Heilbrigðis- og öldrunarnefnd

Afgreiðslu erindisbréfs frestað til næsta fundar.

Farið var yfir stöðu 31.desember 2014. Enn eru óinnheimtar launabætur vegna kjarasamninga gerða á árinu 2014. Launabæturnar munu berast á næstu vikum. Þá mun fjárhagsáætlunin ársins 2014 standast.

Nefndin samþykkir að vísa fjárhagsáætlun 2015 til bæjarráðs.

Farið var yfir fundargerð frá fundi 16. desember með forstjóra HSU. Heilbrigðisstofnunin er nú þátttakandi í tveimur verkefnahópum sem skipaðir voru vegna sameiningar HSU, HSVE og HSSA, innkaupahóp og verkefnahóp um upplýsingatækni og símkerfi. Það eru klár sóknarfæri varðandi innkaupamál og ýmislegt varðandi upplýsingatækni. Þessir tveir verkefnahópar skila af sér skýrslu nú fljótlega. Framkvæmdastjóri fór í skoðunarferð á Selfoss þar sem hún hitti stjórnendur og skoðaði stofnunina.

Sunnudaginn 18. janúar var haldinn stofnfundur Hollvinasamtaka Heilbrigðisstofnunarinnar á Hornafirði að frumkvæði Elísabetar Einarsdóttur. Um 50 manns mættu á stofnfundinn og var kosin stjórn Hollvinasamtakanna. Stjórnina skipa Ari Jónsson, Albert Eymundsson, Halldóra Bergljót Jónsdóttir, Haukur Helgi Þorvaldsson og Elín Freyja Hauksdóttir. Varamenn í stjórn eru Elísabet Einarsdóttir og Ester Þorvaldsdóttir. Haldinn verður framhalds stofnfundur þar sem fara yfir drög að lögum Hollvinasamtakanna og ákveða árgjald. Nefndin fagnar þessu framtaki Elísabetar og óskar Hollvinasamtökunum velfarnaðar.