hafnarstjórn Hornafjarðar

Sigurður Guðmundsson forstöðumaður Hornafjarðarhafnar greindi frá samskiptum við Vegagerðina/Siglingastofnun vegna málsins. Vignir Júlíusson starfsmaður hafnarinnar átti fund með sérfræðingum í hafnarmálum vegna málsins og færði þeim gögn og rætt hvort það fjármagn sem sett er í verkið í áætlunum sé nóg. Starfsmenn Vegagerðarinnar eru að fara yfir gögnin og meta málið.
Einnig rætt um strandrofsvarnir innan hafnar og hvort stytta megi garðinn inní höfnina og viðhald á bryggjum.

Sigurður greindi frá viðbrögðum starfsmanna Vegagerðarinnar við skoðun á skýrslu um ástandsskoðun bryggjanna og hugmyndum um Zinkun til viðhalds. Starfsmanni falið að afla frekari upplýsinga um zinkun sem viðhald á bryggjum. Rætt um aðrar aðkallandi aðgerðir. Kostnaðartölur verði tilbúnar fyrir fjárhagsáætlun í haust.

Reynir og Sigurður gerðu grein fyrir málinu ca. 30 metrar sem þarf að grjótverja í landi hafnarinnar. Starfsmönnum falið að kostnaðarmeta verkið og kanna hvenær er hægt að fara í það.

Reynir ræddi aðgerðaráætlun í framfylgd stefnunnar. Starfsmönnum falið að kanna hvaða skipulagsráðgjafar komi til greina í vinnu við skipulagsmál á hafnarsvæði og kanna kostnað við skipulagsgerð svæðisins.

Tilboð í endurbætur á Hellisvita kynnt. Eitt tilboð barst í verkið frá H. Christensen ehf. kr. 6.267.750 sem er 102% af kostnaðaráætlun. Frávik var í tilboðinu varðandi verktíma þ.e. ósk um að hefja verkið í september nk.
Hafnarstjórn er samþykk því að gengið verði til samninga við H. Christensen ehf.

Sigurður ræddi Miklagarð og skil á milli hafnarinnar og Menningarmiðstöðvar varðandi kostnað við húsnæðið. Rætt frekar húsnæðismál hafnarinnar.

Rætt um næsta fundartíma hafnarstjórnar sem er síðasti fundur á kjörtímabilinu.

Ægir ræddi landfestur við Óslandsbryggju.

Valdemar vakti athygli á rusli í fjörunni austan við Álaugareyjarbryggju og opinn dælubrunn við Mikleyjarál.

Sigurður minnti á ósk við Cruz Iceland um Fam ferð hingað á Höfn. Ekki er hægt að verða við þeirri ósk sem er miður. Sigurður mun óska eftir endurskoðun á því.