016-2017. Einnig gerði sveitarfélagið tillögur að breytingum á útlutunarreglunum en þeim var hafnað.
Björn Ingi sagði að það væri á höndum malbikunarverktaka að auglýsa komu sína.
Ragnheiður tók til máls um Miklagarð og sagði að unnið væri við þrjú mismunandi rekstrarlíkön og að sú vinna væri enn í gangi.
Kristján tók til máls og spurði nánar um byggðakvótann. Ragnheiður svaraði að þeim kvóta sem hingað kom hafi verið úthlutað samkvæmt gildandi reglum þar sem ekki var fallist á undánþágur.

Fundargerð samþykkt með sjö atkvæðum.

9. 201709010 - Stytting vinnuvikunnar - tilraunaverkefni BSRB
Gunnhildur tók til máls. Sagði um að ræða mál sem kemur frá BSRB þar sem sveitarfélaginu er boðin þátttaka í tilraunaverkefni um styttingu vinnuvikunnar. Sagði hún að kjörið væri fyrir sveitarfélagið að taka þátt í verkefninu og hefði hún gjarnan viljað að bæjarráð hefði tekið betur í verkefnið, jafnvel gert tillögu að hóp til að vinna nánar að útfærslu þess. Þrátt fyrir að einhverjir starfsmenn Sveitarfélagsins Hornafjarðar starfi ekki beint undir BSRB og séu t.d. í Afl Starfsgreinafélagi starfi þeir bæði undir samningum Ríkisins og samningum frá samninganefnd sveitarfélaga. Þátttaka sveitarfélagsins er því vel möguleg og hægt að fara í samstarf með þeim félögum sem ekki eru innan BSRB. Sagði hún Heilbrigðisstofnunina kjörin brautryðjanda í svona verkefni og hægt að vinna það í áföngum. Sagði Gunnhildur að þetta verkefni væri framtíðin og að heillavænna væri fyrir okkur að innleiða styttingu vinnuvikunnar í smá skömmtun og á okkar hraða, að geta stýrt verkefninu. Sagði hún verkefnið tækifæri til að byggja upp fjölskylduvænt samfélag og kallaði eftir þátttöku sveitarfélagsins.
Ragnheiður tók til máls um byggingu nýs hjúkrunarheimilis og lagði fram eftirfarandi bókun:

"Bæjarstjórn Hornafjarðar lýsir þungum áhyggjum af kyrrstöðu mála vegna byggingar nýs hjúkrunarheimilis. Sveitarfélagið sendi inn í byrjun sumars umsókn í Framkvæmdasjóð aldraðra en svar hefur ekki borist. Bæjarstjórn lýsir enn og aftur yfir miklum áhyggjum af stöðu mála og leggur ofuráherslu á að framkvæmdir við byggingu nýs hjúkrunarheimilis geti hafist á árinu 2018."

Björn Ingi tók til máls um verkefnið um styttingu vinnuvikunnar. Greindi hann frá að bæjarráð hafi ekki afgreitt málið frá heldur væri það í skoðun. Sagði hann að fjöldi starfsmanna sveitarfélagsins innan BSRB væri 22 í 18 stöðugildum. Tók hann undir orð Gunnhildar um ríkt tilefni til að taka þátt í verkefninu.
Björn Ingi ræddi byggingu nýs hjúkrunarheimilis og þann langa tíma sem tekið hefur að fá verkið í gegn. Sagði hann að mögulega þyrfti sveitarfélagið að setja aukið fjármagn í verkefnið til að tryggja framgang þess. Tók hann heilshugar undir fyrrnefnda bókun.

Forseti bar bókun upp til atkvæða.
Samþykkt með sjö atkvæðum.

Fundargerð samþykkt með sjö atkvæðum.

9. Fundargerðir - Vatnajökulsþjóðgarður
Ragnheiður tók til máls. Fagnaði verkefninu um strandhreinsun sem fram fer næstkomandi laugardag og hvatti íbúa til að leggja sitt af mörkum við hreinsunina.

Fundargerð samþykkt með sjö atkvæðum.

Fundargerðin lögð fram til kynningar.
Fundargerð samþykkt með sjö atkvæðum.

Kristján tók til máls. Óskaði eftir upplýsingum/skýringum á hækkun á framkvæmdaáætlun vegna Vöruhúss og hvað veldur töfum á verkinu. Ræddi einnig stöðu framkvæmda í Nesjum og sagði mikla óáænægju með seinagang þeirra.
Björn Ingi tók til máls. Sagði ástæðu hækkunar á áætlun vegna framkvæmda í Vöruhúsi vera hækkun á samningi við verktaka og seinkun vegna hönnunarvinnu.
Fyrirhugað var að malbika allt Nesjahverfið en seinkun fráveituframkvæmda þar hafi haft áhrif á malbikunarframkvæmdir.

Forseti bar viðaukann upp til atkvæða.
Samþykkt með sjö atkvæðum.

Forseti lagði til að bæjarstjórn samþykki reglur fyrir leikskóla sveitarfélagsins.
Forseti bar tillöguna upp til atkvæða.
Samþykkt með sjö atkvæðum.

Páll Róbert sagði efnistökusvæðið staðsett fyrir neðan Lambleiksstaði á grónum áreyrum Hólmsár. Áin hefur ekki runnið um þennan farveg um langt skeið og svæðið er grasi gróið en jarðvegþykkt ekki mikil. Gerð deiliskipulagsins er þáttur í því að hrinda í framkvæmd vegabótum á Hringvegi um Hornafjörð.
Lagði til að bæjarstjórn geri svör skipulagsnefndar að sínum og samþykki deiliskipulagstillöguna og vísi henni í lögformlegt ferli skv. 41. og 42 gr. skipulagslaga.
Forseti bar tillöguna upp til atkvæða.
Samþykkt með sjö atkvæðum.

