Sameiginlegur fundur íbúaráða

Á fundi um starfsemi íbúaráða var fjallað um fyrirkomulag, hlutverk og framtíð ráðanna. Umræður beindust að þörf á skýrari afmörkun hlutverks þeirra, verklagi og stöðu innan stjórnsýslu sveitarfélagsins, með það að markmiði að efla starfsemi þeirra og tryggja markvissara samráð við íbúa.Fram kom að mikilvægt sé að hlutverk íbúaráða verði formfest áður en ný ráð taka til starfa, m.a. með endurskoðun og uppfærslu erindisbréfs. Þá var lögð áhersla á að íbúaráð gegni hlutverki tengiliðar milli íbúa og stjórnsýslu og sinni upplýsingamiðlun og umræðu um málefni svæðisins, fremur en framkvæmdarhlutverki.Rætt var að einn kjörinn fulltrúi sitji fundi íbúaráða hverju sinni og fylgi eftir þeim málum sem þar koma fram. Íbúaráð haldi að jafnaði fjóra fundi á ári, með möguleika á aukafundum eftir þörfum, auk þess að standa fyrir opnum fundi með íbúum árlega og sameiginlegum fundi allra íbúaráða þar sem stærri mál eru til umfjöllunar.Jafnframt var fjallað um mikilvægi þess að tryggja gagnsætt og aðgengilegt upplýsingastreymi, bæði til og frá íbúum, og að fundargerðir og önnur gögn séu skýr, ítarleg og aðgengileg.