Fjölmenningarráð

Siðareglur kjörinna fulltrúa lagðar fram til kynningar. Ráðið leggur til að upplýsingar séu settar beint inn á heimasíðu en ekki eingöngu í pdf formi svo hægt sé að nýta google translate flipann.

Stofnaður hefur verið vinnuhópur við mótun mannréttindarstefnu og eru starfsmaður og formaður fjölmenningarrráðs hluti af þeim hóp. Starfsmaður og formaður munu koma með mál varðandi stefnumótunina inn á fund fjölmenningarráðs svo ráðið geti komið með ábendingar varðandi þann hluta sem snýr að fjölmenningu. Fjölmenningarráð fagnar því að fara eigi af stað með stefnumótun í mannréttindamálum og vonar að vinnan hefjist sem fyrst.

Fjölmenningarráð fagnar því að tekin hafi verið ákvörðun um að halda samverustundir á bókasafninu að ósk foreldra af erlendum uppruna. Foreldri af erlendum uppruna mun taka að sér að stýra viðburðinum í vetur og fer starfið af stað 22. október. Ráðið hvetur alla foreldra og börn til að mæta í samveruna þar sem ýmislegt spennandi verður í boði t.d. föndur, spil, leikir o.fl Viðburðurinn er kjörinn vettangur til að rækta tengsl og skapa ný.

Verið er að bíða eftir að nýjir samningar um samræmda móttöku verði tilbúnir. Sveitarfélagið hefur þó gefið það út að það sé tilbúið að taka á móti fjölskyldum í tvær íbúðir þrátt fyrir að samningar séu ekki tilbúnir. Fjölmenningarsetur vinnur að því að para fjölskyldur við sveitarfélögin og er í sambandi við verkefnastjóra fjölmenningarmála hvað það varðar.

Ákveðið að fara yfir skýrslu Kötluseturs fyrir næsta fund og ræða hugmyndir að verkefnum fyrir árið 2023.