Bæjarstjórn Hornafjarðar

Hjördís Edda Olgeirsdóttir tók til undir lið númer 11: Samstarfsbeiðni - Graffíll listahátíð unga fólksins.

Gunnhildur Imsland tók til máls undir lið númer 6: Styrkir til þátttöku ungmenna í íþróttamótum.

Tinna Rut Sigurðardóttir tók til máls undir lið númer 1: Atvinnu- og menningarmálanefnd - 76, lið númer 5: Menningarmiðstöð.

Eyrún Fríða Árnadóttir tók til máls undir lið númer 3: Framkvæmd byggingar hjúkrunarheimilis og undir lið númer 4: Staða flugs til Hornafjarðar. Tinna Rut Sigurðardóttir tók til máls undir lið númer 2: Umhverfis- og skipulagsnefnd - 100, lið númer 7: Endurskoðun aðalskipulags Sveitarfélagsins Hornafjarðar

K-framboðið hefur óskað eftir að Hannes Ingi Jónsson taki sæti varamanns í hafnarstjórn í stað Karls Heimis Einarssonar.

Fulltrúi K-lista Guðrún Stefanía Vopnfjörð Ingólfsdóttir tekur aftur til starfa sem bæjarfulltrúi eftir 12.06.2025. Lagt er til eftirfarandi breytingar á nefndarmönnum K-lista.Guðrún Stefanía Vopnfjörð Ingólfsdóttir tekur aftur sæti bæjarfulltrúa og 1. varaforseta í bæjarstjórn fyrir K- lista, Elías Tjörvi Halldórsson tekur sæti 1. varamanns í bæjarstjórn. Guðrún Stefanía Vopnfjörð Ingólfsdóttir verður 1. varamaður K- lista í bæjarráði, 2. varamaður K- lista í umhverfis- og skipulagsnefnd og 2. varamaður K- lista í fræðslu - og frístundanefnd.

Stálgrindarhús óskar eftir að fá byggingarleyfi. Stálgrindarhús hefur fengið samþykki nágranna í Júllatúni 17, 19 og 21 sem liggja fyrir.

Rut Guðmundsdóttir sækir um heimild til að setja niður 3 gistihús að Haga 2. Ekki er í gildi deiliskipulag fyrir svæðið en samkvæmt aðalskipulagi er svæðið inn á landbúnaðarsvæði en um það segir m.a. "Ferðaþjónusta, svo sem gisting og greiðasala, innan tiltekinna stærðarmarka meðfram búskap, skal teljast hluti landbúnaðar þar sem er föst búseta. Heimilt er að selja gistiþjónustu í flokki 1 og 2 sbr. reglugerð nr. 1277/2016 um veitingastaði, gististaði og skemmtanahald. Heimilt er að nýta núverandi byggingar með breytingum og/eða takmarkaðri viðbótaruppbyggingu fyrir gistingu í allt að 16 herbergjum, fyrir 32 gesti." Grenndarkyning hefur farið fram og engar athugasemdir bárust.

Fyrirhugað er að færa baðaðstöðu í landi Miðfells. Framkvæmdin hefur verið grenndarkynnt, engar athugasemdir bárust og Minjastofnun gerði ekki athugasemd.

Óskað er eftir leyfi til þess að taka efni úr neðsta hluta Laxár í Nesjum og gerir ráð fyrir að á líftíma malarnámsins fari heildarmagnið yfir 20 þúsund rúmmetra.

Húsfélag Silfurbrautar 19-29 sækir um leyfi til að byggja risþak ofan á þak ofan á bílageymslu, sem er steypt plata, til þess að laga leka. Erindið var grenndarkynnt húseigendum á Silfurbraut 31 og 32. Engar umsagnir bárust.

Yrkir eignir ehf sækja um lóð að Hafnarbraut 60C.

ON leggur fyrir drög að deiliskipulagi fyrir nýja hleðslustöð við smábátahöfnina við Óslandsveg.

Míla leggur inn umsókn fyrir framkvæmdaleyfi vegna lagningu ljósleiðara í sumar.

