Heilbrigðis- og öldrunarnefnd

Fundargerð lögð fram til kynningar.

Allt útlit er fyrir hallalausan rekstur á árinu 2016.

Ásgerður kynnti vinnu sem er í gangi á vegum Samtaka fyrirtækja í velferðarþjónustu við vinnu að handbók fyrir nýja íbúa hjúkrunarheimila. Stofnaður var vinnuhópur á vegum samtakanna sem mun skila af sér í febrúar.

Lagt fyrir erindi frá Húsfélaginu í Ekru þar sem óskað er eftir varanlegri geymslu og hleðslustöð fyrir rafskutlur fyrir íbúa Ekrunnar. Óskað er m.a. eftir geymslu sem HSU Hornafirði er með til umráða í kjallara Ekrunnar. Geymslan er í fullri notkun sem stendur. Nefndin hvetur bæjarráð til að finna lausn á málinu. Einnig er bent á að það vantar geymslu fyrir rafskutlur fyrir íbúa í Mjallhvít.

Kynnt verkefnið "Brúka bekki" sem gengur út á að merkja gönguleiðir og staðsetja bekki með reglulegu millibili með þarfir aldraðra í huga. Verkefnið er komið í farveg í góðu samstarfi við Félag eldri Hornfirðinga.

Kynntar nýjar teikningar að hjúkrunarheimili ásamt greinargerð frá stofnuninni um þörf á nýrri byggingu. Teikningarnar eru frumdrög en lagt til að þær séu notaðar til að reikna framkvæmdakostnað svo hægt sé að sækja um í Framkvæmdasjóð aldraðra. Óskað eftir því að fá bréf frá Félagi eldri Hornfirðinga inn í greinargerðina ásamt bréfi frá bæjarstjóra. Með umsókninni mun fylgja undirritað bréf frá árinu 2002 þar sem byggingu á áfanga tvö við hjúkrunarheimilið var frestað vegna bágrar stöðu ríkisjóðs á þeim tíma.

Starfsáætlun fyrir árið 2017 lögð fram til kynningar.