hafnarstjórn Hornafjarðar

Björn Ingi fór yfir erindi frá Skinney Þinganesi um leit þeirra að hreinum sjó.
Hafnarstjórn heimilar áframhaldandi leit að hreinum sjó innan marka hafnarsvæðis. Hafnarstjóra falið að fylgjast með framkvæmdum og óska eftir samstarfi ef kemur til frekari framkvæmda.

Sigurður Guðmundsson fór yfir stöðu mála. Búið er að bjóða út aftur viðhaldsdýpkun innan hafnar 2015 til 2018. Útboðsfrestur er til 28.júlí kl 14:15.

Eitt tilboð barst í dýpkun á Grynnslum uppá 58,775 milljónir. Kostnaðaráætlun er 33.630 milljónir. Í gangi eru viðræður við tilboðsgjafa á grunni kostnaðaráætlunar Vegagerðarinnar. stefnt er á að framkvæmdin hefjist 20.júlí og verði lokið 10.ágúst.
Hafnarstjórn leggur þunga áherslu á að samningar náist sem fyrst á grunni kostnaðaráætlunar og framkvæmdir hefjist hið fyrsta. Hafnarstjóri kynnti samskipti sín við Vegagerðina, þingmenn og ráðherra vegna málsins.

Sigurður Guðmundsson kynnti málið. Þann 9 til 11. september n.k. verður Seatrade skemmtiferðskipasýningin haldin í Hamborg. Kostnaður á fyrirtæki er 220 þúsund, þátttakendur sjá sjálfir um að bóka/greiða flug og hótel.
Hafnarstjórn sammála að taka þátt í sýningu í Seatrade 2015. Gert er ráð fyrir þátttöku í einni sýningu í fjárhagsáætlun hafnarinnar.
Hafnarstjóra og forstöðumanni falið að vinna áfram að málinu.

Sigurður kynnti málið.
Hafnarstjórn samþykkir að tveir fulltrúar sæki fundinn.

Sigurður Guðmundsson fór yfir stöðu mála. Rafall á vél á austurfjörum eyðilagðist í vor. búið er að vera að skoða hvað er mögulegt í stöðunni. Heimtaug frá RARIK, kaup á nýrri vél og útbúa siglingaljósin með led perum.
Hafnarstjórn felur hafnarstjóra að vinna að málinu.

Reynir hafði orð á hvort hafnarstjórn ætlaði ekki að fara og skoða Hellisvitan að loknum framkvæmdum síðasta árs.