28. fundur

14. apríl 2026 kl. 16:15 - 18:00

í Miðgarði

Nefndarmenn

Goran Basrak aðalmaður

Nejra Mesetovic formaður

Matsupha Brynjulfsson aðalmaður

Bartek Andresson Kass aðalmaður

Maciej Rózanski aðalmaður

Starfsmenn

Anna Birna Elvarsdóttir embættismaður

Fundargerð ritaði:

Anna Birna Elvarsdóttir verkefnastjóri fjölmenningarmála

Dagskrá

1.

Endurnýjun jafnréttisáætlunar 2027-2031

Málsnúmer 202602183

Jafnréttisáætlun Sveitarfélagsins Hornafjarðar rennur út í lok árs. Verkefnastjóri fjölmenningar, inngildingar- og jafnréttismála vinnur nú að uppfærslunni og leitar álits fjölmenningarráðs varðandi hvað má bæta.

Ráðið fór yfir minnisblaðið og kom með viðeigandi athugasemdir sem starfsmaður vinnur áfram.

2.

Styrkumsóknir fjölmenningarráðs

Málsnúmer 202508046

Ráðið sótti um styrk frá menningar-, nýsköpunar- og háskólaráðuneytinu til viðburðarhalds nýlega, í samvinnu með FAS og Sundlaug Hafnar. Þar sem umsóknin var unnin og send á milli funda ráðsins, var ráðinu kynnt umsóknin.

Ráðið ræddi umsóknina og hugmyndina, sem hljómar mjög skemmtileg. Ráðið vonar að það fái styrkinn og felur starfsmanni að vinna frekar í verkefninu.

3.

Fjölmenningarbíó

Málsnúmer 202602085

Stefnt er á að fara aftur af stað með fjölmenningarbíóin núna í haust. Skipulagning viðburðanna var rædd frekar.

Rætt var um hvaða kvikmyndir stefnt er á að sýna og þær leiðir sem hægt er að fara að því. Starfsmaður vinnur áfram að málinu.

4.

Sveitarstjórnarkosningar 2026

Málsnúmer 202603035

Líkt og flestir íbúar vita styttist óðfluga í sveitarstjórnarkosningar. Fjölmenningarráð ræðir sérstaklega um mikilvægi þess að minna erlenda íbúa sveitarfélagsins á réttindi sín, þar á meðal kosningarétt, og hvetja þau til að kynna sér málin vel og taka virkan þátt í lýðræðinu með því að nýta kosningarrétt sinn.

Fjölmenningarráð ræddi mikið komandi kosningar og féllst á að eitt það allra mikilvægasta er að fólk viti hvort þau geti kosið, hvar á að kjósa og hvenær á að kjósa. Allir eiga rétt á að geta tekið þátt í að móta hvernig samfélagið okkar á að vera. Ráðið vill koma á framfæri að hægt er að athuga hvort einstaklingur sé með kosningarrétt á þessum hlekk ásamt fleiri upplýsingum um sveitarstjórnarkosningar almennt:https://island.is/en/p/municipal-elections-2026

5.

Fjölmenning í Sveitarfélaginu Hornafirði

Málsnúmer 202110002

Tölur erlendra íbúa 2026 voru teknar saman nýlega og farið var yfir þær tölur.

Farið var yfir tölfræði varðandi íbúa sveitarfélagsins. Tölurnar eru áhugaverðar og aukning hefur verið í íbúafjölda að erlendum uppruna sem helst í hendur við uppbyggingu á svæðinu.