Heilbrigðis- og öldrunarnefnd

Samþykkt

Fundargerðir velferðarteymis lagðar fram til kynningar.

Fundargerð forvarnarhópsins lögð fram til kynningar.

Nefndin fór yfir erindisbréfið og gerði athugasemdir við orðalag. Erindisbréfi vísað áfram til bæjarráðs.

Sótt var um framlag til Framkvæmdasjóðs aldraðra vegna kaupa á nýju sjúkrakallkerfi á hjúkrunardeild og einnig vegna fyrirhugaðrar stækkunar á sólskála við vesturenda hjúkrunardeildar. Umsóknafrestur rann út 9.febrúar, ekki er vitað hvenær úthlutað verður úr sjóðnum.

Framkvæmdastjóri fór yfir það sem hefur gerst í sameiningar. Stofnunin hefur verið þátttakandi í málefnum er varðar innkaup, upplýsingatækni. Þessir hópar eru að skila inn niðurstöðum til framkvæmdastjórnar HSU til umfjöllunar. Nú er að fara af stað verkefnahópur sem skoðar rannsóknir, fjarlækningar og læknaritun og hafa óskað eftir þátttöku HSU á Hornafirði. Stjórnendum á HSU Hornafirði hefur verið boðið að taka þátt í stjórnendadegi HSU 6. mars á Selfossi og hefur það boð verið þegið.

Lagt til að ný stjórn Gjafa- og minningasjóðs Skjólgarðs sé skipuð einum fulltrúa hvers framboðs: Halldóra B. Jónsdóttir fyrir D lista, Fjóla Hrafnkelsdóttir fyrir E lista og Sigurlaug Gissurardóttir fyrir B lista. Samþykkt.

Framkvæmdastjóri hefur sótt um að fara í námsferð til Álaborgar fyrir hönd stofnunarinnar og sveitarfélagsins að skoða öldrunarheimili og lausnir í velferðartækni. Nefndin telur mikilvægt að senda fulltrúa til að kynnast öllum nýjungum í öldrunarþjónustu. Ferðin hittir á fundardag nefndarinnar þá er lagt til að nefndin fundi viku fyrr eða þriðjudaginn 17. mars, það er samþykkt.