Fræðslu- og frístundanefnd

Fræðslu- og frístundanefnd þakkar starfsfólki í Hofgarði fyrir góðar móttökur. Það er auðsjáanlega verið að leggja mikinn metnað í skólastarfið sem er ómetanlegt fyrir íbúa í Öræfum og sveitarfélagið í heild.

Fundargerð lögð fram og samþykkt.

Umræðuefnin þingsins voru fjögur.
1. Hvað er gott á Höfn?
2. Hvað má bæta? Hvað vantar?
3. Hvernig bætum við samfélagið?
4. Hvernig virkjum við fjölbreytilegastan hóp ungmenna til að taka þátt í samfélaginu.

Búið er að taka saman þá punkta sem komu frá hópum varðandi spurningar 1 og 2 og voru þeir lagðir fyrir nefndina. Á næstu vikum verða allar niðurstöðurnar kynntar betur fyrir nefndum, þingfólki og bæjarbúum. Fræðslu- og frístundarnefnd fagnar ungmennaráðsþinginu og þakkar ungmennaráði og starfsmönnum þingsins fyrir framlag þeirra. Nefndarfólk hlakkar til að sjá lokaniðurstöður og vill brýna sig og aðra til að hlusta á unga fólkið okkar og taka tillit til skoðana þess í ákvarðanatöku.

Fræðslu- og frístundanefnd samþykkir fundargerð lýðheilsuráðs. Jafnframt hvetur nefndin ráðið til að halda áfram við að móta lýðheilsustefnu fyrir sveitarfélagið og stuðla að hverskonar forvarnarstarfi eins og það hefur verið að gera.

Grunnskóli Hornafjarðar kemur almennt vel út í samanburði við landið en þessi könnun líkt og aðrar eru áminning til okkar allra að vera stöðugt á tánum þegar kemur að gæðum skólastarfs, forvörnum og því að vera barnvænt sveitarfélag.

Í samræmi við erindisbréf hópsins verður fjallað um mörg mál á þessum vettvangi. Fræðslu- og frístundanefnd verður upplýst um þau málefni sem brenna á starfshópnum á mánaðarlegum fundum nefndarinna og henni þar með gefið tækifæri til að styðja við starf hópsins.

Það er samdóma álit leikskólaráðs að vinnan fari vel af stað. Mörg mál hafa verið rædd og fyrsta málið sem farið hefur í umræðu hjá öllu starfsfólki er tungumálastefna sem leikskólinn er að setja sér. Í henni felst m.a. að samfélagið sé lykillinn að því að læra íslensku. Að alltaf sé byrjað að nota íslensku en þegar börn eða starfsmenn skilja ekki þá sé líka sjálfsagt að nota önnur tungumál. Þá er í stefnunni lögð áhersla á að starfsmenn sem ekki eiga íslensku að móðurmáli, leggi sig fram við að læra íslensku meðan þeir starfa á leikskólanum og að sama skapi leggi íslenskir starfsmenn sig fram við að kenna þeim íslensku en taki líka tillit til þess að stundum þarf að nota ensku eða jafnvel önnur tungumál.

Fram kom að starfsfólk leikskóla veltir fyrir sér hvort það þurfi að greiða fyrir skráningardaga hjá sínum börnum ef það þarf að vinna? Nú styttist í fyrstu skráningardagana og mikilvægt að starfsfólk fái upplýsingar um þetta atriði. Fræðslu- og frístundanefnd leggur til að starfsmenn þurfi ekki að greiða fyrir skráningardaga sinna barna ef þeir þurfa að vinna á skráningardögum og vísar málinu til bæjarráðs.

Fræðslu- og frístundanefnd lýsir ánægju sinni með störf leikskólaráðs og vill að sveitarfélagið skoði hvernig það geti stutt betur við íslenskunám starfsmanna af erlendum uppruna.

Bókun fundar færð í trúnaðarbók.

Fræðslu- og frístundanefnd leggur til að gjaldskrár skóla hækki skv. vísitölu og miðað verði við skólaárið. Þetta eru gjaldskrár leikskóla, Kátakots, skólamáltíðir og Tónskólans. Gjaldskrár Vörhúss, sundlaugar og dagforeldra verða teknar fyrir á næsta fundi.

Fjárhagsrammar ræddir.