Fræðslu- og tómstundanefnd

Fundargerð lögð fram til kynningar.

Farið var yfir lista af Ungmennaþingi 2015. Ungmennaráð óskar eftir aðkomu að Humarhátíðarnefnd til að koma með hugmyndir að vímuefnalausum viðburði fyrir 14 - 18 ára á Humarhátíð. Ákveðið var að halda annað ungmennaþing í byrjun nóvember 2017 og forgangsraða þar málum sem snerta ungmenni sérstaklega í þeim tilgangi að kynna þau fyrir væntanlegum framboðum til sveitarstjórnar. Fræðslustjóra falið að athuga hvar málefni þingsins eru stödd í kerfinu og setja fram í skilagrein til Ungmennaráðs.

Fræðslu- og tómstundanefnd þakkar Vilhjálmi fyrir greinargóða skýrslu. Fram kom að grunnskólinn er að gera mjög góða hluti í smiðjunni og þekking og færni nýsköpunarkennarans þar orðin öflug. Fræðslu- og tómstundanefnd finnst eftirsjá að heimasíðu Vöruhússins sem nú er komin undir heimasíðu sveitarfélagsins og þykja þau skipti rýra gildi Vöruhússins. Starfsmanni falið að skoða það mál. Sveitarfélagið hefur unnið heildaráætlun um endurbætur á Vöruhúsinu. Búið er að endurhanna allt húsið í samræmi við öryggiskröfur nútímans.Búið er að auglýsa útboð á fyrsta áfanga, endurbætur í kjallara. Í útboðslýsingunni er m.a. tekið á öryggismálum og eftir þennan fyrsta áfanga á húsið að uppfylla skilyrði nýjustu reglna sem gerðar eru í dag um brunavarnir.

Tekin var fyrir og samþykkt ósk starfsmanna leikskólanna um auka starfsdag þriðjudaginn 2. maí. Starfsfólk Krakkakots áformar að fara í náms- og kynnisferð til Brighton um mánaðarmótin apríl/maí og starfsfólk Lönguhóla óskar eftir að nota daginn til þess að fara í gegnum kennslugögn og leikföng fyrir flutninga.

Fundargerð 12. fundar lögð fram til kynningar.

Fram kom að þann 1. apríl verða leikskólarnir formlega orðnir að einni stofnun. Ákveðið var að gefa starfshópi um leikskólamál frí þar sem hann hefur að formlega lokið störfum en að hann sé til staðar samkvæmt erindisbréfi til 1. júlí. Ákveðið að fela fræðslustjóra, stjórnendum og starfsfóki leikskólanna áframhaldandi skipulag sameiningar með aðkomu foreldra. Fram kom að Ingibjörg Gísladóttir breytinga- og mannauðsráðgjafi mun starfa áfram með stjórnendum og starfsfólki leikskólanna í breytingaferlinu.

Farið var yfir áætlun Umhverfis- og auðlindaráðuneytis um að skipta út dekkjakurli á leik- og íþróttavöllum. Áætlað er að öll sveitarfélög verði búin að skipta kurluðu dekkjagúmmíi út fyrir hættuminni efni í árslok 2026. Endingartími gervigrass er talinn vera um tíu ár, fer eftir umhirðu og álagi. Fræðslu- og tómstundanefnd mun fylgja eftir áætlun Umhverfis- og auðlindaráðuneytisins.

Fundargerðir lagðar fram.