Heilbrigðis- og öldrunarnefnd

Reksturinn er í jafnvægi.

Tekist hefur að setja saman metnaðarfulla dagskrá með spennandi fyrirlesurum. Eitthvað hefur komið inn af skráningum nú þegar og nokkrir þingmenn hafa boðað komu sína ásamt heilbrigðisráðherra. Bæjarstjórnarmenn og íbúar sveitarfélagsins eru hvattir til að mæta en hægt er að skrá sig á netfangið hssa@hssa.is.

Matthildur fór yfir það helsta úr heimsókn hennar til Danmerkur á öldrunarheimili og velferðartækni- og hjálpartækjamiðstöð í Álaborg. Það sem stóð uppúr hversu vel þeir eru að nýta sér ýmsa tæknimöguleika og náð með því móti að draga úr veikindum og auka ánægju starfsfólks og sömuleiðis íbúa. Einnig er aðbúnaður alls staðar til fyrirmyndar.

Fram hefur komið áhugi á að endurvekja nafnið "Skjólgarður" á hjúkrunarheimili HSU Hornafirði. Þetta kom meðal annars fram á afmæli Skjólgarðs síðastliðið haust. Fundarmenn eru jákvæðir fyrir því að taka upp nafnið á ný og hvetja til meiri umræðu í samfélaginu, á meðal íbúa og starfsfólks HSU Hornafirði. Framkvæmdastjóra falið að senda erindi til þeirra sem málið varðar.

Bæjarstjóri sendi bréf til Sjúkratrygginga Íslands (SÍ), Velferðarráðuneytisins og til stjórnenda HSU þar sem óskað var eftir því að úttekt verði framkvæmd á samningi um rekstur heilbrigðisþjónustu á Hornafirði líkt og ákvæði samningsins kveða á um. Sveitarfélaginu hefur borist svar frá SÍ þar sem kemur fram að úttekt muni hefjast fljótlega og SÍ mun halda utan um framkvæmdina.

Búið er að ráða nýjan hjúkrunarstjóra á hjúkrunar- og dvalardeild HSU Hornafirði. Ásgerður Gylfadóttir, hjúkrunarfræðingur hefur verið ráðin og mun hefja störf í lok maí.

Mönnun í sumarafleysingar ganga erfiðlega. Ekki hefur tekist að fullmanna afleysingar. Það er ljóst að leita þarf nýrra leiða til að laða að starfsfólk í heilbrigðisþjónustu á Hornafirði.

Ekki hafa borist svör frá Framkvæmdasjóði varðandi umsóknir sem sendar voru í sjóðinn í febrúar.