Bæjarstjórn Hornafjarðar

Ársreikningur Sveitarfélagsins Hornafjarðar 2022 lagður fram til síðari umræðu í bæjarstjórn.

Í íbúakosningu um aðal- og deiliskipulag þétting byggðar Innbæ skal kosningaaldur miðast við 16 ár sbr. 4. mgr. 133. gr. sveitarstjórnarlaga.Miða skal við að kjósandi hafi náð þeim aldri sem kosningarréttur miðar við á lokadegi kosningar.

Íbúakosning sem fram fer á vegum Sveitarfélagsins Hornafjarðar 19. júní - 10. júlí nk. Kosningin skal fara fram á grundvelli þessara reglna, reglugerðar innviðaráðuneytisins um íbúakosningar og sveitarstjórnarlaga.Reglur þessar gilda um íbúakosningu, um samþykkt aðal- og deiliskipulag þéttingu byggðar Innbæ.

Viðauki 1 við fjárhagsáætlun ársins lagður fram. Meðfylgjandi yfirlit sýna áhrif viðaukans á upphaflega samþykkta áætlun ársins. Viðbótarfjárheimildum verði mætt með lækkun á handbæru fé og viðbótarlántöku að fjárhæð 100 m.kr.

Ásgerður K. Gylfadóttir vék af fundi undir þessum lið. Forseti greindi frá ráðningu Skúla Ingibergs Þórarinssonar í starf sviðsstjóra velferðarsviðs. Ráðningin var samþykkt í bæjarráði eftir að Hagvangur hafði unnið úr umsóknum og umsóknarferli. Hann óskaði eftir staðfestingu bæjarstjórnar þar sem um lykilstjórnanda er að ræða.

Deiliskipulag Þorgeirsstaða í Lóni er tekið fyrir að nýju þar sem deiliskipulagsferli frá 2020 lauk ekki innan þess tímaramma sem skipulagslög setja. Deiliskipulagið nær til hluta jarðanna Þorgeirsstaða (landnr. 159402) og Þorgeirsstaða 3 (landnr. 223144) í Lóni. Skipulagssvæðið er um 12 ha. að stærð og er í þrennu lagi. Á Þorgeirsstöðum er íbúðarhús og fjárhús en einnig hefur verið rekin þar ferðaþjónusta með gistingu fyrir 7 gesti. Virkjun er í Þorgeirsstaðaá. Fyrirhuguð er frekari uppbygging á ferðaþjónustustarfsemi, m.a. að breyta fjárhúsum í gistingu fyrir allt að 60 gesti.Skipulagið var auglýst frá 17. mars til 28. apríl 2023. Engin athugasemd barst en umsagnir bárust frá Umhverfisstofnun og Heilbrigðiseftirliti Austurlands.

Breyting á deiliskipulagi fyrir Hornafjarðarhöfn, Ósland var í kynningu frá 30. september til 11. nóvember 2022. Umsagnir bárust frá Minjastofnun Íslands, MAST, Vegagerðinni og Náttúrustofu Suðausturlands ses. Ein athugasemd barst. Megin markmið með breytingunni er að tryggja skilvirka nýtingu og markvissa uppbyggingu á hafnarsvæðinu. Umhverfis- og skipulagsnefnd vísaði málinu til umsagnar hjá hafnarstjórn, sem gerði ekki athugasemd við skipulagið.

Björgvin Óskar Sigurjónsson vék af fundi undir þessum lið. Öræfahestar ehf. sækir um byggingarheimild til þess að reisa reiðhöll á lóðinni Sel 1 í Öræfum. Ekki er til gildandi deiliskipulag fyrir svæði en samkvæmt aðalskipulagi er um að ræða landbúnaðarsvæði.Umhverfis- og skipulagsnefnd telur að framkvæmdin sé í samræmi við landnotkun, byggðamynstur og þéttleika byggðar. Grenndarkynning hefur þegar farið fram, engar athugasemdir bárust.

Óskað er eftir heimild til að byggja svalir út af svefnlofti 35 gestahúsa á lóð Skaftafells III og IV. Meðfylgjandi eru drög að umræddum húsum og byggingu svala af svefnlofti. Óskað er eftir að vikið sé frá kröfum 2. mgr. 43. gr. skipulagslaga um breytingu á deiliskipulagi og grenndarkynningu þar sem um svo óveruleg frávik er að ræða að hagsmunir nágranna skerðast í engu hvað varðar landnotkun, útsýni, skuggavarp eða innsýn, sbr. 3.mgr. 43.gr. laganna.

Björgvin Óskar Sigurjónsson vék af fundi undir þessum lið.Ingibjörg Ævarr Steinsdóttir og Þrúðmar Sigurður Þrúðmarsson óska eftir stofnun nýrrar lóðar Hoffell 3 úr sameignarlandi Miðfells og Hoffells 2, samkvæmt framlögðum uppdráttum. Umhverfis- og skipulagsnefnd gerir ekki athugasemd við stofnun lóðar, enda samræmist hún skipulagsáætlun. Nefndin telur að stofnun lóðarinnar hafi ekki áhrif á búrekstrarskilyrði jarðarinnar, sbr. 6. gr. jarðalaga nr. 81/2004.