Bæjarstjórn Hornafjarðar

Deiliskipulagstillaga fyrir Reynivelli var í kynningu frá 26. júní til 7. ágúst, engar athugasemdir bárust. Markmið skipulagsins er að gera grein fyrir lóðum og byggingareitum fyrir gestahús, lóð sem áður var undir íbúðahús verður nýtt gistiheimili og skemmu fyrir vélar og aðstöðu fyrir ferðaþjónustu, áætlaður gestafjöldi er 108 manns.

Ásgerður Kristín Gylfadóttir greindi frá að bæjarfulltrúar Framsóknar leggja til að skoðað verði að bæta nýtingu rafhleðslustöðva sveitarfélagsins við Miðbæ og Miðgarð með vísan til markmiðs um samgöngur og skipulag í Umhverfis- og loftslagsstefnu sveitarfélagsins. Meginmarkmið stefnunnar er varða samgöngur og skipulag er: Skipulag og innviðir sveitarfélagsins styðji við vistvænar samgöngur. Áhersla verði lögð á aðgengi að hjólastígum og hleðslustöðvum fyrir ökutæki sem lið í vegferð sveitarfélagsins að kolefnishlutleysi.Það verði gert með því að veita almenningi aðgang að stöð við Miðgarð og vekja aukna athygli á hleðslustöð við Miðbæ t.d. í samvinnu við Ísorku, ON eða aðra sem eru á þessum markaði þannig að þeir verði sýnilegir í þeirra kerfum/appi. Þá leggur Framsókn til að skoðað verði að skipta út núverandi hleðslustaurum fyrir nýja með það að markmiði að auðvelda innheimtu hóflegs gjalds fyrir notkun í samvinnu við fyrirtæki á þessum markaði.Ásgerður lagði til að bæjarstjórn samþykki að vísa tillögunni til vinnslu hjá umhverfis- og skipulagsnefnd.