Heilbrigðis- og öldrunarnefnd

Fundargerð lögð fram til kynningar.

Staðan er alvarleg, en hafa ekki borist launabætur vegna áranna 2014 og 2015 fyrir heilsugæslu og sjúkrasvið. Það hafa átt sér stað samskipti við ráðuneyti og stjórnendur HSU. Framkvæmdastjóri talaði við Herdísi forstjóra HSU í dag þar sem hún lýsti vilja til þess að greiða hlutdeild Hornafjarðar í launabótum HSU í það minnsta það sem HSU hefur nú þegar fengið greitt. Áformað er að funda í Reykjavík með forstjóra og fjármálastjóra HSU ásamt framkvæmdastjóra og bæjarstjóra á Hornafirði.

Lögð fram tillaga að gjaldskrárhækkun á útseldum mat í mötuneyti. Lögð er til 7% hækkun á núverandi gjaldskrá. Gjaldskráhækkun samþykkt með þeim fyrirvara að verð fyrir skólamat hækki að sama skapi.

Fyrstu drög fjárhagsáætlunar gera ráð fyrir talsverðum hallarekstri. Stærsti kostnaðarliðurinn er aukinn launakostnaður vegna kjarasamningshækkana. Velferðarráðuneytið hefur ekki gefið út nýja daggjaldareglugerð og því má gera ráð fyrir hækkun daggjalda miðað við þessi drög. Stjórnendum falið að rýna alla liði fjárhagsáætlunarinnar fyrir næsta fund.

Það hefur komið ósk frá fulltrúum Framsóknarflokksins um að flytja fundartíma nefndarinnar þar sem einn varamaður þeirra getur aldrei komið á settum fundartíma. Lagt til að funda 4. miðvikudag í mánuði.