6. fundur

17. febrúar 2025 kl. 16:00 - 18:00

í ráðhúsi

Nefndarmenn

Matthildur U Þorsteinsdóttir aðalmaður

Jolanta Maria Biel varamaður

Jón Ágúst Guðmundsson formaður

Starfsmenn

Arndís Lára Kolbrúnardóttir

Fundargerð ritaði:

Arndís Lára Kolbrúnardóttir stjórnsýslu- og upplýsingafulltrúi

Dagskrá

1.

Félagsheimili sveitarfélagsins

Málsnúmer 202310043

Umræður um búnað og aðgang að aðstöðu í Hofgarði.

Íbúaráð leggur áherslu á að aðgengi að interneti á svæðinu öllu verði tryggt enda varðar það öryggi íbúa og óskar eftir að fá upplýsingar um hvert framhaldið er og hvaða úrlausnir eru í boði fyrir íbúa.

2.

Læknis og hjúkrunarþjónsuta í Öræfum

Málsnúmer 202411006

Óskað er eftir stöðu mála um heilsugæslusel í Öræfum.

Íbúaráð ítrekar mikilvægi þess að aðgengi að reglubundinni heilbrigðisþjónustu sé bætt enda þurfa íbúar Öræfa að keyra langar vegalengdir eins til þess að sækja heilbrigðisþjónustu eins og staðan er núna. Heilsugæslusel í svipaðri mynd eins og áður var myndi bæta þjónustustig og lífsgæði íbúa á svæðinu til muna. Íbúaráð leggur áherslu á að þessu máli sé fylgt eftir og vonast eftir því að komið verði á heilsugæsluseli í Öræfum.

3.

Menningartengd starfsemi í Öræfum

Málsnúmer 202502021

Forstöðumaður menningarmiðstöðvar í fjarfundi og ræðir menningartengda starfsemi í Öræfum.

Íbúaráð þakkar forstöðumanni Menningarmiðstöðvar fyrir gott spjall. Rætt var um að stefna að samráðsfundi með listasamfélaginu í Öræfum þar sem farið væri yfir stuðning og aðstöðu í boði.

4.

Frístundastarf í Öræfum

Málsnúmer 202410106

Áhugi er hjá íbúum á að nota Hofgarð meira sem félagsmiðstöð og fyrir íþróttaiðkun óskað er eftir svörum um hvaða stuðningur stendur til boða til þess að efla frístundastarf á svæðinu.

Niðurstaða fundarins var að umsjónaraðilar hússins kæmu saman til þess að finna lausn á því hvernig haga mætti aðgengi að húsinu svo aðstaðan nýtist sem best fyrir alla sem þess þurfa.

5.

Svínafellsheiði - útgáfa hættumats

Málsnúmer 202412009

Veðurstofan hefur tilkynnt að íbúafundur verði í Öræfum vegna útgáfu á hættumati vegna Svínafellsheiðar 27. mars nk.

Íbúaráð óskar eftir áframhaldandi stuðning til að sjá til þess að niðurstaða fáist á fundinum sem styður við uppbyggingu á svæðinu.

Íbúaráð Öræfum