Fjölmenningarráð

Nichole forstöðumaður Fjölmenningarseturs á Ísafirði ræddi mismunandi gerðir stefnumótunnar, bæði fjölmenningarstefnur og mannréttindastefnur. Samkvæmt Nichole er mikilvægt að byrja á því að móta fjölmenningarstefnu og draga öll svið sveitarfélagsins að borðinu. Mannréttindastefna gæti svo komið í kjölfarið. Mikilvægt að skoða vel hvernig hvert svið er að vinna þegar kemur að íbúm af erlendum uppruna. Mikilvægt að stenfunni fylgi framkvæmdaráætlun sem mismunandi svið bera ábyrgð á. Stefnan þarf að innihalda móttökuáætlun. Nichole lagði til að starfsfólki mismunandi sviða yrði boðið inn á fundi fjölmenningarráðs til að kortleggja þjónustu við fólk af erlendum uppruna og hvernig sveitarfélagið standi sem þjónustuveitandi og vinnuveitandi.

Hilma Hólmfríður verkefnastjóri fjölmenningar í Reykjanesbæ kynnti fjölmenningarstefnu sveitarfélagsins frá árinu 2017 og í kjölfarið nýja heildarstefnu Reykjanesbæjar "Reykjanes í krafti fjölbreytileikans". Hilma undirstrikaði mikilvægi þess að framkvæmdaráætlun fylgdi fjölmenningarstefnum. Hilma kynnti heildarstefnu Reykjanesbæjar þar sem fjölbreytileikinn er rauði þráðurinn í gegnum alla stefnuna en auk þess byggir stefnan á heimsmarkmiðum sameinuðu þjóðanna. Í nýrri menntastefnu Reykjanesbæjar er einnig búið að flétta fjölbreytileikann inn.

Hilma sagði frá verkefni sem Reykjanesbær er að vinna að "sterk framlína" sem snýr að samvinnu þjónustustofnanna (Sýslumaður, heilbrigðisstofnun, félagsþjónustan, Vmst) í þágu allra íbúa. Stefnt að því að einfalda upplýsingar og setja þær fram á meira sjónrænann hátt svo þær henti sem flestum.

Hilma sagði frá öðru verkefni sem snýr að þátttöku allra barna í íþrótta- og tómstundastarfi sem kallast "allir með".

Ráðið ákvað að fara í undirbúningsvinnu fyrir gerð fjölmenningarstefnu. Ákveðið að bjóða starfsfólki frá mismunandi sviðum sveitarfélagsins inn á fund ráðsins í febrúar til kortleggja hvernig hin sviðin vinna með fjölmenningu og fjölbreytileika.

Nichole hélt erindi um kosningarétt fólks af erlendum uppruna á Íslandi. Einstaklingar frá Norðurlöndunum sem hafa átt lögheimili hér á landi í þrjú ár eða meira eiga rétt á að kjósa í sveitarstjórnarkosningum um aðra gildir að hafa búið á íslandi í fimm ár eða meira. Það þarf ekki íslenskan ríkisborgararétt til að kjósa í sveitarstjórnarkosningum. Samkvæmt Nichole þekkja margir íbúar af erlendum uppruna ekki rétt sinn til að kjósa. Á heimasíðu fjölmenningarseturs eru ítarlegar upplýsingar varðandi kosningar á mörgum tungumálum. Ráðið vill virkja fólk af erlendum uppruna til þátttöku í sveitarstjórnarkosningum 2022 með því að upplýsa fólk betur um rétt sinn til að kjósa. Rætt um hvort sveitarfélagið sendi bréf til allra íbúa af erlendum uppruna sem hafa náð aldri til að kjósa með upplýsingum um kosningarétt.

Nýr upplýsingatexti fyrir heimasíðu sveitarfélagsins ætlaður íbúum sem ekki tala íslensku lagður fram til kynningar ásamt viðbótarupplýsingum sem eiga að fara á heimasíðu. Ráðið samþykkti texta og viðbótarupplýsingar.

Rætt var um upplýsingabæklinga sem sendir eru á heimilisföng nýrra íbúa af erlenum uppruna og hverju megi breyta eða bæta við. Rætt um að bæta við upplýsingum um google-translate flipa á heimasíðu ásamt upplýsingum um fjölmenningarráð. Ábendingar varðandi uppfærslur á upplýsingum sem snúa að skóla.

Rætt um að fá leyfi til að kaupa auglýsingu til að ná til fleiri notenda Facebook og gera síðuna sýnilegri í upplýsingabréfi.