Fræðslu- og tómstundanefnd

Fundargerð Ungmennaráðs lögð fram til kynningar.

Rætt um ákvörðun bæjarstjórnar um að byggja við Lönguhóla og starfrækja þar einn leikskóla á Höfn. Rætt um minnisblað fræðslustjóra um næstu skref í ferlinu.

Gúmmíkurlið sem er á gervigrasinu í Bárunni og á sparkvellinum við íþróttahús Hafnar er af sömu gerð og á flestum gervigrasvöllum landsins. Þær rannsóknir sem gerðar hafa verið hafa ekki skilað óyggjandi niðurstöðum um skaðsemi kurlsins frekar en á öðru kurli sem sums staðar er notað í staðinn. Fræðslu og tómstundanefnd mun fylgjast með rannsóknum Umhverfisstofnunar á skaðsemi dekkjarkurls og samþykktum Alþingis um málið og fylgja ráðleggingum um að skipta út kurlinu þegar niðurstöður liggja fyrir.

Fræðslustjóri fór yfir þær breytingar sem gerðar hafa verið á menntastefnunni. Engar athugasemdir voru gerðar en ákveðið að taka hana aftur fyrir á næsta fundi.

Fram kom að börnum í Öræfum mun fjölga um 9 í sumar og undirbúa þarf þjónustu fyrir þau frá og með næsta hausti. Börnin eru á aldrinum 1 - 14 ára. Fyrir eru 7 börn á leiks- og grunnskólaaldri. Ákveðið að skólafólk í Grunnskólanum í Hofgarði og fræðslustjóri afli upplýsinga um hvernig önnur sveitarfélög standa að samreknum leik- og grunnskóla og vinni tillögur um hvernig best er að koma til móts við þarfir vegna fjölgunar leik- og grunnskólabarna í Öræfum.

Rætt um menningarstefnuna. Hugmynd kom fram um að gera ráð fyrir leiklistarstarfi í þeim breytingum sem eftir er að gera í salnum í Sindrabæ. Draga fram kosti og galla þess að gera Mánagarð eða Sindrabæ að framtíðarhúsnæði fyrir leiklistina. Spurning að gera Sindrabæ að menningarhúsi sveitarfélagsins.

Rætt um bréf menntamálastofnunar.

Fundargerð Velferðarteymis lögð fram til kynningar.