Páll Róbert sagði efnistökusvæðið vera í Melsendahrauni á Skógeyjarsvæðinu. Um er að ræða þétta jökulsorfna þóleita klöpp eða hvalbak sem rís í 14 metra hæð upp úr söndunum í Skógey og vísar brattur hamraveggur til suðurs en aflíðandi halli er til norðurs.
Lagði til að bæjarstjórn geri svör skipulagsnefndar að sínum og samþykki deiliskipulagstillöguna og vísi henni í lögformlegt ferli skv. 41. og 42 gr. skipulagslaga.
Forseti bar tillöguna upp til atkvæða.
Samþykkt með sjö atkvæðum.

Páll Róbert sagði námuna vera í farvegi Hornarfjarðarfljóta fyrir neðan brú. Þar er fljótið lygnt og breiðir það úr sér á milli Skógeyjar og Mýra. Varnargarðar ganga niður frá Hringveginum sem verja Skógey og Mýrar fyrir ágangi fljótsins. Í farveginum er mikið magn sands sem fljótið hefur borið fram.
Lagði til að bæjarstjórn geri svör skipulagsnefndar að sínum og samþykki deiliskipulagstillöguna og vísi henni í lögformlegt ferli skv. 41. og 42 gr. skipulagslaga.
Forseti bar tillöguna upp til atkvæða.
Samþykkt með sjö atkvæðum.

Páll Róbert sagði efnistökusvæðið vera staðsett á árbökkum og áreyrum Djúpár. Stefnt er að að efnisflutningar fari um áreyrar Djúpár.
Lagði til að bæjarstjórn geri svör skipulagsnefndar að sínum og samþykki deiliskipulagstillöguna og vísi henni í lögformlegt ferli skv. 41. og 42 gr. skipulagslaga.
Forseti bar tillöguna upp til atkvæða.
Samþykkt með sjö atkvæðum.

Páll Róbert lagði fram tillögu að aðalskipulagsbreytingu vegna virkjunar í Birnudal. Tillagan hefur fengið umfjöllun hjá Skipulagsstofnun sem gerði athugasemdir við hana, sveitarfélagið hefur brugðist við athugasemdum Skipulagsstofnunar, lagfært uppdrátt og greinargerð samkvæmt þeim.
Tillagan hefur verið kynnt almenningi.
Lagði til að bæjarstjórn samþykki að auglýsa breytingu á aðalskipulagi skv. 3. mgr. 30. gr. skipulagslaga.
Forseti bar tillöguna upp til atkvæða.
Samþykkt með sjö atkvæðum.

Páll Róbert lagði fram tillögu að aðalskipulagsbreytingu vegna ferðaþjónustu og verslunar og þjónustukafla. Tillagan hefur fengið umfjöllun hjá Skipulagsstofnun sem gerði athugasemdir við hana, sveitarfélagið hefur brugðist við athugasemdum Skipulagsstofnunar, lagfært uppdrátt og greinargerð samkvæmt þeim.
Tillagan hefur verið kynnt almenningi.
Lagði til að bæjarstjórn samþykki að auglýsa breytingu á aðalskipulagi skv. 3. mgr. 30. gr. skipulagslaga.
Forseti bar tillöguna upp til atkvæða.
Samþykkt með sjö atkvæðum.

Páll Róbert lagði fram tillögu að aðalskipulagsbreytingu í Skaftafelli III og IV. Tillagan hefur fengið umfjöllun hjá Skipulagsstofnun sem gerði athugasemdir við hana, sveitarfélagið hefur brugðist við athugasemdum Skipulagsstofnunar, lagfært uppdrátt og greinargerð samkvæmt þeim.
Tillagan hefur verið kynnt almenningi.
Lagði til að bæjarstjórn samþykki að auglýsa breytingu á aðalskipulagi skv. 3. mgr. 30. gr. skipulagslaga.
Forseti bar tillöguna upp til atkvæða.
Samþykkt með sjö atkvæðum.

Páll Róbert greindi frá umsókn um lausn úr landbúnaðarnotkun fyrir jörðina Stafafellsfjöll landnúmer 223430 og frístundalóðir í Stafafellsfjöllum sbr. 6. gr. jarðalaga nr. 81/2004. Einnig er sótt um að Stafafellsfjöll landnr. 223430 verði skipt úr jörðinni Brekku landnr. 159360 og jörðinni Stafafelli landnr. 159393 skv. 12., 13. og 14. gr. jarðarlaga.
Lagði til að bæjarstjórn samþykki breytta landbúnaðarnotkun að Stafafellsfjöllum og ofangreind landskipti.
Forsseti bar tillöguna upp til atkvæða.
Samþykkt með sjö atkvæðum.

Sæmundur tók til máls og lagði fram eftirfarandi bókun:

"Bæjarstjórn Sveitarfélagsins Hornafjarðar ítrekar fyrri bókun sína varðandi vanda sauðfjárræktarinnar og lýsir yfir miklum áhyggjum af stöðu sauðfjárbænda í ljósi gríðarlegrar lækkunar á afurðaverði og framkominna tillagna sjávarútvegs- og landbúnaðarráðherra um lausn vandans. Ljóst er að verði af boðuðum aðgerðum mun það hafa gífurleg áhrif á stöðu sauðfjárræktar og búsetu í dreifbýli og þá sérstaklega veikari svæðum. Leysa þarf vandann þannig að tryggður verði áframhaldandi búskapur á landinu öllu."

Forseti bar bókunina upp til atkvæða.
Samþykkt með sjö atkvæðum.

Bæjarstjóri gerði grein fyrir störfum sínum sl. mánuð.

Engar fyrirspurnir hafa borist.