20. fundur

11. desember 2024 kl. 16:15 - 17:30

í Miðgarði

Nefndarmenn

Goran Basrak aðalmaður

Nejra Mesetovic formaður

Bartek Andresson Kass aðalmaður

Matsupha Brynjulfsson aðalmaður

Ann Marie-Louise S Johansson aðalmaður

Starfsmenn

Hildur Ýr Ómarsdóttir embættismaður

Anna Birna Elvarsdóttir

Fundargerð ritaði:

Anna Birna Elvarsdóttir verkefnastjóri fjölmenningarmála

Dagskrá

1.

Styrkur SASS til fjölmenningarráðs

Málsnúmer 202408045

Líkt og áður hefur verið fjallað um, fékk fjölmenningarráð styrk frá SASS og var mikið rætt um hvernig ætti að nýta hann. Nú er hugmynd ráðsins orðin fullmótuð og hefur verið haft samband við þá samstarfsaðila sem kunna að koma að verkefninu. Allt skýrist frekar á næstu vikum og vonandi getur verkefnið farið í loftið í lok febrúar eða snemma í mars.

Góð umræða skapaðist um viðburðinn og allskonar hugmyndir um framkvæmd komu til máls. Starfsmanni fjölmenningarráðs falið að vinna frekar í hugmyndunum sem komu upp á fundinum.

2.

Upplýsingar á heimasíðu á ensku

Málsnúmer 202112016

Mikið af upplýsingum á ensku inná heimasíðu Sveitarfélagsins Hornafjarðar eru orðnar úreltar og þarf að uppfæra. Nú þegar bæklingur með upplýsingum sem nýjir íbúar með erlent ríkisfang í sveitarfélaginu fá mánaðarlega, hefur verið uppfærður, er uppfærsla upplýsinga á heimasíðu næsta skref.

Margar góðar ábendingar og hugmyndir varðandi nýtt efni á heimasíðu sveitarfélagsins komu. Bendir ráðið á að síður vissra sveitarfélaga eru til fyrirmyndar varðandi upplýsingagjöf til erlendra íbúa og væri gaman ef Sveitarfélagið Hornafjörður gerði slíkt hið sama. Starfsmanni ráðs falið að skoða þetta betur.

3.

Fjölmenningarráð 2024

Málsnúmer 202402124

Nýlega kom upp hugmynd um að fjölmenningarráði gæfist tækifæri á að fara í einhvers konar vettvangsferð/fræðsluferð í sveitarfélag þar sem er virkt fjölmenningarráð starfar sömuleiðis og kynnast þeirra verkefnum betur.

Fjölmenningarráð fagnar þessu og finnst frábær hugmynd og vonar að hún verði að veruleika. Sömuleiðis hefur fjölmenningarráð áhuga á að fá önnur fjölmenningarráð til sín og kynnast þeirra vinnu betur. Ráðið hvetur starfsmann ráðs til að halda áfram virku sambandi við önnur fjölmenningarráð á suðurlandi og jafnvel á landsvísu.