hafnarstjórn Hornafjarðar

Farið yfir gildi þess að vera aðili að Cruise Iceland. Almenn umræða um þátttöku hafnarinnar í Cruise Iceland. Hafnarstjórn er sammála um að taka áfram þátt í starfi Cruise Iceland. Gagnvart kynningaferðum erlendis verði það skoðað í hvert skipti eftir að áhersla sýningar liggur fyrir. Hafnarstjórn óskar eftir að starfsmenn kanni mögulegan áhuga aðila í afþreyingaferðaþjónustu á frekari þátttöku í þessu verkefni.

Farið yfir líkan að fjárhagsáætlun Hornafjarðarhafnar 2016. líkanið gerir ráð fyrir óbreyttum tekjum miðað við árið 2015. rekstrarkostnaður hækkar um 10 milljónir á milli ára er það að stærstum hluta vegna kjarasamninga. Áætlunin gerir ráð fyrir 15 milljónum í framkvæmdir á árinu 2016.
Farið yfir stöðu framkvæmda ársins 2015. Hafnarstjórn samþykkir að forstöðumaður endurnýji bíl hafnarinnar. Heimilt verður að leggja allt að 2,5 milljónir með eldri bíl og rúmast það innan framkvæmdaramma ársins 2015.
Farið yfir framkvæmdir árisins 2016. Hafnarstjórn felur starfmönnum að kanna kostnaði við lagfæringar í Hvammskróknum með aðstöðu fyrir smábáta í huga. Einnig að ræða við aðila sem boðist hafa til að vinna umhverfisstefnu með höfninni.
Hafnarstjórn samþykkir fjárhagsáætlun og vísar henni til annarar umræðu í bæjarstjórn.

Hafnarstjórn gerir ekki athugasemd við stefnuna en bendir á að til standi að vinna umhverfisstefnu hafnarinnar og mikilvægt er að þessar stefnur samræmist. Hafnarstjórn óskar eftir að kannað verði hvort mögulegt er að vinna þessar stefnur saman eða sem eina.

Lögð fram tilboð frá Alta og Náttúrustofu Suðausturlands.
vísað til bókunar með umhverfisstefnu Sveitarfélagsins Hornafjarðar. Ákvörðun um töku tilboða frestað.

Sigurður Einar benti á að í kafla 3.3 sem fjallar um lýðheilsa verði lögð áhersla á að nettengdur gasmælir verði ávalt staðsettur á Höfn.

Sigfús Harðarson hefur óskað eftir að láta af störfum 30. apríl 2016. Hafnarstjórn samþykkir að auglýsa tvær stöður hafnsögumanna við Hornafjarðahöfn.

Hafnarstjórn geri ekki athugasemd við áformin að uppfyltum öllum skilyrðum um slíkan rekstur. Nánar staðsetning á vagni ef til þess kemur verði í samráði við forstöðumann hafnar.
Vignir ræddi um leigu á svæði innan hafnarinnar undir gáma. Verið er að vinna drög að samningum