Fræðslu- og tómstundanefnd
85. fundur
15. desember 2021
kl.
16:15
-
18:00
í ráðhúsi
Nefndarmenn
Íris Heiður Jóhannsdóttir
formaður
Björgvin Óskar Sigurjónsson
varaformaður
Þóra Björg Gísladóttir
aðalmaður
Steinþór Jóhannsson
2. varamaður
Claudia Maria Hildeblom
1. varamaður
Starfsmenn
Þórgunnur Torfadóttir
Fundargerð ritaði:
Þórgunnur Torfadóttir
sviðstjóri fræðslu- og tómstundasviðs
Dagskrá
1.
Ungmennaráð Hornafjarðar - 67
Fundargerð ungmennaráðs lögð fram og samþykkt.
2.
Lýðheilsuráð 2021-2022
Fundargerð lýðheilsuráðs frá 16. nóvember lögð fram.
Til stóð að taka fundargerðir frá 16. nóvember og 14. desember. Síðari fundurinn féll niður og ákveðið að taka þær báðar fyrir á næsta fundi.
3.
Ósk um að lengja opnunartíma sundlaugar um jól og áramót
Ósk hefur komið um að lengja opnunartíma sundlaugar á aðfangadag frá 11:00 til 15:00 og gamlársdag frá 11:00 til 13:00.
Nefndin leggur til að lengja opnun sundlaugarinnar til 12:00 bæði á aðfangadag og gamlársdag. Málinu vísað til bæjarráðs.
4.
Biðlisti á leikskóla
Á fundi nefndarinnar 21.10 2021 var starfmönnum falið að taka saman kosti og galla viðbyggingar við Sjónarhól en líka að skoða möguleika á að breyta Hafnarskóla í leikskóla ef byggt verður við Heppuskóla.
Góð umræða um málið en engin góð lausn í sjónmáli. Rúmgott bráðabirgðahúsnæði er það sem fólki lýst best á til að byrja með en þá þyrfti að stækka lóðina. Að öllum líkindum hefur leikskólinn aðgang að Selinu næsta vetur svo það er tími til að hugsa málið lengur. Nefndin leggur til að lóðinni upp á hólnum verði ekki úthlutað í bili til að halda öllum möguleikum opnum. Stefnt að því að halda auka fund í byrjun árs um málið.
5.
Reglur um starfsemi leikskóla
Upplýsingar lagðar fram til kynningar og umræðu vegna hugmynda um að breyta opnunartíma leikskóla í tengslum við styttingu vinnuvikunnar og lengingu sumarleyfis starfsmanna.
Góðar umræður sköpuðust. Í málum sem þessu er mikilvægt að gefa sér tíma og fá sem flesta að borðinu. Breytingar á reglum um starfsemi leikskóla tengjast því að unnið er að því að börn fái leikskólavistun frá eins árs aldri og vinnast samhliða.
6.
Forvarnarteymi grunnskolanna
Í aðgerðaráætlun í tengslum við þingsályktun nr. 37/150 um forvarnir meðal barna og ungmenna gegn kynferðislegu og kynbundnu ofbeldi og áreitni var m.a. kveðið á um að komið skyldi á forvarnarteymum í öllum grunnskólum fyrir áramót 2021. Endanlegt markmið þingsályktunarinnar er að forvarnir gegn kynferðislegu og kynbundnu ofbeldi og áreitni verði samþættar kennslu og skólastarfi. Skólaskrifstofur eiga að vinna að þessari samþættingu og tryggja að forvarnir á þessu sviði verði markviss þáttur í skólastefnu sveitarfélaga og forvarnarstefnu hvers skóla.
Búið er að stofna forvarnarteymi í grunnskólanum en það á eftir að halda fyrsta fund. Allir aðilar komnir í hlutverk. Í haust var sett á stofn forvarnarteymi nemenda sem hefur verið virkt og að vissu leyti munu þessi teymi tengjast. Farsældarfrumvarpið tengist þessu máli líka og nokkri aðilar koma að fleiru en einu teymi og væntingar eru um að vinna nýtist á milli þeirra.
7.
