Fræðslu- og tómstundanefnd

Fræðslu- og tómstundanefnd skoðaði breytingarnar í kjallara Vöruhússins þar sem félagsmiðstöðin Þrykkjan verður til húsa. Nefndinni líst vel á það sem komið er og leggur áherslu á mikilvægi þess að starfsemi geti hafist þar í lok nóvember. Fram kom að starfsemi Þrykkjunnar fer fram í Heppuskóla fram að opnun á nýjum stað. Þrátt fyrir aðstöðuleysi hefur starfsemin farið vel af stað.

Farið var yfir gögn frá Sambandi íslenskra sveitarfélaga fyrir árið 2016 um rekstrarstöðu grunnskólanna í sveitarfélaginu og rekstur sambærilegra skóla annars staðar á landinu. Þórgunnur vill koma á framfæri miklum áhyggjum af aukningu leiðbeinenda við kennslu, í fyrra voru fimm leiðbeinendur í kennslu en í ár eru þeir ellefu.

Farið var yfir gögn frá Sambandi íslenslra sveitarfélaga fyrir árið 2016 um rekstrarstöðu leikskólanna í sveitarfélaginu og rekstur sambærilegra skóla annars staðar á landinu.

Fjallað var um aukna umferð við leikskólann Sjónarhól á morgnana og aftur síðdegis að loknum skóladegi og hættuna sem getur skapast af þessari aukningu. Upplýst var að starfsmenn á skipulagssviði hafa þegar hafið skoðun á því hvernig hægt væri að bæta úr þessu ástandi.

Í ályktun Félags stjórnenda leikskóla koma fram áhyggjur af stöðu barna í leikskólum, meðal annars vegna of lítils rýmis, fjölda barna í hóp og lengd dvalartíma, eins og niðurstöður skýrslu OECD „Starting strong“ sýnir (http://www.oecd-ilibrary.org/education/starting-strong-
2017_9789264276116-en). Í sveitarfélaginu er unnið að úrbótum er varða aðbúnað leikskólabarna með byggingu nýs leikskóla. Fræðslu- og tómstundanefnd telur sjálfsagt að hafa ábendingar FSL til hliðsjónar við umfjöllun sveitarstjórnar um málefni og velferð ungra barna nú og til framtíðar. Fundarmenn lýstu áhuga á því að stofna til málþings eða ráðstefnu í samstarfi við FSL eða annað fagfólk um velferð ungra barna í þessu samhengi.

Nefndin leggur til að gert verði ráð fyrir því í fjárhagsáætlun næsta árs að skipt verði um gólf á íþróttahúsi við Heppuskóla sumarið 2018. Gunnar Ingi leggur fram ítarlegri upplýsingar á næsta fundi.

Gunnar Ingi forfallaðist á síðustu stundu. Umfjöllun um gjaldskrá sundlaugar var frestað til næsta fundar.

Fundargerð 26. fundar Ungmennaráðs lögð fram til kynningar.

Fundargerð 27. fundar Ungmennaráðs lögð fram til kynningar.

Fundargerð 76. fundar velferðarteymis lögð fram til kynningar.