Vegagerðin sækir um framkvæmdaleyfi til byggingar á hringtorgi á hringveginum í stað tveggja T-gatnamóta. Hringtorgið verður staðsett þar sem núverandi afleggjari að Hafnarnesi er, í fyrirhugaðri veglínu hringvegarins. Þá þarf að aðlaga legu Hafnarvegar að hringtorginu að norðanverðu og lítilsháttar að sunnanverðu. Efni verður sótt í þær námur sem tilgreindar voru í upphaflegu umhverfismati.Fyrirhuguð framkvæmd, eins og henni er lýst í fylgigögnum framkvæmdaleyfisumsóknar, er í samræmi við aðalskipulag Sveitarfélagsins Hornafjarðar 2012-2030, matsskyldufyrirspurn Vegagerðarinnar (mars 2025) og ákvörðun Skipulagsstofnunar um matsskyldu dags. 23. apríl 2025.Tinna Rut Sigurðardóttir tók til máls.

Starfslýsing sviðsstjóra umhverfis- og framkvæmdasviðs lögð fram ásamt tillögu að breytingu á skipuriti umhverfis- og skipulagssviðs og mannvirkjasviðs þar sem lagt er til að sviðin tvö verði sameinuð sem umhverfis- og framkvæmdasvið með þremur deildarstjórum. Óskað er eftir að bæjarstjórn samþykki framlagða tillögu að breytingu á skipuriti umhverfis- og skipulagssviðs og mannvirkjasviðs og að auglýst verði eftir sviðsstjóra fyrir nýtt svið.

Lögð eru fram tillaga af nýjum reglum um stuðningsþjónustu í Sveitarfélaginu Hornafirði. Reglurnar taka við núverandi reglum um félagslega heimaþjónustu í Sveitarfélaginu Hornafirði. Vinnsla reglanna er partur af úrbótaáætlun á reglum sem snúa að þjónustu stuðnings- og virkniþjónustu.

Lögð eru fram tillaga af nýjum reglum um stoðþjónustu í Sveitarfélaginu Hornafirði. Reglurnar taka við núverandi reglum um félagslega heimaþjónustu í Sveitarfélaginu Hornafirði. Vinnsla reglanna er partur af úrbótaáætlun á reglum sem snúa að þjónustu stuðnings- og virkniþjónustu.Gunnhildur Imsland tók til máls.Eyrún Fríða Árnadóttir tók til máls.Tinna Rut Sigurðardóttir tók til máls.

Lögð fram tillaga um uppfærslu á reglum um fjárhagsaðstoð í Sveitarfélaginu Hornafirði. Breytingar snúa að því að uppfæra grunnfjárhæð í samræmi við það sem ákveðið var um áramót, kveða nánar á um hvenær skila beri inn umsóknum, breyting sem felur í sér að umsóknir fari fram í gegnum samræmda gátt á www.island.is og aðrar smávægilegri breytingar.

Tillaga að uppfærðum kjörum nefndarmanna lögð fram.Við síðustu uppfærslu samþykktarinnar í desember 2024 misfórst að uppfæra kjör fyrir fulltrúa í nefndum og ráðum. Þar sem núverandi samþykkt er ekki tengd launavísitölu eins og áður var myndu laun nefndarmanna lækka án þessarar breytingar sem lögð er til.

Viðauki 5 vegna tveggja upphækkaðra gangbrauta á Fákaleiru lagður fram.Viðauka er mætt með handbæru fé að fjárhæð 5 millj. Handbært fé lækkar úr 23 millj. kr. í 18 millj. kr.

Umsögn sveitarfélagsins um fyrirhugaða hækkun veiðigjalda lögð fram.

Forseti bar upp tillögu um að bæjarstjórn verði í sumarleyfi í júlí og lagði til að bæjarstjórn veitti bæjarráði Hornafjarðar fullt umboð til afgreiðslu mála frá 16. júní næstkomandi og út júlí eða þar til bæjarstjórn kemur aftur til starfa. Fyrsti fundur bæjarstjórnar eftir sumarleyfi verður þá 14. ágúst 2025 og bæjarráð fundar á tveggja vikna fresti frá 16. júní til 12. ágúst næstkomandi.