Ráðstöfun fjármuna í grunnskóla fyrir alla
Niðurstöður úttektar á stefnu um menntun án aðgreiningar var unnin af Evrópumiðstöðinni og niðurstöður kynntar 2017. Veturinn 2018-2019 gekkst mennta- og menningarmálaráðuneytinu ásamt hagaðilum fyrir fundarherferð um landið þar sem rætt var við fólk á vettvangi og leitað eftir sýn þeirra. Fundarherferðin var einnig undirbúningur fyrir mótun menntastefnu fyrir 2020 - 2030. Hluti af þeirri vinnu fólst í að leggja áherslu á skilvirka ráðstöfun fjármuna og í framhaldi var ráðist í að athuga hvernig fjármunum væri ráðstafað í íslenskum grunnskólum. Í haust hafa fulltrúar frá mennta- og menningarmálaráðuneytinu, HÍ og sambandi íslenskra sveitarfélaga fundað í landshlutunum og kynnt þessa skýrslu fyrir skólastjórnendum og skólaskrifstofum. Þar var sjálfsmatstæki Evrópumiðstöðvar um nám án aðgreiningar og sérþarfir einnig kynnt.
Í skýrslu Evrópumiðstöðvar kemur fram að núgildandi reglur um fjárframlög styðji ekki árangursríka framkvæmd stefnunnar um menntun án aðgreiningar. Öllu heldur beini þær athyglinni fyrst og fremst að sérþörfum nemenda í stað þess að efla skólastarf án aðgreiningar (bls. 27). Flestir sem sinna menntamálum eru nú þeirrar skoðunar að formlegar greiningar séu á margan hátt frumafl vegna ílagsúthlutunar til aukins stuðnings. Tilhögunin hvetur foreldra, skóla og sveitarfélög til að leita sérstaklega eftir því að nemendur fái formlega greiningu (bls. 28). Úthlutun fjármagns til menntunar fyrir alla er á margan hátt frábrugðin því að fjármagna sérkennslu. Meginmunurinn liggur í að áhersla menntunar fyrir alla er á að auðvelda öllum nemendum aðgang að þeim réttindum sem þeim eru tryggð í lögum og að laga kerfið að nemendum, á meðan áherslan í úthlutun fjármagns til sérstaks stuðnings byggir á því að greina og laga erfiðleika nemenda í skóla. Úthlutun fjármagns til menntunar fyrir alla er líka mun flóknari en að fjármagna almenna menntun þar sem hún tengist stefnumörkun sem er þvert á kerfi og nær til fjölda hagaðila. Menntakerfi sem eru án aðgreiningar geta falið í sér þörf til að úthluta fjármagni til þátta sem ekki tengjast menntun eða kennslu beint en eru nauðsynlegir til að tryggja að allir nemendur hafi aðgang að hágæða námi án aðgreiningar (bls 39).
Niðurstaða FPIES verkefnisins leiðir í ljós að til að efla menntun fyrir alla með árangur, skilvirkni og jafnræði að leiðarljósi þarf að byggja úthlutun fjármagns á fjórum grunnþáttum:
1. Að koma í veg fyrir óhagkvæmt skipulag í skólum sem byggir á því að kenna nemendum í fámennum sérúrræðum.
2. Að styðja skóla til markvissrar skólaþróunar sem miðar að faglegri og félagslegri ábyrgð allra er koma að menntun fyrir alla.
3. Að tryggja sem kostur er sveigjanlegt námsumhverfi sem byggir á skapandi kennsluaðferðum.
4. Að þróa ábyrga og gegnsæja stjórnsýslu fyrir lærdómsumhverfi fyrir alla
Það má segja að hver af þessum fjórum grunnþáttum séu megin atriði við þróun fjárveitingarstefnu sem styður við gæða menntakerfi fyrir alla og dragi úr ójafnræði í menntun. Eða ef ekki er hugað nægilega vel að þeim, geta þau verið stærsta
hindrunin að hagkvæmum og skilvirkum kerfum (bls.41 ).
Niðurstaða FPIES verkefnisins leiðir í ljós að til að efla menntun fyrir alla með árangur, skilvirkni og jafnræði að leiðarljósi þarf að byggja úthlutun fjármagns á fjórum grunnþáttum:
1. Að koma í veg fyrir óhagkvæmt skipulag í skólum sem byggir á því að kenna nemendum í fámennum sérúrræðum.
2. Að styðja skóla til markvissrar skólaþróunar sem miðar að faglegri og félagslegri ábyrgð allra er koma að menntun fyrir alla.
