Fræðslu- og tómstundanefnd

Minnisblað um stjórnskipan grunnskólans var lagt fram til umræðu. Rætt um að móta þurfi hugmyndir og stefnu um hvernig stjórnskipulagið eigi að vera, verði ákvörðun tekin um að breyta núverandi stjórnskipulagi. Mikilvægt að hefja vinnu í að móta endurskoðunarferli með hagsmunaaðilum.

Fjallað var um tillögur að reglum sem hafa fengið jákvæða umfjöllun í hópi skólastjóra í skólum sveitarfélagsins. Fræðslu- og tómstundanefnd samþykkir reglurnar.

Farið var yfir hugmyndir sem fræðslunefndarmenn skiluðu inn um kosti og galla húsnæðisvalkosta og það borið saman við hugmyndir starfshópsins starfsmanna á skipulagssviði og það rætt.

Einar Smári vék af fundi undir þessum lið.
Rætt var um endurskoðaða þjálfunar- aksturs- og kostnaðaráætlun við að flytja fimleikana í íþróttahúsið í Mánagarði. Fræðslu- og tómstundanefnd leggur til að þessi tilraun verði gerð út maí 2016 og þá verði málið endurskoðað í ljósi fenginnar reynslu.

Fjallað var um beiðni um undanþágu frá reglum um tómstundastyrk. Beiðnin var samþykkt með ákveðnum skilyrðum og ákveðið að allar álíka undanþágubeiðnir verði meðhöndlaðar í samræmi við g - lið 4. greinar reglna um tómstundastyrk.