3. Að tryggja sem kostur er sveigjanlegt námsumhverfi sem byggir á skapandi kennsluaðferðum.
4. Að þróa ábyrga og gegnsæja stjórnsýslu fyrir lærdómsumhverfi fyrir alla
Það má segja að hver af þessum fjórum grunnþáttum séu megin atriði við þróun fjárveitingarstefnu sem styður við gæða menntakerfi fyrir alla og dragi úr ójafnræði í menntun. Eða ef ekki er hugað nægilega vel að þeim, geta þau verið stærsta
hindrunin að hagkvæmum og skilvirkum kerfum (bls.41 ).
8.
Opið bréf til bæjarstjórnar um framkvæmdir við Tónskólann
Bæjarstjórn og starfsmönnum sveitarfélagsins barst bréf frá starfsmönnum Tónskólans og var það einnig birt í Eystrahorni. Málið lagt fram til kynningar í fræðslu- og tómstundanefnd.
Fræðslu- og tómstundanefnd skilur ástæður frestunar á framkvæmdum í Sindrabæ en leggur áherslu á að farið sé í framkvæmdir eins fljótt og auðið er.
9.
Ályktun bæjarráðs Árborgar um leikskólamál
Sambandið tekur undir ályktun bæjarráðs Árborgar og hvetur til viðræðna milli ríkis og sveitarfélaga um fjármögnun leikskóladvalar að fæðingarorlofi loknu.
Áskorun Árborgar kynnt og fagnar nefndin afstöðu sambandsins til hennar og tekur undir að mikilvægt sé að styrkja tekjustofna sveitarfélaga.
10.
Æskulýðsrannsóknir
Síðustu ár hefur sveitarfélagið verið með samning við Rannsóknir og greiningu um ákveðnar æskulýðsrannsóknir. Nýjasti samningur rennur út 2023. Nú hefur mennta- og menningarmálaráðuneytið samið við Menntavísindastofnun HÍ um að sinna æskulýðsrannsóknum næstu árin.
Ekki hafa fengist svör við því hvort kannanir Menntavísindastofnunar geti komið í stað kannana frá RG. Ekki verður farið í að breyta samning við RG fyrr en það er komið í ljós.
11.
Innleiðing farsældarlaganna
Farsældarlögin taka gildi 1. janúar 2022. Hafin er undirbúningsvinna við innleiðingu þeirra og var fyrsti fundur með hagaðilum haldinn 13. desember. Á fundinum voru fulltrúar frá leikskólum, grunnskólum, frístund, félagsmiðstöð, íþróttum lögreglu, heilsugæslu, velferðarsviði, fræðslu-og frístundasviði og pólitíkinni. Alls voru 28 manns boðaðir á fundinn sem sýnir vel hve víðtækt sviðið er sem lögin ná til. Sveitarfélagið hefur fengið ráðgjafa til að aðstoða við innleiðingu á farsældarlagannalögunum og kynntu þeir sig á fundinum.
Það eru fulltrúar á vegum RR ráðgjafar sem verða starfsmönnum sveitarfélagsins til aðstoðar við innleiðinguna og fóru þeir yfir helstu áskoranir í verkefninu til að byrja með. Stofnaður verður verkefnahópur sem leiða mun vinnuna og strax á fyrstu vikum nýs árs hefst vinnan með því að greina hver staðan er hjá okkur.
12.
Menntaverðlaun Suðurlands
Menntaverðlaun Suðurlands kynnt.
Nefndarmenn hvattir til að tilnefna þá sem hafa verið að vinna framúrskarandi starf.
13.
Fræðsla fyrir starfsfólk sveitarfélagsins
Gengið hefur verið frá samningi við Fræðslu.is um starfsþróun fyrir starfsfólk sveitarfélagsins á næsta ári. Starfsþróunin er öll stafræn og nýtist bæði í leik og starfi.
Áhugaverð fræðsla framundan og spennandi að fylgjast með því hvernig stafræn starfsþróun mun reynast.